Ẹfesọs 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

Ẹfesọs 2:3 ပူးပေါင်းရင်းမြစ်များ

Jẹnẹsis 5:3

Ọke rẹ Adam vwọ dia ikpe ujosa gbẹ ihwe nu, ọ da rhe dia ọsẹ rẹ ọmọ ro vwiẹri họhọ oma rọye, kọye uhoho rọye, o de se ode rọye Sẹt.

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

ỌBE RẸ JOB 14:4

Ono ri si emu ọfuanfon nẹ evun rẹ emu ogbegbe cha? O vwo ọvuọvo-o.

ỌBE RẸ JOB 25:4

Komavọ ohwo vwọ sa dia ọvwata vwẹ obaro rẹ Ọghẹnẹ? Mavọ ohwo rẹ aye vwiẹre ru fon?

Une rẹ Ejiro 51:5

Nighere, a mrevun mẹ vwẹ evun rẹ orukuruku, vwẹ evun rẹ imwemwu oni mẹ de vwiẹ vwẹ

Aizaya 53:6

Avwanre ejobi kerẹ igodẹ suoso ghwru, dohwo didjerhe rọye vwo gbe, Ọrovwohwo dẹ kru nyẹ oghwa rẹ orukuruku rẹ avwanre ejobi.

Iyẹnrẹ Esiri ri Mak 4:19

Rẹ ẹnwan rẹ akpọ, kugbe ophiẹvwe rẹ efe, vẹ urhuru sivwe rẹ emuefa rhe vwọ ruọ, rhi keke ota na, ọ gbe rha mọ emamọ-ọ.

Iyẹnrẹ Esiri ri Jọn 1:13

Ihwo re vwiẹri, ọ dia ọ rẹ obara-a eyẹ vwẹ ọhọre rẹ ugboma-a eyẹ ọhọre rẹ ohwo-o, ẹkẹvuọvo ọ rẹ Ọghẹnẹ.

Iyẹnrẹ Esiri ri Jọn 8:44

Ovwan ọ rẹ ọsẹ rẹ ovwan idẹbono, ẹguọnọ rẹ ọsẹ rẹ ovwan ọye we ruẹ na. Ozighẹ o ruẹ nẹ otọrhe, kaka uyota rhere-e, fikiridie uyota na hẹ evun rọye-e. Ọke rọ da vwọnrọn ofian, ọ ta ota kirobo rẹ uruemu robọ rọye epha, kidie ọ vwọnrọn ofian o ruẹ ọye hẹ ọsẹ rẹ ofian.

Iruo rẹ Iyinkọn na 14:16

Vwẹ ọke rẹ awanre o de kuerhọfia kẹ ẹgborho buebu rere ayen nene idjerhe ro je ayen;

Ọbe ri Pọl si rhe Ihwo ri Rom 1:24

Fiki rẹ ọnana kugbe urhuru sivwe ofefe rẹ udu rẹ ayen Ọghẹnẹ de siobọ nẹ ayen kẹ iruo rẹ inuhu, rere ayen vwọ phọphọ oma rayen.

Ọbe ri Pọl si rhe Ihwo ri Rom 11:30

Kirobo rẹ ayen mu oma kpenu rẹ Ọghẹnẹ vwọ siẹn ayen na, asakiephana kẹ ayen je mrẹ arodọvwẹ fiki ri jẹ ọghọ evwo,

Ọbe ri Pọl si rhe Ihwo ri Rom 13:14

Ẹkẹvuọvo gbe ku Ọrovwavwanre Jesu Kristi phihọ, wọ vwẹ asan kẹ ugboma-a rere ẹguọnọ rẹ ugboma vwo je ovwan esioghwro.

Ọbe ri Pọl si rhe Ihwo ri Rom 2:14

Ọke rẹ ihwo rẹ Keferi ri vwo urhi na-a de ru obo rẹ urhi na guọnọre, yẹ ayen hẹ urhi na kẹ omaobọ rẹ ayen, dede na jẹ ayen vwo urhi na-a.

Ọbe ri Pọl si rhe Ihwo ri Rom 5:10

Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

Ọbe ri Pọl si rhe Ihwo ri Rom 5:9

Asakiephana, rẹ ọbara rọye vwo brorhiẹ kẹ avwanre nu na, ko ji ghwe sivwi avwanre nẹ ophu rẹ Ọghẹnẹ fiki rọye.

Ọbe ri Pọl si rhe Ihwo ri Rom 6:12

We rhe je umwemwu dia ugboma rẹ ovwan ọfa-a, rere ojevwe rẹ ugboma na vwo jẹ ovwan esio ghwro.

