Daniẹl 9:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Avwanre davwerhọn rẹ idibo wẹn vẹ emraro wẹ-ẹn, re vwẹ odẹ wẹn ta ota kẹ ivie rẹ avwanre, isun rẹ avwanre, kugbe esẹ rẹ avwanre te ihwo rẹ otọ rẹ avwanre na.

Daniẹl 9:6 ပူးပေါင်းရင်းမြစ်များ

Ivie rẹ Ivẹ 18:12

Fikiridie ayen mu ọghọ kẹ urhuru rẹ ota rẹ Ọrovwohwo Ọghẹnẹ rayen na-a, ẹkẹvuọvo ayen da shariẹ ọphọ rọye vrẹn, eriyin ayen je chọ irhi ri Mosis odibo rẹ Ọrovwohwo na ji kẹ ayen; ayen kerhọ-ọn, eyẹ mu ọghọ-ọ.

2 Ikun rẹ Ivie 33:10

Ọrovwohwo da ta ota kẹ Manasse kugbe ihwo rọye, ẹkẹvuọvo ayen davwerhọ-ọn.

Ezra 9:7

nẹ ẹdẹ rẹ esẹ rẹ avwanre rhe rhi te nonẹ na, ọye avwanre vwọ hẹ evun rẹ abe, vwi fiki rẹ imwemwu rẹ avwanre, avwanre vẹ ivie rẹ avwanre, kugbe irherẹn rẹ avwanre: e vwo mu avwanre phihọ obọ rẹ ivie rẹ otọ na, vwọ kẹ ọlọkọ, vwọ kẹ ighuvwu, vwọ kẹ ugborho, vwọ kẹ omaẹvuọ kirobo rọ epha rhi te nonẹ na.

Nehemaya 9:30

Ikpe buebu wo chiri ako rẹ ayen, wọ da wan oma re emraro na vwe Erhi wẹn ta ota kẹ ayen; dede na ayen davwerhọ-ọn. Fiki rẹ ọtiọye na wo de phi ayen phihọ obọ re ihwo rẹ otọ na.

Nehemaya 9:32

Asakiephana, Ọghẹnẹ rẹ avwanre, rọ rhoro vẹ ẹgba kugbe Ọghẹnẹ ro mu oshọ, rọ serọ rẹ ọphọ ve ẹguọnọ ro je rhẹriẹ, wo je ọbẹvwẹ nana ro te avwanre oma na, ivie re avwanre, isun re avwanre, irherẹn re avwanre, emraro re avwanre, esẹ rẹ avwanre, kugbe ihwo wẹn ejobi, nẹ ọke rẹ ivie rẹ Asiria rhe rhi te nonẹ na havwa nọ kẹ wẹ-ẹ.

Nehemaya 9:34

ivie re avwanre, isun re avwanre, irherẹn re avwanre, kugbe esẹ rẹ avwanre yọnrọn urhi wẹ-ẹn eyẹ e davwerhọn rẹ irhi vẹ eta ru wọ ta kẹ aye-en.

Jerimaya 26:5

vwọ kerhọn rẹ eta rẹ idibo mẹ emraro na ri mi ji bru ovwan cha phẹrephẹre na, dede na wa kerhọ-ọn,

Jerimaya 29:19

Fikiridie ayen davwẹ erhọn rẹ eta mẹ na-a ri mu jẹ idibo mẹ rẹ emraro na nẹ e ra ta kẹ ayen kẹsiẹ kẹsiẹ, eriyin Ọrovwohwo tare, ẹkẹvuọvo wa cha kerhọ-ọn, eriyin Ọrovwohwo tare.

Jerimaya 44:16

Vwọ kpahe ota ru wọ ta kẹ avwanre vwẹ odẹ rẹ Ọrovwohwo na, ma sa kerhọn wẹ-ẹ.

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Daniẹl 9:10

avwanre mu ọghọ kẹ urhuru rẹ Orovwohwo Ọghẹnẹ rẹ avwanre-e, avwanre yan nene irhi rọye-e, rọ wan oma rẹ idibo rọye, emraro na ji kẹ avwanre.

Daniẹl 9:9

Obo rẹ Ọrovwohwo Ọghẹnẹ rẹ avwanre ọye arodọvwẹ vẹ evwoghovwo epha; fikiridie avwanre mukpahọ,

Matiu 23:37

E Jerusalẹm, Jerusalẹm, ro hwe otu rẹ emraro na, rọ vwẹ elalọ phiẹ ihwo re ji bru ovwan rhe na! mavọ mi se ovwan koko te kerẹsiẹ rẹ ọhọ a da vwẹ ibekpe rhurhu emọ rọye, yẹ ovwan je rhọvwe-e.

Iruo rẹ Iyinkọn na 13:27

Kidie otu re dia Jerusalẹm kugbe isun rayen, mrẹrẹ vughe-e eyẹ vwo ẹruọ rẹ eta rẹ emraro na re se kẹ ayen kedidjala kedidjala-a na, de ru enana gba vwẹ ehwe rẹ ayen hwere.