Ẹfesọs 2:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Ẹfesọs 2:10 ပူးပေါင်းရင်းမြစ်များ

Une rẹ Ejiro 100:3

Riẹn nẹ Ọrovwohwo ọye Ọghẹnẹ! Ọye re ma avwanre, avwanre erọye; avwanre ihwo rọye, kugbe igegede rẹ egbri rọye.

Une rẹ Ejiro 119:3

I ri ruẹ oruchọ-ọ, ẹkẹvuọvo re yan phihọ evun rẹ idjerhe rọye!

Une rẹ Ejiro 138:8

Ọrovwohwo che ru ọhọre rọye kẹ vwẹ; ẹguọnọ wẹn ro jẹ rhẹriẹ na, E Ọrovwohwo, ọ dia rhiri bẹdẹ. Wọ sian iruo rẹ obọ wẹ-ẹn.

Une rẹ Ejiro 51:10

Ma udu ọfuanfon phihọ evun mẹ, E Ọghẹnẹ ru wo phi erhi ọkpokpọ wẹn phihọ udu mẹ.

Une rẹ Ejiro 81:13

E manẹ kẹ ihwo mẹ sa kerhọn mẹ vwonẹ, rere Izrẹl yan vwẹ idjerhe mẹ!

Aizaya 19:25

re Ọrovwohwo rẹ Ọghẹnẹ rẹ otuofovwi bruba ke na, tanẹ, Ebruba kẹ Ijipt ihwo mẹ, kẹ Asiria iruo rẹ obọ mẹ, kẹ Izrẹl ọreuku mẹ.

Aizaya 29:23

Kidie ọke rọ vwọ mrẹ emọ rọye, iruo re obọ mẹ, vwẹ uherevie rọye, kẹ ayen ru odẹ mẹ fon; ke ayen ru Ọfuanfon Ọvuọvo ri Jekọp na fon, ke ayen mudia vẹ udidi vwẹ obaro rẹ Ọghẹnẹ rẹ Izrẹl na.

Aizaya 43:21

ihwo re Me mare kẹ oma mẹ rere ayen vwo ghwoghwo ejiro mẹ phia

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Aizaya 44:21

Karophihọ imu nana, E Jekọp, kugbe Izrẹl, kidie wẹ odibo mẹ, Mẹvwẹ re ma wẹ, wẹ ke odibo mẹ, E Izrẹl wọ sa chọro ovwẹ ẹro-o.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Iyẹnrẹ Esiri ri Jọn 3:21

Ẹkẹvuọvo ohwo ro ruẹ emu rẹ uyota kpo asan rẹ urhukpe epha, rere a vwọ mrẹ iruo rọye vughe nẹ o ruẹ ọhọre rẹ Ọghẹnẹ.

Iruo rẹ Iyinkọn na 9:31

Ọtiọye na oma de rhi fu ishọshi rọ hẹ Judia, Galili kugbe Sameria ejobi ayen de mudia gan; ke yan vwẹ evun rẹ oshọẹdjẹ rẹ Ọrovwohwo kugbe uchebro rẹ Erhi Ọfuanfon na ayen de rhi bu phihọ.

Iruo rẹ Iyinkọn na 9:36

Ọke yena odibo ọvo da herọ vwẹ obi Jọpa re se Tabita, otọ rọye Dọkas eyẹ Uzo, O ru ẹse mamọ, oki rhe vwo uruemu esiri.

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

Ọbe ri Pọl si rhe Ihwo ri Rom 8:29

Kidie otu rọ riẹnre jovwo na ọ da kẹ ayen atarhe re ayen vwọ họhọ uhoho rẹ Ọmọ rọye, rere ọ sa dia ọmọkpako vwẹ ohri rẹ imoni buebu.

1 Kọrẹnt 3:9

Kidie avwanre otu rẹ iruiruo rẹ Ọghẹnẹ; ovwan hẹ udju rẹ Ọghẹnẹ, uwevwi rẹ Ọghẹnẹ na.

