Ẹfesọs 3:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ ovwan kugbe ihwo efuanfon na ejobi ki se vwo ogangan vwọ riẹn ohẹhẹre kugbe ugrogro kugbe enuẹra kugbe ukokodo

Ẹfesọs 3:18 ပူးပေါင်းရင်းမြစ်များ

2 Ikun rẹ Ivie 6:41

Asakiephana gbe vrẹn, E Ọrovwohwo Ọghẹnẹ rere wo kpo asan rẹ omaerovwo wẹn, re owọwẹ te ekpeti rẹ ẹgba wẹn. Jẹn irherẹn wẹn, E Ọrovwohwo Ọghẹnẹ, vwẹ esivwo rhuo oma, gbe jẹn ihwo efuanfon wẹn ghọghọ vwẹ erhuvwu wẹn.

Une rẹ Ejiro 103:17

Ẹkẹvuọvo ẹguọnọ ro je rhẹriẹ rẹ Ọrovwohwo na herọ rhiri bẹdẹ bẹdẹ vwe enu re otu re dje oshọ rọye, ọvwata rọye ne emọ ra ro emọ,

Une rẹ Ejiro 116:15

Ghaghare vwẹ obaro rẹ Ọrovwohwo na ọtiọye ughwu rẹ ihwo efuanfon rọye epha.

Une rẹ Ejiro 132:9

Jẹn a vwẹ ọvwata rhuo irherẹn wẹn, jẹn ihwo efuanfon wẹn kperi ukperi rẹ aghọghọ.

Une rẹ Ejiro 139:6

Oghẹre rẹ erianriẹn ọtiọna o dẹ gbẹ vwe unu vrẹn; okpenu nọ, obọ mẹ sẹ te-e.

Une rẹ Ejiro 145:10

Iruo wẹn ejobi cha vwẹ ẹkpẹvwẹ kẹ wẹ, E Ọrovwohwo, ihwo efuanfon wẹn ejobi ki bruba kẹ wẹ!

Aizaya 55:9

Kidie kirobo rẹ odjuvwu kpenu nọ akpọ na, Ọtiọye idjerhe Mẹ kpanu nọ idjerhe wẹn rẹ iroro Mẹ ji kpenu nọ iroro wẹn.

Zekaraya 14:5

Iyara rẹ igbenu Mẹ ki gbe, kidie iyara rẹ igbenu ki te akakọ rọye, wa cha djẹ kirobo rẹ ovwan djẹre vwẹ ọke re otọ vwo kpogho vwẹ ọke rẹ Uzzaya vwọ he ovie ri Juda. Etiyin Ọrovwohwo Ọghẹnẹ kọ cha rhe, otu efuanfon na ejobi ki tue nene rhe.

Iyẹnrẹ Esiri ri Jọn 15:13

Ẹguọnọ rẹ ohwo vwori rọ rhonọ ọnana gbe herọ-ọ, rẹ ohwo da vwẹ arhọ rọye kpahe otọ kẹ igbeyan rọye.

Ọbe ri Pọl si rhe Ihwo ri Rom 10:3

Kidie, rẹ ayen vwọ dia ogbori rẹ ọvwata ro nẹ obọ rẹ Ọghẹnẹ rhe na, rẹ ayen vwọ guọnọ ọ robọ rẹ ayen ruẹ na, ayen rha vwẹ oma kpotọ kẹ ọvwata rẹ Ọghẹnẹ-ẹ.

2 Kọrẹnt 13:13

Ihwo efuanfon na ejobi yere ovwan.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Galesha 3:13

Kristi tan avwanre nẹ ekan rẹ urhi na nure, ekpuyovwi rọye da rhoma rhi hirhe phihọ ekan fiki re avwanre kidie e siro, Ekan kẹ ohwo kohwo ro churu ughwu vwẹ enu rẹ urhe.

Ẹfesọs 1:10

Iroro kpahe ẹgba rẹ ọke na, ro che vwo kue emu na ejobi gbe vwẹ oma rọye, emu rẹ odjuvwu kugbe emu rẹ akpọ na.

Ẹfesọs 1:15

Fiki rẹ ọnana, ri mi vwo nyo usi rẹ esegbuyota rẹ ovwan kpahe Ọrovwavwanre Jesu kugbe ẹguọnọ rẹ ovwan vwo kpahe ihwo efuanfon na,

Ẹfesọs 3:19

kugbe ra riẹn ẹguọnọ ri Kristi rọ rhonọ erianriẹn, rere wa vwọ sa vọn vẹ ọvọnvọn rẹ Ọghẹnẹ.

Kolose 1:4

rẹ avwanre vwo nyo obo rẹ ovwan se Jesu Kristi gbuyota te, kugbe ẹguọnọ rẹ ovwan vwori kẹ ihwo efuanfon ejobi,

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Ẹvwọphia 3:21

Ohwo ro phi kparobọ, ke me kẹ ogangan ro vwo tidia ekete mẹ, kirobo ri mi phi kparobọ na re me vẹ Ọsẹ me de tidia ekete rọye na.