Ẹfesọs 2:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Kidie ọye hẹ ufuoma rẹ ovwan, o de ku avwanre ivẹ kugbe ọvo, o da kpare ughwru rẹ ofovwi rọ hẹ uherevie rẹ avwanre kufia.

Ẹfesọs 2:14 ပူးပေါင်းရင်းမြစ်များ

Ẹsta 3:8

Etiyin Haman da ta kẹ Ovie Ahasuerus nẹ ihwo evo herọ re hra nene asan ejobi vwẹ ibrotọ ejobi rẹ uvie wẹn na; urhi rayen vẹ ọ rẹ ihwo efa dia ọvo-o, ayen je yọnrọn urhi rẹ ovie-e, vwẹ ọtiọye na ki didi erere ri te ovie re di vwo chiri ako rayen.

Maika 5:5

Ọnana kọ dia ufuoma, vwẹ ọke rẹ Asiria da rhe otọ rẹ avwanre rhi chiyi otọ rẹ avwanre, avwanre ki se isun igodẹ ighwrẹ kẹ kugbe isun ẹrenre;

Zekaraya 6:13

Ọye he ohwo ro cha bọn uwevwi rẹ ẹga rẹ Ọrovwohwo na, ke mu ọghọ rẹ ovie kẹ, ko che tidia de sun vwẹ ekete rọye Orherẹn kọ cha dia akakọ rẹ ekete rọye na, ẹruọ rẹ ufuoma kọ cha dia uvwre rẹ ayen ivẹ.

Iyẹnrẹ Esiri ri Luk 1:79

ro lo mu ihwo re hẹ ebri kugbe uhoho rẹ ughwu, ro sun avwanre vwẹ idjerhe rẹ ufuoma.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Iyẹnrẹ Esiri ri Jọn 10:16

Mi ji vwo igodẹ efa, re je dia evun rẹ ogba na-a; me je cha reyọ ayen rhe, ayen ki nyo urhuru mẹ. Ọtiọye na ekru rẹ igodẹ ọvo re cha dia, osuigegede ọvuọvo.

Iyẹnrẹ Esiri ri Jọn 11:52

ọ je dia ẹgborho na ọvo-o, ẹkẹvuọvo ro vwo se emọ rẹ Ọghẹnẹ re hrabọ ro isi na ejobi koko phihọ ọvuọvo.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Iruo rẹ Iyinkọn na 10:28

Ọ da ta kẹ ayen, Ovwan riẹn kẹ oma rẹ ovwan jovwo nẹ oshehọ urhi rere ohwo ri Ju vwo kuoma kugbe eyẹrẹ o vwo wo ohwo rẹ ẹgborho ọfa-a; ẹkẹvuọvo Ọghẹnẹ da vwọ nẹ vwẹ nẹ mi se ohwo ọvuọvo ohwo ghevweghe-e eyẹ ogbegbe-e.

Iruo rẹ Iyinkọn na 10:36

Ovwan riẹn ota na ro ji bru ihwo rẹ Izrẹl ra, iyẹnrẹ esiri rẹ ufuoma re ghwoghwo kẹ ayen vwẹ oma ri Jesu Kristi ọye Ọrovwohwo ro vwo emu ejobi,

Ọbe ri Pọl si rhe Ihwo ri Rom 5:1

Rẹ avwanre vwọ rease fiki rẹ esegbuyota rẹ avwanre nure na, e gbe jẹ avwnare vẹ Ọghẹnẹ rhuẹrẹ kugbe vwẹ oma ri Jesu Kristi Ọrovwavwanre.

Galesha 3:28

O gbi vwo ohwo ri Ju eyẹ Grik, o gbi vwo ọviẹn eyẹ ọmuvwiẹ-ẹ, o gbi vwo ọshare eyẹ aye-e, ovwan ejobi kẹ ọvuọvo vwi Jesu Kristi.

Ẹfesọs 2:15

Ọ da vwẹ ugboma rọye vwọ guọghọ irhi re jiri kugbe iji, rere asan rẹ ihwo ivẹ epha jovwo na ro vwo ruo phihọ ohwo ọkpokpọ ọvuọvo vwẹ evun rẹ oma rọye, kọye ufuoma sa vwọ dia,

Ẹfesọs 2:17

Ọ da rhe rhi ghwoghwo ufuoma kẹ ovwan re hẹ ogboko kugbe ufuoma kẹ ayen otu re kẹre.

Ẹfesọs 3:15

ohwo ra vwẹ odẹ rọye se uvwie kuvwiẹ rọ hẹ akpo vẹ odjuvwu.

Ẹfesọs 4:16

Oma rọye ọye oma na ejobi da tan kugbe a da rhuọ kugbe vwẹ uriẹn kuriẹn ejobi ra vwọ kẹ, ọke rẹ abọ ọvuọvo de ru iruo yoyovwi re, oma na kọ riẹn rhua ọ me rhe bọn oma rọye phihọ ẹguọnọ.

Kolose 1:20

Oma rọye a wan rhuẹrẹ emu na ejobi phihọ kẹ oma rọye, ọbara rẹ obọ rọye vwẹ enu rẹ agbagba ọye ọ vwọ rhuẹrẹ emu na ejobi phihọ, te emu rọ hẹ enu rẹ akpọ na, te ọ rọ hẹ obevun rẹ odjuvwu.

Kolose 2:20

Ọ da dianẹ ovwan vi Jesu ghine ghwu nẹ erharhe eravwọ rẹ akpọ nana, die rha suọ, rẹ ovwan rhe vwo mu ọghọ kẹ irhi ifefe, kerẹsiẹ rẹ ovwan da rhoma hẹ akpọ na.

Kolose 3:11

Asan ro vwo ofẹnẹ-ẹ, o vwo Grik eyẹ Ju-u, oyanvwe eyẹ ijẹyanvwọ-ọ, Ivwevwe, Sintian, ọviẹn, ọmuvwiẹ, ẹkẹvuọvo Kristi hẹ emu ejobi, ọye ri vwo emu ejobi.

Kolose 3:15

We gbe jẹ ufuoma ri Kristi vwọ kẹ udu rẹ ovwan na, fue oseghe, ẹghwọ kugbe ukpokpogho re hẹ udu rẹ ovwan ejobi, fiki rẹ ufuoma na e vwo se ovwan rhe vwọ dia oma ọvo rọye na. Ovwan gba kpẹvwẹ.

Hibru 13:20

Asakiephana e gbe jẹ Ọghẹnẹ rẹ ufuoma rọ kpare Ọrovwavwanre Jesu nẹ ughwu rhe, osuigegede rode na, vwẹ ọbara rẹ ọphọ re rara na,

Hibru 7:2

kẹ ọye Ebraham ghare ẹkẹn-ihwe rẹ ekuakua rọ ghwẹ mie ayen kẹ. Otọ rẹ odẹ rọye na kirobo re ke se vwẹ ẹsosuọ nẹ, ovie rẹ ọvwata, ra ke rhoma se nẹ, ovie ri Salẹm, kọye hẹ ovie rẹ ufuoma.