Ẹfesọs 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Ẹfesọs 2:2 ပူးပေါင်းရင်းမြစ်များ

ỌBE RẸ JOB 1:16

Ro je ghwa vwọ ta ota na, ọfa da djẹ rhe, tanẹ, Erhanre rẹ Ọghẹnẹ she nẹ enu rhe ọ da torhẹ igegede vẹ idibo na, i de ghwu; mẹvwẹ ọvo re vabọ rhe vuẹ we na.

ỌBE RẸ JOB 1:19

gbe nighe, odju rode ọvo de dju nẹ aton rhe, rhe teye ibienyẹ ẹne rẹ uwevwi na, o de she teye imighene na, ayen de ghwu, mẹvwẹ ọvo re vabọ rhe vuẹ we na.

ỌBE RẸ JOB 1:7

Ọrovwohwo da ta kẹ Ẹdjọ, Bovọ wọ nurhe vwo? Ẹdjọ da kpahe kẹ Ọrovwohwo nẹ, Me de yan kpuko kparo kpenu kpotọ vwẹ evun rẹ akpọ na.

ỌBE RẸ JOB 31:7

Ọ da dianẹ ichiyotọ mẹ ghwru nẹ idjerhe na, rẹ udu mẹ da yan nene ẹro mẹ, rọ da dianẹ upe tamu abọ mẹ;

Une rẹ Ejiro 17:14

Vwẹ obọ wẹn vwo sivwi, Ọrovwohwo, nẹ obọ rẹ ihwo rẹ ẹkẹn rayen dia ọ rẹ akpọ na ọvo. Gbe jẹn evun rayen vọn vẹ obo re wọ kọn koko kẹ ayen jẹn emọ rayen vwo buebu kpahe; jẹn ayen mrẹ emu jovwo kẹ emọ rayen.

Aizaya 30:1

Ekan kẹ emọ ri gbe ozighi, eriyin Ọrovwohwo tare, ri ruẹ obo rẹ ayen ta phihọ otọ, yẹ ẹkẹvuọvo ọ dia ọmẹ-ẹ; re gba oma koko, ẹkẹvuọvo yọ dia ọ rẹ erhi mẹ-ẹ, rere ayen mrasan vwẹ umwemwu ba umwemwu,

Aizaya 57:4

Ono wa bẹnẹ? ono we rhie enu rẹ ovwan phihọ kẹ ri we de yoro ẹrenvwe rẹ ovwan phia? Ovwan dia emọ rẹ igburhi, uvwiẹ rẹ ephiẹn ihwo,

Jerimaya 23:10

Kidie otọ na vọnre vẹ igberadja; fiki rẹ ekan otọ na vwo muomahọ, odi rẹ aghwa na ejobi je ya re. Idjerhe rayen omiomiovwi, ẹgba rayen shehọ-ọ.

Hosia 10:9

Ne ọke ri Gibeah rhe, ọye wo vwo ru umwemwu, E Izrẹl, ayen ji phi obọ phihọ rhi te nonẹ na. Kẹ ofovwi rhe phi ayen kua vwi Gibeah?

Livitikọs 11:16

Ogomugoro, Ọmọphrebri ọkeghọrọ, ọso vẹ oghẹre rọye,

Matiu 11:19

Ọmọ rẹ ohwo rhere ọ da ọ ria, ovwan da ta nẹ, Nighe oruimwemwu, ọgbọre, ọgbaudi, ugbeyan rẹ imiarhọghọ kugbe iruimwemwu yẹ iruo rọye vọnre vẹ aghwanre.

Matiu 13:22

Enana hẹ i ri she phihọ ohri rẹ inwe, ena hẹ edje ri nyo ota na; ẹnwan rẹ akpọ kugbe ophiẹvwe rẹ efe mi rhi keke ota na, ọ gbe sa mọ emamọ-ọ.

Matiu 13:38

Udju na vwenẹ kẹ akpọ na; emamọ esiri na kọye hẹ emọ rẹ uvie na; ẹgo na kẹ emọ rẹ idẹbono;

Iyẹnrẹ Esiri ri Mak 4:19

Rẹ ẹnwan rẹ akpọ, kugbe ophiẹvwe rẹ efe, vẹ urhuru sivwe rẹ emuefa rhe vwọ ruọ, rhi keke ota na, ọ gbe rha mọ emamọ-ọ.

Iyẹnrẹ Esiri ri Luk 16:8

Onini na de jiri odibo umwemwu na fiki rẹ aghwanre rọye; kidie emọ rẹ akpọ nana vwẹ evun rẹ uvwiẹ rayen ghwanre nọ emọ rẹ urhukpẹ na.

Iyẹnrẹ Esiri ri Luk 22:31

Saimọn, Saimọn, nighe, Idẹbono guọnọ owẹ reyọ, rere o wuye uwe kerẹ ọka,

Iyẹnrẹ Esiri ri Jọn 12:31

Asakiephana hẹ ẹdjọeguo rẹ akpọ nana, asakiephana a vwọ djẹ osun rẹ akpọ na kufia,

Iyẹnrẹ Esiri ri Jọn 13:2

Vwẹ ọke ra vwo ria emu rẹ ovwọnvwọn, rẹ idẹbono vwo phio phihọ udu ri Judas Iskariọt, ọmọ ri Saimọn, rọ shẹ,

Iyẹnrẹ Esiri ri Jọn 13:27

Rọ vwọ riọ nu, Idẹbono da ro evun rọye. Jesu da ta kẹ, obo ru wo ruẹ na, ruo phẹrẹkpẹ.

