Daniẹl 9:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Obo rẹ Ọrovwohwo Ọghẹnẹ rẹ avwanre ọye arodọvwẹ vẹ evwoghovwo epha; fikiridie avwanre mukpahọ,

Daniẹl 9:9 ပူးပေါင်းရင်းမြစ်များ

2 Samuẹl 24:14

Etiyin Devid da ta kẹ Gad, Mi hẹ evun rẹ ukpokpoma rode; ju vwe she phihọ obọ rẹ Ọrovwohwo, kidie ehrọre rọye ọrhuarho; ẹkẹvuọvo wo ju vwe she phihọ obọ rẹ ohwo rẹ akpọ-ọ.

1 Ivie 8:30

Re wọ rha kerhọn rẹ orẹ rẹ odibo wẹn kugbe ihwo wẹn Izrẹl, siẹ rẹ ayen da nẹ ẹrhovwo vwẹ etinẹ na; uyota, nyo vwẹ obo odjuvwu vwẹ asan wọ dia; wo de nyo, gbe vwo ghovwo.

Nehemaya 9:31

Dede na vwe evun rẹ arodọvwẹ wẹn rode na wo ghwe furhie ayen te oba-a eyẹ sen aye-en, kidie wọwẹ Ọghẹnẹ re ehrọre ve arodọvwẹ.

Une rẹ Ejiro 130:4

Ẹkẹvuọvo evwoghovwo rhe we, rere a vwọ djẹ oshọ wẹn.

Une rẹ Ejiro 130:7

E Izrẹl, phiẹro phihọ Ọrovwohwo na! Kidie obọ rẹ Ọrovwohwo ọye ẹguọnọ ro jẹ rhẹriẹ epha, kugbe ẹtanhirhe rọ vọn obọ rọye buebu.

Une rẹ Ejiro 62:12

Wẹ, E Ọrovwohwo, ọye ẹguọnọ ro jẹ rhẹriẹ rheri. Kidie wẹ re sa hwa osa kẹ ohwo kirobo rẹ iruo rọye epha.

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 63:7

Me Vwẹ obo te otọ kerẹ ẹguọnọ ro jerhẹriẹ rẹ Ọrovwohwo, ejiro rẹ Ọrovwohwo na, kirobo rẹ Ọrovwohwo rhọvwe kẹ avwanre ejobi, kugbe erhuvwu rode rọ vwọ kẹ uwevwi rẹ Izrel rọ vwọ kẹ ayen kirobo rẹ ehrọre rọye epha, kirobo rẹ ẹguọnọ esiri rọye teri.

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Izikiẹl 20:13

Ẹkẹvuọvo uwevwi rẹ Izrẹl de mu kpahe ovwẹ vwẹ evun rẹ aghwa, ayen gbe yan phihọ evun rẹ iji mẹ-ẹ ẹkẹvuọvo ayen da sen irhi mẹ, rẹ ohwo rọ sẹro rayen ko rhọ, ẹdidjala mẹ ayen de gbe ẹgua tughu tughu. Etiyin mi de roro nẹ mi ku ophu mẹ ku ayen vwẹ evun rẹ aghwa na, rere mi ghwe furhie ayen re kakare.

Daniẹl 9:5

avwanre ru umwemwu kugbe obo re chọre, me ru obo re brare me ji mukpahe owẹ, avwanre yan jẹ irhi wẹn vwo vẹ obo ru wọ tanẹ avwanre ru.

Daniẹl 9:6

Avwanre davwerhọn rẹ idibo wẹn vẹ emraro wẹ-ẹn, re vwẹ odẹ wẹn ta ota kẹ ivie rẹ avwanre, isun rẹ avwanre, kugbe esẹ rẹ avwanre te ihwo rẹ otọ rẹ avwanre na.

Daniẹl 9:7

Ọvwata, E Ọrovwohwo, obọ wẹn ọ epha, ẹkẹvuọvo vwọ kẹ avwanre ozighi vọn avwanre opharo, kirobo rọ epha vwẹ ẹdọke ri nonẹ, kẹ ihwo ri Juda, vẹ ihwo re dia Jerusalẹm, kugbe Izrẹl ejobi, te e re kẹrẹ vẹ e re hẹ ogboko, vwẹ otọ ejobi ru wọ djẹ ayen ra fiki rẹ ozighi rẹ ayen gbe kpahe owẹ.

Daniẹl 9:8

Vwọ kẹ avwanre, E Ọrovwohwo, ozighi vọn opharo rẹ avwanre, ivie rẹ avwanre, vẹ isun rẹ avwanre, te esẹ rẹ avwanre, fikiridie avwanre ru umwemwu kpahe owẹ.

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.