Ẹfesọs 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kidie ọ nẹrhẹ avwanre riẹn vwẹ evun rẹ aghwanre ejobi kugbe emramrẹ rẹ igbunu rẹ ọhọre rọye, kirobo rẹ ejiroro rọ jẹ kpahe Kristi epha.

Ẹfesọs 1:9 ပူးပေါင်းရင်းမြစ်များ

Une rẹ Ejiro 33:11

Umẹ rẹ Ọrovwohwo na mudia bẹdẹ, iroro re udu rọye herọ nẹ edje ra ro edje.

Jerimaya 2:29

Die we vwo gu vwe? Ovwan ejobi mukpahe ovwẹ, Eriyin Ọrovwohwo tare.

Matiu 13:11

Ọ da kpahe kẹ ayen nẹ, Ovwan a tare nẹ e riẹn odjahọ rẹ uvie rẹ odjuvwu, ẹkẹvuọvo ihwo efa itẹ kọye a vwọ ta kẹ ayen.

Iyẹnrẹ Esiri ri Luk 12:32

Wa djẹ oshọ-ọ, imigegede mẹ, kidie evun esiri rẹ Ọsẹ na rọ vwọ vwẹ uvie na kẹ ovwan.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Iruo rẹ Iyinkọn na 13:48

Ọke rẹ ihwo ri Keferi vwo nyo ọnana, oma da vwerhe ayen ayen de jiri ota rẹ Ọghẹnẹ na; buebu ra vwẹ arhọ ri bẹdẹ na kẹ de segbuyota.

Iruo rẹ Iyinkọn na 2:23

Jesu nana, ọye a vwọ kẹ ihwo re riẹn urhi-i re kanrọ mu agbagba hwe, kerẹ iroro rẹ Ọghẹnẹ jẹ kpahọ vẹrhe.

Iruo rẹ Iyinkọn na 4:28

de ru kemu kemu rẹ obọ wẹn kugbe iroro wẹn jẹ phihọ otọ rhahae rhe.

Ọbe ri Pọl si rhe Ihwo ri Rom 11:25

Wọ da rha ghwanre kẹ omobọ wẹn ọvo, imoni mẹ, me guọnọre nẹ ovwan riẹn igbunu nana, udu ogangan bru abọvo rẹ ihwo rẹ Izrẹl rhe, bẹsiẹ rẹ unu rẹ ihwo ri Keferi vwọ gba,

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

1 Kọrẹnt 1:21

Kidie, vwẹ evun rẹ aghwanre rẹ Ọghẹnẹ, akpọ na gbe vwẹ aghwanre yena riẹn Ọghẹnẹ na-a, o de jẹ Ọghẹnẹ nẹ vwẹ oma rẹ ugheghẹ rẹ avwanre ghwoghwo na o vwo se sivwi ayen otu ri segbuyota.

Galesha 1:12

Kidie ọ dia obọ rẹ ohwo rẹ akpọ na me da reyọ-ọ, eyẹ kẹ obọ rẹ ohwo rẹ akpọ na mi de yono-o, ẹkẹvuọvo Jesu Kristi ọvo vwe rọ phia kẹ vwẹ.

Galesha 1:15

Ẹkẹvuọvo ohwo rọ sanọ ovwẹ nẹ evun rẹ oni mẹ rhe jovwo na, ro se vwe vwẹ ẹserọphẹ rọye,

Galesha 1:16

o de je nẹ ọye vwẹ Ọmọ rọye na phia kẹ vwẹ, rere me vwọ mrasan ghwoghwo vwẹ ohri ri Keferi me ka nọ vwẹ obọ re ohwo tavwe-e,

Ẹfesọs 1:11

Vwẹ evun rọye, kirobo rẹ iroro rẹ ohwo ro ru emu na ejobi gba epha kirobo rẹ iroro rẹ ọhọre rọye epha.

Ẹfesọs 1:8

rọ de raphiẹ kẹ avwanre.

Ẹfesọs 3:11

Iroro okokodo ọtiọnana ọye Ọghẹnẹ jẹre rhabae kpahe Jesu Kristi Ọrovwavwanre.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

2 Timoti 1:9

ro sivwi avwanre ro se avwanre rhe use ọfuanfon rọye, ọ dianẹ ki fiki rẹ iruo rẹ avwanre-e ẹkẹvuọvo kirobo rẹ uruemu vẹ ẹserọphẹ rọye epha rọ vwọ kẹ avwanre vwẹ ọma ri Krisfi Jesu rhahae rhe,