Ẹfesọs 2:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kidie oma rọye avwanre ivẹ na wan mrẹ asan vwẹ evun rẹ Erhi ọvo na vwo bru Ọsẹ na.

Ẹfesọs 2:18 ပူးပေါင်းရင်းမြစ်များ

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Matiu 28:19

Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon.

Iyẹnrẹ Esiri ri Jọn 10:7

Ọtiọye na Jesu da rhoma ta kẹ ayen, Uyota, uyota, me ta kẹ ovwan, Mẹvwẹ hẹ anurhoro rẹ igodẹ na.

Iyẹnrẹ Esiri ri Jọn 10:9

Mẹvwẹ hẹ anurhoro na; ohwo da wan oma mẹ ruọ, kọ rhọ, kọ sa ro uwevwi ro otafe kọ mrẹ egbri re.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Ọbe ri Pọl si rhe Ihwo ri Rom 5:2

Oma rọye avwanre wan vwo ẹserọphẹ rẹ avwanre mudia phihọ na, avwanre ke ghọghọ vwẹ iphiẹrohọ nẹ avwanre vwo ẹkẹn vwẹ urinrin rẹ Ọghẹnẹ na.

Ọbe ri Pọl si rhe Ihwo ri Rom 8:15

Ọ gbe dia erhi rẹ ọviẹn rọ djẹ oshọ mu ohwo na a vwọ kẹ ovwa-an, ẹkẹvuọvo kẹ erhi rẹ ọmọ a vwọ kẹ ovwan. Kọye ovwan vwo kperẹ nẹ, Baba! Ọsẹ!

1 Kọrẹnt 12:13

Kidie a vwẹ ame kẹ avwanre vwẹ oma rẹ Erhi ọvo phihọ ugboma ọvo na–ihwo ri Ju eyẹ ihwo ri Grik, ọviẹn eyẹ ọmuvwiẹ de ru ayen ejobi vwọ da vwẹ evun rẹ Erhi ọvuọvo na.

1 Kọrẹnt 8:6

ye vwọ kẹ avwanre Ọghẹnẹ ọvuọvo re herọ, Ọsẹ na, re emu ejobi nẹ obọ rọye cha ọye re nẹrhẹ avwanre dia, kugbe Ọrovwohwo ọvuọvo, Jesu Kristi, ohwo rẹ emu na ejobi wan oma rọye rhe oma rọye avwanre wa dia.

Galesha 4:6

Fiki rẹ obo rẹ ovwan vwọ dia emọ na, Ọghẹnẹ de phi Erhi rẹ ọmọ rọye na phihọ udu rẹ avwanre, ro kperẹ nẹ Abba! Baba!

Ẹfesọs 3:12

Oma rọye avwanre wan vwo aroeyivwo kugbe udu vwo sikẹrẹ fiki rẹ esegbuyota rẹ avwanre vwo kpahọ.

Ẹfesọs 3:14

Fiki rẹ ọnana mi vwo diguẹ kẹ Ọsẹ na,

Ẹfesọs 4:4

Oma ọvuọvo rẹ herọ kugbe Erhi ọvuọvo, kirobo re se ovwan rhe iphiẹrohọ ọvuọvo na rọ hẹ evun rẹ use rẹ ovwan na.

Ẹfesọs 6:18

Nẹ ẹrhovwo kọke kọke vwẹ evun rẹ Erhi na, vwẹ ẹrhovwo ẹnẹ ejobi kugbe oyare. Vwẹ ọtiọye na gbe jeje oma vẹ ẹrhiori, rere wa yare oyare kẹ ihwo efuanfon na.

Kolose 1:12

Wa mia vwẹ ekpẹvwẹ kẹ Ọsẹ na, ro ru avwanre fo ihwo re vẹ irherẹn rẹ Urhukpe na gbe koko reuku na.

Hibru 7:19

(kidie urhi na se ruẹ emuọvo gba-a); vwẹ obọ rivẹ, ọ vwẹ omamọ rẹ iphiẹrohọ rhe, oma rọye avwanre wan sikẹre Ọghẹnẹ.

Jems 3:9

Ọye ọvo na me vwo jiri Ọrovwohwo rẹ ọsẹ na; ọye avwanre vwọ harha ihwo efa rẹ Ọghẹnẹ vwẹ uhoho rọye ma.

1 Pita 1:17

Ọ da dianẹ ovwan sere Ọsẹ ohwo ro brorhiẹ abavo kirobo rẹ uruemu rọye epha, ovwan gba djẹ oshọ vwẹ uchọke rẹ ovwan dia imu na kri te.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

Ọbe ri Jud 1:20

Ẹkẹvuọvo ovwan, imoni re ghare, wa nabọ tọn oma rẹ ovwan phihọ evun rẹ esegbuyota ọfuanfon rẹ ovwan; nẹ ẹrhovwo vwẹ evun rẹ Erhi Ọfuanfon na;