Ẹfesọs 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ O de rhi avwanre vwẹ ẹguọnọ nẹ avwanre dia emọ rọye vwẹ oma ri Jesu Kristi, kirobo rẹ ẹguọnọ rẹ ọhọre rọye epha,

Ẹfesọs 1:5 ပူးပေါင်းရင်းမြစ်များ

Jerimaya 3:19

Mi de roro nẹ komavọ mi vwo se phi we phihọ ohri rẹ emọ mẹ, re me vwẹ otọ esiri na kẹ ovwan uku ro me yovwi vwẹ irere na ejobi. Ki mi ji roro nẹ ovwan che se vwe, Ọsẹ mẹ, nẹ ovwan gbi che nene uvwe-e

Jerimaya 3:4

Ọ dia ovwan ri se vwe nanana, Ọsẹ mẹ, wọwẹ ugbeya rẹ ọke emọ mẹ–

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Matiu 1:25

Ayen ivẹ na mroma tavwe re ki vwiẹ ọmọ na-a; o de se odẹ roye Jesu.

Matiu 11:26

Eriyin, Ọsẹ, kidie ọye obo ru wọ guọnọre.

Iyẹnrẹ Esiri ri Luk 10:21

Vwẹ ọke yena vuọvo na ọ da ghọghọ vwẹ evun rẹ Erhi Ọfuanfon na ọ da ta, Me kpẹvwẹ owẹn, Ọsẹ, Ọrovwohwo ro vwo odjuvwu vẹ akpọ, ru wo vwo si imu nana nu kẹ evwaghwanre kugbe otu ri vwo ẹruọ wọ da vwẹ ayen phia kẹ emọboba; eriyin, Ọsẹ, kidie ọtiọye hẹ ọhọre esiri wẹn na.

Iyẹnrẹ Esiri ri Luk 11:32

Ihwo ri Ninive cha vwẹ uvwiẹ nana guẹdjọ re de bru hwe; kidie ayen kurhẹriẹ vwẹ eghwoghwo ri Jona, gbe nighe, emuọvo rọ rhonọ Jona hẹ etinẹ.

Iyẹnrẹ Esiri ri Luk 12:32

Wa djẹ oshọ-ọ, imigegede mẹ, kidie evun esiri rẹ Ọsẹ na rọ vwọ vwẹ uvie na kẹ ovwan.

Iyẹnrẹ Esiri ri Jọn 1:12

Ẹkẹvuọvo vwọ kẹ ihwo re reyerọ ejobi, ri se odẹ rọye gbuyota, ọ kẹ ayen ogangan rere ayen rhe vwọ dia emọ rẹ Ọghẹnẹ.

Iyẹnrẹ Esiri ri Jọn 11:52

ọ je dia ẹgborho na ọvo-o, ẹkẹvuọvo ro vwo se emọ rẹ Ọghẹnẹ re hrabọ ro isi na ejobi koko phihọ ọvuọvo.

Iyẹnrẹ Esiri ri Jọn 20:17

Jesu da ta kẹ, Wọ yọnrọn ovwẹ-ẹ, kidiẹ mi ji yeri bru Ọsẹ na-a; ẹkẹvuọvo yanran bru imoni mẹ re wọ ta kẹ ayen, Mi yerẹ bru Ọsẹ mẹ kugbe Ọsẹ rẹ ovwan, Ọghẹnẹ mẹ kugbe Ọghẹnẹ rẹ ovwan.

Iruo rẹ Iyinkọn na 13:48

Ọke rẹ ihwo ri Keferi vwo nyo ọnana, oma da vwerhe ayen ayen de jiri ota rẹ Ọghẹnẹ na; buebu ra vwẹ arhọ ri bẹdẹ na kẹ de segbuyota.

Ọbe ri Pọl si rhe Ihwo ri Rom 8:23

ọ je dia emama na ọvo-o, ẹkẹvuọvo ekpuyovwi rẹ avwanre, ri vwo emamọ rẹ Erhi rẹsosuọ na, ra guan vwẹ obo evun hẹrhẹ ọke ra cha vwọ vwẹ avwanre ru emọ, kọye hẹ etanhirhe rẹ ugboma rẹ avwanre.

1 Kọrẹnt 1:1

Pọl, re seri vwẹ ọhọre rẹ Ọghẹnẹ nẹ ọ rhe dia ọyinkọn ri Kristi Jesu, kugbe oniọvo rẹ avwanre Sọstẹnis.

1 Kọrẹnt 1:21

Kidie, vwẹ evun rẹ aghwanre rẹ Ọghẹnẹ, akpọ na gbe vwẹ aghwanre yena riẹn Ọghẹnẹ na-a, o de jẹ Ọghẹnẹ nẹ vwẹ oma rẹ ugheghẹ rẹ avwanre ghwoghwo na o vwo se sivwi ayen otu ri segbuyota.

2 Kọrẹnt 6:18

ke me dia ọsẹ kẹ ovwan, ovwan ke dia emeshare mẹ vẹ emetẹ mẹ, eriyin Ọrovwohwo ro vwo Ẹgba na tare.

Galesha 3:26

Kidie vwẹ oma ri Jesu Kristi ovwan ejobi kẹ emọ rẹ Ọghẹnẹ, fiki rẹ esegbuyota.

Ẹfesọs 1:11

Vwẹ evun rọye, kirobo rẹ iroro rẹ ohwo ro ru emu na ejobi gba epha kirobo rẹ iroro rẹ ọhọre rọye epha.

Ẹfesọs 1:9

Kidie ọ nẹrhẹ avwanre riẹn vwẹ evun rẹ aghwanre ejobi kugbe emramrẹ rẹ igbunu rẹ ọhọre rọye, kirobo rẹ ejiroro rọ jẹ kpahe Kristi epha.

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Kolose 1:19

Kidie o de je Ọghẹnẹ nẹ ọvọnvọn rọye ejobi dia oma rọye da gba.

2 Tẹsalonaika 1:11

Fiki rẹ ọnana na avwanre vwọ rẹ kẹ ovwan kọke kọke, rere Ọghẹnẹ rẹ avwanre se ru ovwan fo kẹ use rọye, rere o vwo se ru iroro kiroro esiri rọ jẹ kpahe ovwan gba kugbe iruo rẹ esegbuyota vwẹ ogangan rọye,

Hibru 2:4

Yẹ Ọghẹnẹ ji se oseri vwẹ eka vẹ igbunu kugbe emuigbunu sansan kugbe okẹ rẹ Erhi Ọfuanfon na ghare kẹ ihwo kirobo rẹ ọhọre robọ rọye epha.

1 Jọn 3:1

Nighe didi ẹguọnọ Ọsẹ na vwo kẹ avwanre, rere e vwo se avwanre emọ rẹ Ọghẹnẹ; kẹ ọtiọye avwanre epha. Fiki rẹ ọtiọye na akpọ na rha riẹn avwanre-e, fikiridie ọ je riẹ-ẹn.

Ẹvwọphia 21:7

Ọ ro phi kparobọ kọ reuku nana, ke me dia Ọghẹnẹ rọye kọ dia ọmọ mẹ.