Ẹfesọs 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Gba karohọ nẹ vwẹ ọke yena ka hẹriẹ ovwan nẹ Kristi, ra riẹriẹ ghwru nẹ emotọ rẹ Izrẹl, kẹ erhorha rẹ ọphọ rẹ ive na, ri vwo iphiẹrohọ-ọ ri vwo Ọghẹnẹ vwẹ akpọ na-a.

Ẹfesọs 2:12 ပူးပေါင်းရင်းမြစ်များ

Jẹnẹsis 15:18

Vwẹ ẹdẹ yena Ọrovwohwo vẹ Ebram da re ọphọ tanẹ, Uvwiẹ wẹn Me vwẹ otọ nana kẹ, nẹ urhie rẹ Ijipt re te urhie rode na, urhie ri Yufretis.

2 Ikun rẹ Ivie 15:3

Kidie vwẹ ọke krekri Izrẹl vwo Ọghẹnẹ rẹ uyota-a, ayen ji vwo omamọ rẹ orherẹn ro yono aye-en, ayen ji vwo urhi-i.

Ezra 4:3

Ẹkẹvuọvo Zerubabẹl, Jeshua kugbe igbuyovwi rẹ uwevwi rẹ esemọ rẹ Izrẹl na da ta kẹ ayen nẹ, O dia ovwan vẹ avwanre vwo obọ kugbe vwẹ ebabọn rẹ uwevwi kẹ Ọghẹnẹ rẹ avwanre-e, ẹkẹvuọvo avwanre ọvo re bọn uwevwi kẹ Ọrovwohwo, Ọghẹnẹ rẹ Izrẹl na, kirobo ri Sairọs ovie ri Pẹsha ji urhi kẹ avwanre.

Ẹyano 12:45

Ọrhorha ghevweghe yẹrẹ odibo ra yare rhe sa riọ-ọ.

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 61:5

Erhorha ki che mudia re ghẹrẹ uchuru wẹn, erhorha ki che voro ivoro wẹn re rhuẹrẹ vain wẹn,

Jerimaya 14:8

E wẹ iphiẹrohọ rẹ Izrẹl, wẹ osivwi rọye vwẹ ọke rẹ ukpokpogho, die nẹrhẹ wọ họhọ ọrhorha vwẹ otọ na, vwọ họhọ ọyoyan rọ vwẹriẹre nẹ ọye vwerhẹ asọn ọvo?

Jerimaya 17:13

E Ọrovwohwo, iphiẹrohọ rẹ Izrẹl, otu re sen wẹ ejobi oma cha vo ayen, otu ri kurhẹriẹ ju we vwo ke si ayen phihọ akpo na, kidie ayen siẹn Ọrovwohwo na, ẹtẹrhe rẹ ame rẹ urhuarhọ.

Izikiẹl 13:9

Obọ mẹ ko mukpahe emraro na re mrẹ emramrẹ rẹ ọphiẹvwe re bọ epha rẹ efian; ayen gbe cha dia ukoko rẹ ihwo mẹ-ẹ, eyẹ e gbi che si ayen phihọ ọbe rẹ uwevwi rẹ Izrẹl na-a, eyẹ ayen gbe vwẹriẹ otọ rẹ Izrẹl na-a. Kẹ ovwan cha riẹn nẹ mẹvwẹ ọyen Ọrovwohwo Ọghẹnẹ na.

Izikiẹl 37:26

Me vẹ ayen ke re ọphọ rẹ ufuoma; kọ dia ọphọ re rara me vẹ ayen cha re; ki mi bruphihọ kẹ ayen ki bun phihọ, ke me vwẹ ẹshẹ mẹ vwo vi vwẹ uherevie rẹ ayen rhiri bẹdẹ.

Izikiẹl 47:22

Ku we bro ẹkuẹko rọ dia ẹkẹn uku kẹ oma rẹ ovwan kugbe erhorha re dia ohri rẹ ovwan ri ji vwiẹ emọ vwẹ ohri rẹ ovwan. Ayen ke dia kerẹ emotọ re vwiẹri vwẹ Izrẹl na; ayen vẹ ovwan keye a ghare uku na kẹ vwẹ ohri rẹ orua rẹ Izrẹl na.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Ukeri 18:19

Izobo ọfuanfon ejobi rẹ ihwo rẹ Izrẹl ze kẹ Ọrovwohwo na, me vwẹ ayen kẹ wẹ, kugbe emọ rẹ emeshare kugbe e rẹ emetẹ rẹ vẹ owẹ gba herọ, kọ dia ẹkẹn wẹn bẹdẹ; ọnana ọphọ rẹ ughweraka bẹdẹ vwẹ obaro rẹ Ọrovwohwo vwọ kẹ wẹ vẹ uvwiẹ rọ vẹ owẹ gba herọ.

Iyẹnrẹ Esiri ri Luk 1:72

iruo rẹ arodọvwẹ ro ruru kẹ esẹ rẹ avwanre ride, kugbe ẹkarohọ rẹ ọphọ ọfuanfon rọye,

Iyẹnrẹ Esiri ri Jọn 10:16

Mi ji vwo igodẹ efa, re je dia evun rẹ ogba na-a; me je cha reyọ ayen rhe, ayen ki nyo urhuru mẹ. Ọtiọye na ekru rẹ igodẹ ọvo re cha dia, osuigegede ọvuọvo.