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

2 Kọrẹnt 5:5

Ohwo rọ rhuẹrẹ avwanre kẹ emu nana dẹn kẹ Ọghẹnẹ.

2 Kọrẹnt 9:8

Ọghẹnẹ sa kẹ ovwan ebruphihọ kebruphihọ buebu, ọtioye na ku wo se vwo emu na ejobi okoka ro te kẹ wẹ ku wo je mrẹ siobọ nu buebu vwo ru iruo kiruo esiri.

Galesha 6:15

Kidie oyanvwe vẹ ijẹyanvwọ fi emuọvo-o, ẹkẹvuọvo evwiẹ ọkpokpọ.

Ẹfesọs 1:1

Ọbe ri Pọl, ọyinkọn ri Kristi Jesu vwẹ ọhọre rẹ Ọghẹnẹ, Ro si rhe ihwo efuanfon ri vwo esegbuyota kpahe Kristi Jesu:

Ẹfesọs 1:4

mrẹmrẹ kirobo rọ jẹ avwanre reyọ vwẹ evun rọye nẹ ẹtuọhọ rẹ akpọ na rhe, nẹ avwanre fon rere avwanre vwo jẹ abe ẹriọ vwẹ obaro rọye.

Ẹfesọs 2:13

Asakiephana vwẹ evun ri Kristi Jesu ovwan re epha shesheri jovwo ke rhi si ovwan kẹrẹ vwẹ evun rẹ ọbara ri Kristi.

Ẹfesọs 2:15

Ọ da vwẹ ugboma rọye vwọ guọghọ irhi re jiri kugbe iji, rere asan rẹ ihwo ivẹ epha jovwo na ro vwo ruo phihọ ohwo ọkpokpọ ọvuọvo vwẹ evun rẹ oma rọye, kọye ufuoma sa vwọ dia,

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Ẹfesọs 2:6

Ọghẹnẹ da kpare avwanre vẹ ọye vrẹn, a da vwẹ avwanre vẹ ọye tidia vwẹ asan ro kpenu vwi Kristi Jesu,

Ẹfesọs 4:1

Mẹvwẹ, rọ hẹ uwodi fiki rẹ Ọrovwohwo na, nabọ rẹ ovwan rere ovwan yere eyere ro fori kẹ use nana re se ovwan phihọ na.

Ẹfesọs 4:24

re we ku ohwo ọkpokpọ na phihọ oma, ra mare vwẹ uhoho rẹ Ọghẹnẹ vwẹ omamọ rẹ ọvwata kugbe ẹfuọn.

Urhi Rivẹ 32:6

Kenẹ wọ hwa osa kẹ Ọrovwohwo, ovwan ihwo ughẹghẹn ri jẹ iroro evwo na! Ọ dia ọsẹ rẹ ovwan o ruẹ, rọ ma ovwan, rọ ma ovwan nu rọ da vwẹ ovwan mudia!

Urhi Rivẹ 5:33

Wa yan vwẹ idjerhe na ejobi rẹ Ọrovwohwo Ọghẹnẹ rẹ ovwan ji iji kẹ ovwan, rere wa rhọ kugbe rere o vwo yovwi kẹ ovwan kugbe rere ẹdẹ rẹ ovwan vwo gro vwẹ otọ rẹ ovwan che yeri na.

Filipae 1:6

O mu uvwe ẹro nẹ ohwo rọ to iruo esiri nana phihọ vwẹ evun rẹ ovwan na o ji che ruo gba vwẹ ẹdẹ ri Jesu Kristi da rhe.

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Kolose 1:10

Rere eyere rẹ ovwan vwo se fo kẹ Ọrovwohwo, re uruemu rẹ ovwan ejobi vwo se je rere ovwan vwo ru iruo esiri phia kugbe rere erianriẹn rẹ Ọghẹnẹ rẹ ovwan vwo bu.