Ọbe ri Pọl si rhe Ihwo ri Rom 7:18

Me riẹnre nẹ emu ọvuọvo ro yovwiri hẹ evun mẹ-ẹ, kọye hẹ ugboma mẹ. Mi vughe obo ri yovwiri, ẹkẹvuọvo yi mi se ruo-o.

Ọbe ri Pọl si rhe Ihwo ri Rom 9:22

Kidie ọ da dianẹ Ọghẹnẹ, da guọnọ dje ophu rọye phia rọ da nẹrhẹ a riẹn ogangan rọye, ro de chirako vẹ odiri kẹ ekuakua rẹ ophu ra mare kẹ ẹghwọrọ,

1 Kọrẹnt 4:7

Kidie ono re mrẹ ofẹnẹ vwẹ oma rẹ ovwan? Die wo vwori ro jẹ uwe obọ e te? Wo de rhe vwo nu, die wọ rha vwọ yan eyan kerẹsiẹ ra mrẹ nẹ ọphẹ wọ mrẹ rẹ-ẹ?

2 Kọrẹnt 7:1

Imoni re ghare, rẹ avwanre vwo vwo ivẹ nana nure na, e gbe jẹn avwanre họ oma rẹ avwanre nẹ ẹgua rẹ ugboma vẹ erhi, re ru ẹfuọn gba vwẹ oshọẹdjẹ rẹ Ọghẹnẹ.

Galesha 3:22

Ẹkẹvuọvo ọbe ọfuanfon na de ke emu na ejobi ba umwemwu, rere obo re ve kẹ esegbuyota vwi Jesu Kristi a sa vwọ kẹ ayen otu ri segbuyota.

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Ẹfesọs 4:22

Gbe ku oma rẹ ovwan rẹ awanre na kugbe uruemu rẹ ovwan rẹ awanre na ro miovwiri fiki rẹ ophiẹvwe rẹ urhuru sivwi ofefe na kufia.

Kolose 1:21

Ovwan rẹ erhorha kugbe ivwighrẹ rẹ iruo esiri jovwo na, ka je rhuẹrẹ ovwan kugbe.

1 Tẹsalonaika 4:13

Imoni mẹ, avwanre rha guọnọ nẹ ovwan dia ogbori, kpahe ayen otu re vwerhẹ na-a, rere ovwan vwo jẹ ayen evwerhe kerẹ ayen otu ri jẹ iphiẹrohọ evwo.

1 Tẹsalonaika 5:6

Vwẹ ọtiọye na e gbi jẹ avwanre vwerhe, kerẹ otu ri chekọ na-a, ẹkẹvuọvo e gbe jẹ avwanre rhọvwọ rere a vwẹ ẹro kpẹn.

1 Timoti 6:9

Ẹkẹvuọvo otu ri bru okpakpa rẹ efe she rua ọdavwini, i muẹ ufi, i she rua ughẹghẹ rẹ ọmeme ọbrabra rẹ udu rayen ri suẹn ihwo kpo ughwu vẹ ẹghwọrọ.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

1 Pita 1:14

Kerẹ emọ ri muẹ ọghọ, ovwan rha gba oma vwra urhuru sivwe rẹ ughẹghẹ rẹ awanre-e,

2 Pita 2:14

Ẹro rẹ ayen vọnre vẹ igberadja, evun rẹ umwemwu vọn aye-en. Ayen riẹriẹ ihwo ri mudia ga-an. Ayen yono udu rayen phihọ urhuru evwo. Emọ ra harhere!

2 Pita 2:18

Kidie, ọke rẹ ayen da vwẹ ugbeghẹ yan eyan, yẹ ayen vwẹ ọfanrhiẹ vẹ urhuru si vwe riẹriẹ ihwo re je sa vabọ rẹ oruchọ rẹ aye-en.

1 Jọn 2:16

Kidie obo re hẹ evun rẹ akpọ na ejobi, urhuru si vwe rẹ ugboma, ojevwe rẹ ẹro kugbe eheri rẹ akpọ na, e dia e rẹ Ọsẹ na-a ẹkẹvuọvo e rẹ akpọ na.

1 Jọn 2:8

Yẹ urhi ọkpokpọ mi siẹ rhe ovwan na, rọ hẹ uyota vwẹ oma rọye kugbe evun rẹ ovwan, fikiridie ebri na ra wanvrẹn re yẹ urhukpẹ rẹ uyota na hiro lo re.