Ẹfesọs 3:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Kirobo rẹ efe rẹ urinrin rọye epha kọ sa vwẹ ẹgba rọye kẹ ovwan ogangan vwẹ oma rẹ Erhi rọye rọ hẹ udu rẹ ovwan,

Ẹfesọs 3:16 ပူးပေါင်းရင်းမြစ်များ

ỌBE RẸ JOB 23:6

Kọ vwẹ ọrho rẹ ẹgba rọye na nene uvwe họnre? Ẹjo, ọ cha kerhọ mẹ.

Une rẹ Ejiro 138:3

Vwẹ ẹdẹ ri mi vwo se, wo dẹ nyo vwe, ogangan rẹ ẹnwẹ mẹ wo ruro bu.

Une rẹ Ejiro 28:8

Ọrovwohwo ọye ogangan rẹ ihwo rọye, ọye odjahọ re esivwo kẹ ọ rọ vwẹ evwri te.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Zekaraya 10:12

Mi ru ayen goma vwẹ evun rẹ Ọrovwohwo ayen che vwo urinrin vwẹ ode rọye, Ọrovwohwo tare.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Ọbe ri Pọl si rhe Ihwo ri Rom 2:29

Ẹkẹvuọvo omamọ rẹ ohwo ri Ju vwenẹ, ọye ohwo rọ diarọ nẹ otọ rẹ evun rhe, rẹ oyanvwe rọye nẹ evun rẹ udu rhe kugbe ọ rẹ erhi ọ dia ọ rẹ unu ofefe-e. Rẹ ejiro rọye dia ọ rẹ ohwo rẹ akpọ-ọ ẹkẹvuọvo obọ rẹ Ọghẹnẹ o nurhe.

Ọbe ri Pọl si rhe Ihwo ri Rom 7:22

Kidie oma rẹ urhi rẹ Ọghẹnẹ vwerha ovwẹ, vwẹ obo otọ rẹ evun mẹ,

Ọbe ri Pọl si rhe Ihwo ri Rom 9:23

rere ọ vwọ mrasan dje efe rẹ urinrin rọye vwọ kẹ ekuakua rẹ arodọvwẹ, rọ mare jovwo vwọ kẹ urinrin,

1 Kọrẹnt 16:13

Wa rhẹrẹ, we mndia gan vwẹ esegbuyota rẹ ovwan, we yivwaro, wa gan oma.

2 Kọrẹnt 12:9

ẹkẹvuọvo ọ da ta kẹ vwẹ, Ẹserọphẹ mẹ te kẹ wẹ, kidie vwẹ evun rẹ ovwiẹrẹ e de ru ogangan mẹ gba. Ke me ghọghọ san vwẹ evun rẹ ovwiẹrẹ mẹ, rere ogangan ri Kristi vwọ dia vwẹ oma.

2 Kọrẹnt 4:16

Ọtiọye na avwanre gbe ro ẹnwa-an. Owenẹ ugboma rẹ avwanre vwọ ghwọrọ kufia dede, yẹ obo udu rẹ avwanre hẹ ọkpokpọ kẹdẹ kẹdẹ.

Ẹfesọs 1:18

Ọke rẹ ẹro rẹ udu rẹ ovwan de rhie nu, ovwan vwọ sa riẹn obo rẹ iphiẹrohọ rẹ use re se ovwan phihọ na epha, obo rẹ urinrin rẹ ukuẹriọ bute kẹ ihwo efuanfon na.

Ẹfesọs 1:7

Evun rọye avwanre wan vwo ẹtanhirhe vwẹ oma rẹ ọbara rọye, evwoghovwo rẹ urhi ẹchọ rẹ avwanre, kirobo rẹ ẹserọphẹ rọye bute

Ẹfesọs 2:7

rere vwẹ oge rọ cha na ọ vwẹ ẹserọphẹ ro je re na kugbe arodọvwẹ rọye vwo nẹ avwanre vwẹ evun ri Kristi Jesu.

Ẹfesọs 3:15

ohwo ra vwẹ odẹ rọye se uvwie kuvwiẹ rọ hẹ akpo vẹ odjuvwu.

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

Filipae 4:13

Mi se ru emu ejobi vwi Kristi rọ kẹ vwẹ ogangan.

Filipae 4:19

Ọghẹnẹ mẹ kọ kẹ ovwan obo rẹ ovwan guọnọ kirobo rẹ efe rọye vwẹ urinrin ri Kristi Jesu epha.

Kolose 1:11

Ọtiobo rẹ ogangan rọye rho te na, kọ je kẹ ovwan ogangan vwi kemu kemu ejobi; re we vwo erhiori kugbe rere wa ghọghọ vwẹ evun rẹ oja.

Kolose 1:27

Ihwo re evun rẹ ayen vwerhe Ọghẹnẹ, rọ da vwẹ odjahọ nana phia kẹ ayen rere ayen ghwoghwo kẹ otu ri Keferi, kọye hẹ Kristi na iphiẹrohọ rẹ urinrin na.

Kolose 2:2

rere e vwo se bru ẹnwẹn rayen uche rere ayen vwọ gba oma rẹ ayen koko vwẹ evun rẹ ẹguọnọ kugbe erianriẹn rẹ ota rọye, rere ayen vwo vughe igbunu rẹ Ọghẹnẹ vwẹ oma ri Kristi.

2 Timoti 4:17

Ẹkẹvuọvo Ọrovwohwo de mudia cha vwẹ ọ da kẹ ogangan mi vwo ghwoghwo ota na gbagba, rere ihwo ri Keferi na ejobi vwo nyo. Vwẹ ọtiọye na e vwo sivwi uvwe nẹ unu rẹ okpohrokpo na.

Hibru 11:34

ri furhie ogidi-erhanre, re vabọ rẹ ọlọkọ, ri nẹ ọvwiẹre ra ro ọgba, re dia egba vwẹ ofovwi, re vẹn unuofovwi rẹ erhorha.

1 Pita 3:4

ẹkẹvuọvo e jẹn dia ohwo rọ djahere vwẹ obo udu vẹ evwarha ri jẹghwọrọ re dẹndẹn bọrọ bọrọ, rọ ghare gangan vwẹ obaro rẹ Ọghẹnẹ.