Kolose 3:10

Ovwan ji ku ohwo ọkpokpọ na phihọ re, a da nabọ vwẹ erianriẹn vwọ ke rere ọ vwọ họhọ ohwo ro marọ.

2 Tẹsalonaika 2:17

o bru udu rẹ ovwan uche ọ vwẹ owọ rẹ ayen muotọ vwẹ iruo kiruo oyoyovwi kugbe ota.

1 Timoti 2:10

ẹkẹvnọvo ọ rẹ uruemu esiri, kirobo ri fori kẹ eya ri segbuyota.

1 Timoti 5:10

ọ me rha dia aye re se oseri esiri kpahe, ro vwiẹ emọ rọ da ghẹre ayen, rọ ghọ erhorha, rọ hworhẹ awọ rẹ ihwo efuanfon na, rọ dia oehuko kẹ otu rẹ akpọ hẹn, rọ vwẹ oma rọye ru iruo esiri vwẹ idjerhe kidjerhe.

1 Timoti 5:25

Ọtiọye rhe uruemu esiri je phia gbonozẹ; e rha tobọ phia dede-e, yẹ e sa djaha-a.

1 Timoti 6:18

Jẹn ayen ru emu esiri jẹn ayen fe efe rẹ uruemu esiri, jẹn ayen ru ẹse,

2 Timoti 2:21

Ọ da dianẹ ohwo vwẹ obọ tete oma rọye, kọ dia omamọ rẹ ekuaka re mu ọghọ kẹ, re ruru fuanfon rẹ ọnini rẹ uwevwi na vwo ruẹ emu, ra vwọ choma hẹrhẹ iruo esiri.

2 Timoti 3:17

rere ohwo rẹ Ọghẹnẹ vwọ gba, ra vwọ rhuẹrẹ kpahe kẹ iruo esiri.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Taitọs 2:7

Wọ vwẹ oma wẹn ru oniru rẹ iruo esiri vwi kemu kemu ejobi, wọ vwẹ uyono wẹn jọdẹ-ẹ, se uyono wẹn gbe oja.

Taitọs 3:1

Karophihọ ihwo na nẹ ayen vwẹ oma kpotọ kẹ ayen otu ri suẹn ihwo, kugbe ihwo ride ri vwo ogangan, re mu ọghọ kẹ ayen, rere kiruo kiruo rẹ ayen guọnọre ejobi e ru kẹ ayen yoyovwi.

Taitọs 3:14

Wo mi jẹ ihwo rẹ avwanre wian omamọ rẹ owian rere ayen sa ghẹrẹ omaobọ rẹ ayen, rere ayen je yere fanrhiẹ fanrhiẹ.

Taitọs 3:8

Ota na muẹro. Me guọnọre nẹ wọ nabọ yọnre ayen gangan, rere otu ri vwo esegbuyota kpahe Ọghẹnẹ, vwọ ka obaro vwẹ uruemu esiri. Ọ dianẹ kẹ erhuvwu rẹ oma rọye ọvo-o, ẹkẹvuọvo fiki rẹ erhuvwu rẹ ihwo rẹ akpọ.

Hibru 10:24

e gbe jẹ avwanre roro obo re jeje ohwohwo oma vwẹ ẹguọnọ kugbe iruo esiri,

Hibru 13:21

ọ kẹ ovwan emu esiri ejobi rere we vwo ru ọhọre rọye, ro ru iruo vwẹ evun rẹ ovwan. E jẹ ovwan ru iruo ro yovwiri vwẹ obaro rọye, vwẹ oma ri Jesu Kristi; ọye a vwẹ urinrin kẹ bẹdẹ bẹdẹ. Isẹ.

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.

1 Jọn 2:6

ohwo rọ tare nẹ ọye hẹ evun rọye kọ yan kirobo rẹ ekpuyovwi rọye yanre.