Ẹfesọs 1:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ kọye hẹ oma rọye, ọvọnvọn rọ vọn ro emu na ejobi oma.

Ẹfesọs 1:23 ပူးပေါင်းရင်းမြစ်များ

Iyẹnrẹ Esiri ri Jọn 1:16

Nẹ oma rẹ ọvọnvọn rọye avwanre ejobi, da mrẹ ẹserọphẹ kpahe ẹserọphẹ reyọ.

Ẹfesọs 4:12

Vwọ kẹ omaẹcha rẹ ihwo efuanfon na, vwọ kẹ iruo rẹ odibo egbe, vwọ kẹ ebanbon rẹ ugboma ri Kristi,

Ẹfesọs 3:19

kugbe ra riẹn ẹguọnọ ri Kristi rọ rhonọ erianriẹn, rere wa vwọ sa vọn vẹ ọvọnvọn rẹ Ọghẹnẹ.

Ẹfesọs 4:10

Ohwo ọvuọvo ro ke wotọ na ọye je hẹ ohwo ro ji yeri kpenu phelephele, rere ọ vọn emu ejobi.)

1 Kọrẹnt 15:28

Ọke ra da vwẹ emu na ejobi hwa otọ kẹ chiyi nu, ekpuyovwi rẹ Ọmọ na kọ je vwẹ oma kpotọ kẹ ohwo rọ vwẹ emu na ejobi hwa otọ kẹ chiyi na, rere Ọghẹnẹ vwọ dia kemu kemu kẹ ohwo ọvuọvo.

Kolose 1:24

Asakiephana me ghọghọ vwẹ evun rẹ oja mẹ fiki rẹ ovwan, ri mi vwo mu oghwa rẹ oja nana ri Kristi re chekọ na kpahe oma mẹ fiki rẹ ishoshi rọye.

Kolose 3:15

We gbe jẹ ufuoma ri Kristi vwọ kẹ udu rẹ ovwan na, fue oseghe, ẹghwọ kugbe ukpokpogho re hẹ udu rẹ ovwan ejobi, fiki rẹ ufuoma na e vwo se ovwan rhe vwọ dia oma ọvo rọye na. Ovwan gba kpẹvwẹ.

Kolose 3:11

Asan ro vwo ofẹnẹ-ẹ, o vwo Grik eyẹ Ju-u, oyanvwe eyẹ ijẹyanvwọ-ọ, Ivwevwe, Sintian, ọviẹn, ọmuvwiẹ, ẹkẹvuọvo Kristi hẹ emu ejobi, ọye ri vwo emu ejobi.

Ẹfesọs 2:16

rere vwẹ agbagba na ọ vwọ sa rhuẹrẹ avwanre vẹ Ọghẹnẹ kugbe vwẹ ugboma ọvo, rere ohọre ejobi vwo fue.

1 Kọrẹnt 12:6

idjerhe rẹ iruo sansan re herọ, ẹkẹvuọvo Ọghẹnẹ ọvuọvo na ri phiẹ oruru rọye phihọ ohwo ọvuọvo oma.

Ọbe ri Pọl si rhe Ihwo ri Rom 13:5

Fiki rẹ ọtiọye na wa vwẹ oma kpotọ kẹ ayen, ọ dianẹ fiki rẹ oshọ rẹ unuakpọ-ọ ẹkẹvuọvo ọghọ oma guọnọre.

Ẹfesọs 4:4

Oma ọvuọvo rẹ herọ kugbe Erhi ọvuọvo, kirobo re se ovwan rhe iphiẹrohọ ọvuọvo na rọ hẹ evun rẹ use rẹ ovwan na.

Ẹfesọs 3:10

Nẹ vwẹ oma rẹ ishọshi na a sa vwọ riẹn aghwanre rẹ Ọghẹnẹ rọ pha buebu na vwẹ asakiephana vwẹ otu rẹ ikpihwo ride kugbe ogangan rọ hẹ asan ro kpenu.

Ẹfesọs 4:13

bẹsiẹ rẹ avwanre ejobi che vwo te okugbe rẹ esegbuyota na, kugbe erianriẹn rẹ Ọmọ rẹ Ọghẹnẹ na, rhi te omiragua, vwẹ evun rẹ ọvọnvọn rẹ ọrho rẹ Kristi.

Kolose 2:19

ri gbobonyẹ uyovwi na rẹ ayen yọnre gan, ohwo rọ tan oma na ejobi kugbe, rọ ghẹrẹ oma kugbe erhọn na ejobi, e me rho ọrho ro nẹ obọ rẹ Ọghẹnẹ rhe.