Iyẹnrẹ Esiri ri Jọn 14:30

Mi gbi che nene ovwan ta ota buebu ọfa-a, kidie osun rẹ akpọ nana cha re. O vwo ogangan vwẹ enu mẹ-ẹ.

Iyẹnrẹ Esiri ri Jọn 15:19

Ọ da dianẹ ovwan kẹ e rẹ akpọ na, akpọ na ka guọnọ erobọ rọye; ẹkẹvuọvo fikiridie ovwan rha dia e rẹ akpọ na-a na, ẹkẹvuọvo me jẹ ovwan nẹ evun rẹ akpọ na, kọye akpọ na vwo tuoma rẹ ovwan na.

Iyẹnrẹ Esiri ri Jọn 16:11

ọ rẹ ẹdjọeguo vwenẹ, fikiridie e guẹdjọ rẹ osun rẹ akpọ nana nure.

Iyẹnrẹ Esiri ri Jọn 7:7

Akpọ na se tuoma rẹ ovwa-an, ẹkẹvuọvo o tuoma mẹ fikiridie mi se oseri kpahọ nẹ iruo rọye ọ rẹ uvumwemwu.

Iyẹnrẹ Esiri ri Jọn 8:23

Ọ da ta kẹ ayen, obotọ ovwan nurhe, obenu mi nurhe; ovwan hẹ ihwo rẹ akpọ nana, me dia ohwo rẹ akpọ nana-a.

Iyẹnrẹ Esiri ri Jọn 8:44

Ovwan ọ rẹ ọsẹ rẹ ovwan idẹbono, ẹguọnọ rẹ ọsẹ rẹ ovwan ọye we ruẹ na. Ozighẹ o ruẹ nẹ otọrhe, kaka uyota rhere-e, fikiridie uyota na hẹ evun rọye-e. Ọke rọ da vwọnrọn ofian, ọ ta ota kirobo rẹ uruemu robọ rọye epha, kidie ọ vwọnrọn ofian o ruẹ ọye hẹ ọsẹ rẹ ofian.

Iruo rẹ Iyinkọn na 19:35

Rẹ osiọbe rẹ orere na vwo fue edo na nu, ọ da ta, Ihwo rẹ Ẹfesọs, didi ohwo vwẹ orere rẹ Ẹfesọs na ri jẹ riẹn nẹ etinẹ na hẹ esiri rẹ Atẹmis ẹdjọ rode na, kugbe oragha ọfuanfon ro she nẹ enu rhe?

Iruo rẹ Iyinkọn na 5:3

Ẹkẹvuọvo Pita da ta Ananayas die nẹrhẹ idẹbono vọn udu wẹn wọ vwọ vwọron ofian kẹ Erhi Ọfuanfon rọ nẹrhẹ owẹ si ubro rẹ igho rẹ otọ na nu?

Ọbe ri Pọl si rhe Ihwo ri Rom 12:2

We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

1 Kọrẹnt 5:10

marho kẹ evwẹ-ọfanrhiẹ rẹ akpọ nana, eyẹ ọvwurhuru kugbe iji, eyẹ egedjọ, jokpa nẹ ovwan guọnọ akpọ na nu.

1 Kọrẹnt 6:11

Ọtiọye evo vwẹ usun rẹ ovwan na epha jovwo. Ẹkẹvuọvo a họ ovwan, e ru ovwan fon, ovwan rease vwẹ odẹ rẹ Ọrovwohwo Jesu Kristi kugbe Ẹrhi rẹ Ọghẹnẹ rẹ avwanre.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

Galesha 1:4

ohwo rọ reyọ oma rọye vwo ru ẹse kẹ avwanre rere ovwo se sivwi avwanre nẹ umwemwu rẹ akpọ nana vwẹ ọtiobo ro de fo kẹ ẹserọphẹ rẹ Ọghẹnẹ rẹ ọsẹ rẹ avwanre.

Ẹfesọs 1:21

ro kpenu nọ ivie ejobi kugbe isuesun ejobi kugbe ogangan ejobi kugbe ubrakpọ ejobi, rọ nọ odẹ kodẹ re se ejobi, ọ dianẹ kẹ oge nana ọvo-o ẹkẹvuọvo ji te oge rọ cha;

Ẹfesọs 2:11

Vwẹ ọtiọye na wa gba karohọ nẹ rhabae ovwan Keferi vwẹ ugboma na, ke se ovwan ijẹyanvwọ fiki rẹ obo re se oyanvwe, ra vwẹ obọ ru.

Ẹfesọs 2:13

Asakiephana vwẹ evun ri Kristi Jesu ovwan re epha shesheri jovwo ke rhi si ovwan kẹrẹ vwẹ evun rẹ ọbara ri Kristi.

