Daniẹl 9:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.

Daniẹl 9:27 ပူးပေါင်းရင်းမြစ်များ

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Aizaya 28:22

Asakiephana wọ gbe jehwẹ-ẹ, e de rhe si ifi wẹn gan, kidie mi nyo urhi rẹ ẹguọghọ ro nẹ obọ rẹ Ọrovwohwo Ọghẹnẹ rẹ otuofovwi na bru otọ na ejobi cha.

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Jerimaya 7:30

Fikiridie emọ ri Juda ru emu omiomiovwi vwẹ obaro mẹ eriyin Ọrovwohwo na tare, ayen mu orukuruku rayen vi vwẹ uwevwi ra vwẹ odẹ mẹ se na, ayen de gbe ẹgua.

Daniẹl 11:31

Ihwo rẹ ofovwi rọye ke cha vwẹ oma phia ki che gbe uwevwi rẹ Ọghẹnẹ na ẹgua vẹ ọgba na, kọ reyọ izobo rẹ ẹtorhẹ re kọke kọke na no. Kẹ ayen cha vwẹ imu rẹ ẹgua re guọghọ asan na vwo muẹ.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 12:11

Nẹ ọke ra cha vwọ reyọ izobo rẹ ẹtorhẹ rẹ kọke kọke na yanran, rẹ ẹguegbe rọ nẹrhẹ asan kua fiọtọ re che vwo muo viẹ, ko dia ẹdẹ uriori gbe ujori ivẹ gbe ujọne gbẹ ihwe.

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Daniẹl 8:13

Etiyin mi de nyo ohwo ọfuanfon ọvo rọ ta ota kẹ ohwo ọfuanfon ọfa nẹ, Ọkevọ emramrẹ ra mrẹ kpahe izobo ẹtorhẹ rẹ kọke kọke na krite, ẹguegbe rọ nẹrhẹ asan kua fiotọ, kugbe ẹshẹ na ra cha guọghọ vẹ otu na re che chiyi muoto?

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Ukeri 7:62

egebule rẹ oro ọvo ri shekẹl ihwe, rọ vọnre vẹ ugboduma;

Matiu 24:15

Ọke rẹ ovwan da rhe mrẹ ukpokpogho rẹ ẹgua, ra tare vwẹ ọbe ri Daniẹl ọmraro na, ro mudia vwẹ asan ọfuanfon na (e jẹn ohwo ro se riẹn otọ rọye),

Matiu 26:28

Kidie ọnana ọbara mẹ rẹ ọphọ ọkpokpọ na, ro hwẹri kẹ otu buebu, fiki rẹ evworhovwo rẹ umwemwu.

Matiu 27:51

Nighe amwa ra vwọ tan obaro rẹ ẹshẹ na, da bẹre ẹbẹre ivẹ nẹ otọ rhi duvwu enu; otọ de mu kpogho; eragha de mu bẹre.

Iyẹnrẹ Esiri ri Mak 13:14

Re ovwan da ghwa mrẹ emu rẹ ẹguaegbe rọ nẹrhẹ asan vẹn ro mudia vwẹ asan rọ foro-o je jẹn ọ ro se riẹn otọ rọye, gbe jẹn otu re dia obi Judia djẹ kpo enu rẹ igbenu;

Iyẹnrẹ Esiri ri Luk 21:20

Ẹkẹvuọvo ọke wọ da mrẹ Jerusalẹm rẹ otuofovwi gba riariẹ phihọ, etiyin gba ghwa riẹn nẹ ọke rẹ ẹkua fiotọ rọye si kẹre re.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Ọbe ri Pọl si rhe Ihwo ri Rom 11:26

ọtiọye na ihwo rẹ Izrẹl ejobi ke sivwi ayen; kirobo re siro nẹ, Osivwi na ko nẹ Zayọn rhe, kọ djẹ ijẹfuọn nẹ Jekọp;

Ọbe ri Pọl si rhe Ihwo ri Rom 5:15

Ẹkẹvuọvo ẹserọphẹ na rha họhọ urhi ẹchọ-ọ. Kidie ọ da dianẹ ihwo buebu ghwuru vwẹ oma rẹ urhi ẹchọ rẹ ohwo ọvo, eriyin na ẹsẹrophẹ rẹ Ọghẹnẹ kugbe ẹsẹrophẹ rẹ ohwo ọvo na Jesu Kristi bu phihọ kẹ otu buebu.

Ọbe ri Pọl si rhe Ihwo ri Rom 5:19

Kidie obo ri ijọghọevwo rẹ ohwo ọvo ru ihwo buebu phihọ iruimwemwu na, ọtiọye na ọghọemuo rẹ ohwo ọvo rhe ru ihwo buebu phihọ ọvwata.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.