Ẹfesọs 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọke rẹ ovwan de se ọnana re, ovwan ke riẹn obo rẹ iroro mẹ kodo te vwẹ igbunu ri Kristi.

Ẹfesọs 3:4 ပူးပေါင်းရင်းမြစ်များ

Matiu 13:11

Ọ da kpahe kẹ ayen nẹ, Ovwan a tare nẹ e riẹn odjahọ rẹ uvie rẹ odjuvwu, ẹkẹvuọvo ihwo efa itẹ kọye a vwọ ta kẹ ayen.

Iyẹnrẹ Esiri ri Luk 8:10

ọ da ta, ''Ovwan a vwe rọ kẹ ne riẹn odjahọ rẹ uvie rẹ Ọghẹnẹ na; ẹkẹvuọvo ihwo efa itẹ kọyen e vwo kpe ke ayen, rere dede nẹ ayen mrẹ-ẹ, enyo ayen nyo jọ sa ro aye-en.

Ọbe ri Pọl si rhe Ihwo ri Rom 11:25

Wọ da rha ghwanre kẹ omobọ wẹn ọvo, imoni mẹ, me guọnọre nẹ ovwan riẹn igbunu nana, udu ogangan bru abọvo rẹ ihwo rẹ Izrẹl rhe, bẹsiẹ rẹ unu rẹ ihwo ri Keferi vwọ gba,

Ọbe ri Pọl si rhe Ihwo ri Rom 16:25

Asakiephana vwọ kẹ ohwo ro se ru ovwan gan kirobo re iyenrẹ esiri mẹ epha kugbe eghwoghwo ri Jesu Kristi, kirobo rẹ ẹvwọphia rẹ igbunu rọye teri re sinu rhabae rhe

1 Kọrẹnt 13:2

Mi de vwo ogangan rẹ aroẹmrẹ, mi de vwo ẹruọ rẹ igbunu ejobi kugbe erianriẹn ejobi, ọ da dianẹ mi vwo esegbuyota, ro se ghwie ugbenu, ẹkẹvuọvo yi mi vwo ẹguọnọ-ọ, yo mẹvwẹ ohwo diodi.

1 Kọrẹnt 4:1

E nẹ ohwo kohwo se roro avwanre phihọ, kerẹ idibo ri Kristi kugbe imuidi rẹ igbunu rẹ Ọghẹnẹ.

2 Kọrẹnt 11:6

Owẹnẹ mi jẹ ota ẹriẹn ta dede, yẹ erianriẹn kanre ovwẹ-ẹ; avwanre dje ọnana phia kẹ ovwan vwẹ emu ejobi.

Ẹfesọs 1:9

Kidie ọ nẹrhẹ avwanre riẹn vwẹ evun rẹ aghwanre ejobi kugbe emramrẹ rẹ igbunu rẹ ọhọre rọye, kirobo rẹ ejiroro rọ jẹ kpahe Kristi epha.

Ẹfesọs 3:3

obo ra vwe rọ phia kẹ vwẹ rere me vwọ riẹn igbunu na, kirobo ri mi siro krẹn na.

Ẹfesọs 3:9

Rere ihwo ejobi vwọ mrẹ obo rẹ iroro rẹ igbunu re sinu rhabae epha vwẹ evun rẹ Ọghẹnẹ rọ ma emu ejobi.

Ẹfesọs 5:32

Ọnana igbunu rode, ki mi vwiro dje Kristi kugbe ishọshi na.

Ẹfesọs 6:19

Ovwan je rẹ kẹ vwẹ rhe, rere mi vwo vwo aroeyivwo vwo rhie unu mẹ vwo ghwoghwo igbunu rẹ iyẹnrẹ esiri na.

Kolose 1:26

Uyota nana kọye hẹ, igbunu re sinu rhahae na; ẹkẹvuọvo asakiephana ka rhe vwọ phia kẹ ihwo efuanfon rọye.

Kolose 2:2

rere e vwo se bru ẹnwẹn rayen uche rere ayen vwọ gba oma rẹ ayen koko vwẹ evun rẹ ẹguọnọ kugbe erianriẹn rẹ ota rọye, rere ayen vwo vughe igbunu rẹ Ọghẹnẹ vwẹ oma ri Kristi.

Kolose 4:3

Ovwan je nẹ ẹrhovwo kẹ avwanre rhe, rere Ọghẹnẹ vwo rhie ẹchẹ rẹ ota rọye phihọ kẹ avwanre, rere avwanre vwo gbe ikun rẹ igbunu ri Kristi na, ra vwi fiki rọye mu vwe kanre na.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

1 Timoti 3:9

ayen me yọnre igbunu rẹ esegbuyota gan vẹ evun ọfuanfon.