Ẹfesọs 2:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Asakiephana vwẹ evun ri Kristi Jesu ovwan re epha shesheri jovwo ke rhi si ovwan kẹrẹ vwẹ evun rẹ ọbara ri Kristi.

Ẹfesọs 2:13 ပူးပေါင်းရင်းမြစ်များ

Une rẹ Ejiro 22:7

Ihwo ejobi re mrẹ vwẹ ke vwẹ ovwẹ jehwẹ, ayen miunu phihọ ovwẹ, ayen kpogho uyovwi rayen,

Une rẹ Ejiro 73:27

Kidie gbe no, otu ri tephe kẹ wẹ ke cha ghwọrọ; wẹ ri se phi oba phihọ otu re vwe oma da wẹ ghevweghe.

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Aizaya 43:6

Ke Me ta kẹ obohwẹre ọnre, siobọ wẹn nẹ ayen, kẹ obọrhe ọnre, Wọ gbe yọnrọ-ọn, reyọ emọ Mẹ nẹ ogboko rhe emetẹ Mẹ nẹ ẹtan rẹ akpọ na rhe,

Aizaya 49:12

No, enana cha no ogboko rhe, nighere, enana cha nẹ obọhwẹre vẹ obuko ọnre rhe, enana ki che nẹ obọ ri Syene rhe.

Aizaya 57:19

Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

Aizaya 60:4

Kpare ẹro wẹn ri wo ni riariẹ, re wọ mrẹ; ayen ejobi ghwẹ oma koko, ayen bru we cha, emọ wẹn che nẹ ogboko rhe, emetẹ wẹn ke che mu ayen kpahe igbabọ.

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Aizaya 66:19

ke Me cha vwẹ oka vi vwẹ uherevie rẹ ayen. Vwẹ uherevie rẹ ayen ri ghwu chekọ na mi de ji ihwo kpo ẹgborho na, kpo Tarshish, Put, kugbe Lud, ri siẹ umurhabọ, kpo Tubal kugbe Javan, re te erhuru re hẹ ogboko na, ri ji nyo usi mẹ-ẹ eyẹ mrẹ urinrin mẹ-ẹ; ayen ki che ghwoghwo urinrin mẹ vwẹ ohri re ẹgborho na.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Iyẹnrẹ Esiri ri Jọn 10:16

Mi ji vwo igodẹ efa, re je dia evun rẹ ogba na-a; me je cha reyọ ayen rhe, ayen ki nyo urhuru mẹ. Ọtiọye na ekru rẹ igodẹ ọvo re cha dia, osuigegede ọvuọvo.

Iruo rẹ Iyinkọn na 15:14

Simiọn gbe ikun rẹ obo rẹ Ọghẹnẹ tu bru ihwo ri Keferi rhe vwẹ ẹsosuọ, rọ reyọ ayen vwo ru ihwo rẹ obọ rọye fiki rẹ odẹ rọye.

Iruo rẹ Iyinkọn na 2:39

Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ.

Iruo rẹ Iyinkọn na 22:21

Ọ da ta kẹ vwẹ, Bi nẹ etiyin; kidie mi che ji uwe yanran shesheri bru otu ri Keferi.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

1 Kọrẹnt 12:13

Kidie a vwẹ ame kẹ avwanre vwẹ oma rẹ Erhi ọvo phihọ ugboma ọvo na–ihwo ri Ju eyẹ ihwo ri Grik, ọviẹn eyẹ ọmuvwiẹ de ru ayen ejobi vwọ da vwẹ evun rẹ Erhi ọvuọvo na.

1 Kọrẹnt 6:11

Ọtiọye evo vwẹ usun rẹ ovwan na epha jovwo. Ẹkẹvuọvo a họ ovwan, e ru ovwan fon, ovwan rease vwẹ odẹ rẹ Ọrovwohwo Jesu Kristi kugbe Ẹrhi rẹ Ọghẹnẹ rẹ avwanre.

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

Galesha 3:28

O gbi vwo ohwo ri Ju eyẹ Grik, o gbi vwo ọviẹn eyẹ ọmuvwiẹ-ẹ, o gbi vwo ọshare eyẹ aye-e, ovwan ejobi kẹ ọvuọvo vwi Jesu Kristi.

Ẹfesọs 1:1

Ọbe ri Pọl, ọyinkọn ri Kristi Jesu vwẹ ọhọre rẹ Ọghẹnẹ, Ro si rhe ihwo efuanfon ri vwo esegbuyota kpahe Kristi Jesu:

Ẹfesọs 1:7

Evun rọye avwanre wan vwo ẹtanhirhe vwẹ oma rẹ ọbara rọye, evwoghovwo rẹ urhi ẹchọ rẹ avwanre, kirobo rẹ ẹserọphẹ rọye bute

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Ẹfesọs 2:12

Gba karohọ nẹ vwẹ ọke yena ka hẹriẹ ovwan nẹ Kristi, ra riẹriẹ ghwru nẹ emotọ rẹ Izrẹl, kẹ erhorha rẹ ọphọ rẹ ive na, ri vwo iphiẹrohọ-ọ ri vwo Ọghẹnẹ vwẹ akpọ na-a.

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Ẹfesọs 2:6

Ọghẹnẹ da kpare avwanre vẹ ọye vrẹn, a da vwẹ avwanre vẹ ọye tidia vwẹ asan ro kpenu vwi Kristi Jesu,

Hibru 9:18

Kọye sorọ rẹ ọbara kanre ọphọ rẹsosuọ na-a.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,