Iyẹnrẹ Esiri ri Jọn 15:5

Mẹvwẹ hẹ vain na, ovwan kẹ ẹghọn na. Ọ rọ herọ vwẹ evun mẹ, re me da hẹ evun rọye, ọye ọ rọ sa mọ ini buebu, kidie ovwan de si oma nẹ uvwe ovwan se ru emuọvo-o.

Iyẹnrẹ Esiri ri Jọn 4:22

Wọ ga obo wo jẹ riẹn, avwanre ga obo rẹ avwanre riẹnre, kidie esivwo vwenẹ obọ ri Ju o nurhe.

Iruo rẹ Iyinkọn na 2:39

Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ.

Iruo rẹ Iyinkọn na 28:20

Fiki rẹ ọnana kọye mẹ vwọ guọnọ ovwan mrẹ re me vwọ nẹ iyenrẹ kẹ ovwan, rọ vwo dianẹ fiki rẹ iphiẹrohọ rẹ Izrẹl a vwọ vwẹ igoni kanre ovwẹ na.

Iruo rẹ Iyinkọn na 3:25

Ovwan ke emọ rẹ emraro na vwẹ oma rẹ ọphọ na rẹ Ọghẹnẹ vẹ esẹ rẹ ovwan rere, rọ vwọ ta kẹ Ebraham nẹ, Uvwiẹ wẹn kọye cha nẹrhẹ Uvwiẹ rẹ akpọ na ejobi vwo ebruphihọ.

Ọbe ri Pọl si rhe Ihwo ri Rom 9:8

Kọye ọ dia emọ rẹ ugboma na hẹ emọ rẹ Ọghẹnẹ-ẹ, ẹkẹvuọvo emọ rẹ ive na eye e keri phihọ uvwiẹ kẹ.

Galesha 4:8

Rhabae rẹ ovwan je riẹn Ọghẹnẹ-ẹ ovwan kẹ eviẹn rẹ ẹdjọ;

Ẹfesọs 2:19

Vwẹ ọtiọye na ovwan gbe hẹ erhorha kugbe ihwo re kua rhe-e, ẹkẹvuọvo ovwan vẹ ihwo efuanfon na kẹ emotọ kugbe ihwo rẹ evwruvwevwi rẹ Ọghẹnẹ,

Ẹfesọs 4:18

Ayen vwo ẹruọ-ọ, ra phiẹ ghwru nẹ akpọ eyere rẹ Ọghẹnẹ fiki rẹ ugheghẹ rọ hẹ ayen oma, fiki rẹ udu ogangan rayen.

Kolose 1:21

Ovwan rẹ erhorha kugbe ivwighrẹ rẹ iruo esiri jovwo na, ka je rhuẹrẹ ovwan kugbe.

Kolose 1:27

Ihwo re evun rẹ ayen vwerhe Ọghẹnẹ, rọ da vwẹ odjahọ nana phia kẹ ayen rere ayen ghwoghwo kẹ otu ri Keferi, kọye hẹ Kristi na iphiẹrohọ rẹ urinrin na.

Kolose 1:5

fiki re iphiẹrohọ re koko phihọ obo odjuvwu kẹ ovwan, ọye ota rẹ uyota rẹsosuọ rẹ ovwan ke nyo vwẹ evun rẹ iyẹnrẹ esiri na.

1 Tẹsalonaika 4:13

Imoni mẹ, avwanre rha guọnọ nẹ ovwan dia ogbori, kpahe ayen otu re vwerhẹ na-a, rere ovwan vwo jẹ ayen evwerhe kerẹ ayen otu ri jẹ iphiẹrohọ evwo.

1 Tẹsalonaika 4:5

Ọ dia ọ rẹ urhuru sivwe rẹ ugboma kerẹ ihwo ri Keferi re riẹn Ọghẹnẹ-ẹ.

2 Tẹsalonaika 2:16

Asakiephana gbe jẹ ekpuyovwi rẹ Ọrovwavwanre Jesu Kristi, kugbe Ọghẹnẹ Ọsẹ rẹ avwanre, rọ guọnọ avwanre rọ da kẹ avwanre ufuoma ri bẹdẹ kugbe omamọ rẹ iphiẹrohọ rẹ ẹserọphẹ,

1 Timoti 1:1

Ọnana ọhe ri Pọl, ọyinkọn ri Kristi Jesu vwẹ ọ rẹ urhi rẹ Ọghẹnẹ Osivwi rẹ avwanre kugbe Kristi Jesu iphiẹrohọ rẹ avwanre,

Hibru 11:34

ri furhie ogidi-erhanre, re vabọ rẹ ọlọkọ, ri nẹ ọvwiẹre ra ro ọgba, re dia egba vwẹ ofovwi, re vẹn unuofovwi rẹ erhorha.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Hibru 8:6

Ẹkẹvuọvo kirobo rọ epha na, Kristi vwo odiboegbe ro yovwi nọ ọ rẹ awanre na kidie ọphọ ro mudia re na ri me yovwi, fikiridie ive re ve phihọ na ri me yovwi rhe.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

1 Pita 3:15

ẹkẹvuọvo mu ọghọ kẹ Kristi kerẹ Ọrovwọhwo vwẹ obo udu wẹn. Choma kọke kọke re wọ vwọ chọ ochọ rẹ iphiẹrohọ rọ hẹ evun wẹn, dede na ruo dẹndẹn vẹ ọghọ;

1 Jọn 3:3

Kohwo kohwo ro phiẹrohọ ọtiọye ko ru oma rọye fuanfon kirobo rẹ ekpuyovwi rọye fonro.