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

Ẹfesọs 4:17

Asakiephana me rhọvwe ọnana me ke rha je dia oseri vwẹ evun rẹ Ọrovwohwo nẹ, ovwan rhe yerẹ kirobo rẹ ihwo ri Keferi ruẹ-ẹ, fiki rẹ ugheghẹ rẹ udu rayen.

Ẹfesọs 4:22

Gbe ku oma rẹ ovwan rẹ awanre na kugbe uruemu rẹ ovwan rẹ awanre na ro miovwiri fiki rẹ ophiẹvwe rẹ urhuru sivwi ofefe na kufia.

Ẹfesọs 5:6

We jẹn ohwo ọvuọvo vwẹ eta ifefe phiẹn ovwa-an, kidie fiki rẹ imu nana ophu rẹ Ọghẹnẹ vwọ tua kpahe emọ ri jẹ ọghọ evwo na.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

Ẹfesọs 6:12

Ọ dianẹ ugboma vẹ ọbara a họnra na-a, ẹkẹvuọvo ikpihwo ride, ogangan ride, ihwo ride ri suẹn akpọ rẹ ebri nana, otuofovwi rẹ erhi umwemwu re hẹ obo obenu na.

Kolose 1:21

Ovwan rẹ erhorha kugbe ivwighrẹ rẹ iruo esiri jovwo na, ka je rhuẹrẹ ovwan kugbe.

2 Timoti 4:10

Kidie Dimas, rẹ urhuru rẹ akpọ shi, djẹ jẹ uvwe vwo kpo Tẹsalonaika; Krẹsẹns dje kpo Gaiesha, Taetọs kpo Daimesha.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.

Jems 1:7

E gbi jẹ ohwo yena roro nẹ ọye cha mrẹ emuọvo reyọ vwẹ obọ rẹ Ọrovwohwo-o.

Jems 4:4

Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.

1 Pita 1:14

Kerẹ emọ ri muẹ ọghọ, ovwan rha gba oma vwra urhuru sivwe rẹ ughẹghẹ rẹ awanre-e,

1 Pita 4:3

Gbe jẹn ọke rọ wanre na te kẹ eruo rẹ obo ri Keferi guọnọ ruẹ, ri ruẹ fanrhiẹ fanrhiẹ, urhuru sivwe, idi-ẹda, re mrẹ ọre ghọghọ, idi-emuo, ẹdjọ ro gbegọ.

2 Pita 2:14

Ẹro rẹ ayen vọnre vẹ igberadja, evun rẹ umwemwu vọn aye-en. Ayen riẹriẹ ihwo ri mudia ga-an. Ayen yono udu rayen phihọ urhuru evwo. Emọ ra harhere!

1 Jọn 3:10

Vwẹ oma rẹ Ọnana kọye e vwo vughe emọ rẹ Ọghẹnẹ, kugbe emọ rẹ idẹbono. kohwo kohwo ro ru umwemwu eyẹ ro tuoma rẹ oniọvo rọye yọ dia ọmọ rẹ Ọghẹnẹ-ẹ.

1 Jọn 3:8

Ohwo ro ru umwemwu hẹ ọmọ rẹ idẹbono; kidie idẹhono hẹ oruimwemwu notọrhe. Fiki rẹ Ọnana ọye Ọmọ rẹ Ọghẹnẹ vwọ rhe rere ọ vwọ mrasan guọghọ iruo rẹ idẹhono.

1 Jọn 4:4

Emọ na, ovwan kẹ emọ rẹ Ọghẹnẹ, ovwan ji phi ayen kua nure; kidie ohwo rọ hẹ evun rẹ ovwan na rhonọ ohwo rọ hẹ evun rẹ akpọ na.

1 Jọn 5:19

Avwanre riẹnre nẹ avwanre kẹ ihwo rẹ Ọghẹnẹ, yẹ akpọ na ejobi hẹ obọ rẹ ogangan rẹ ohwo umwemwu na.

1 Jọn 5:4

Kidie kohwo kohwo rẹ Ọghẹnẹ vwiẹri se phiẹ akpọ na kua; Ọnana kọye obọẹkparọ ro phi akpọ na kua na, kọye hẹ esegbuyota rẹ avwanre.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Ẹvwọphia 13:14

vwẹ eka ra rhọvwe kẹ nẹ ọ ru vwẹ irharo rẹ eranvwe na, ọ da vwọ phiẹn ayen otu re dia akpọ na, ọ da ta kẹ ayen nẹ a kare oma rẹ eranvwe na ra vwẹ ọlọkọ nyavwe na yọ rhọvwe ghwu-u,

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Ẹvwọphia 16:17

Amakashe righwrẹ na de ku udjokpo rọye phihọ irharheghe, urhuru rode ọvo de nẹ evun rẹ uwevwi rẹ ẹga na rhe, nẹ obo ekete na rhe, tanẹ, O rereo!

Ẹvwọphia 20:2

O de shabọ họ okpodje na, ọrọdekọ rẹ awanre na, kọye hẹ Idẹbono kugbe Ukọn na, ọ da gba ikpe uriori,