Daniẹl 9:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Edidjana ujorha gbe ivẹ na da wanu, ọ ra vwẹ ori te na ka cha nyavwọ kufia, ọ gbi che vwo emuọvo-o, ihwo rẹ osun na re cha cha, kẹ eye cha guọghọ orere na vẹ ẹshẹ na. Oba rọye oghwe rode ko che kuẹ, obo ba rọye ofovwi kọ cha dia; ẹkuafiotọ ọye e ji urhi rọye na.

Daniẹl 9:26 ပူးပေါင်းရင်းမြစ်များ

2 Samuẹl 21:5

Ayen da ta kẹ ovie, Ohwo rọ guọghọ avwanre, rọ jẹn iroro kpahe avwanre nọye hwe avwanre, rere avwanre vwo jẹn ẹdia evwo vwẹ ubrakpọ rẹ Izrẹl,

Une rẹ Ejiro 22:15

Ogangan mẹ yamu kere igbephẹre, ẹrẹnvwe mẹ yamu vwe ọhwa, wọ da vwẹ ovwẹ sherhẹ ekpẹn rẹ ughwu.

Aizaya 28:2

Nighe, Ọrovwohwo na vwo ọvo rọ dia ọgba rọ ganre; kerẹ ogiribo rẹ osio rẹ elalọ aphopho rọ ghwọrọ, kerẹ aphopho rode, ame ro kuẹ reghe reghe, gidi gidi na ọ cha vwọ ghwiotọ.

Aizaya 28:22

Asakiephana wọ gbe jehwẹ-ẹ, e de rhe si ifi wẹn gan, kidie mi nyo urhi rẹ ẹguọghọ ro nẹ obọ rẹ Ọrovwohwo Ọghẹnẹ rẹ otuofovwi na bru otọ na ejobi cha.

Aizaya 53:8

Vwẹ oshenyẹ vẹ obruhwe a vwo reyọ yanran; vwọ kẹ uvwiẹ rọye, kono ro roiro nẹ e bruro kufia nẹ otọ rẹ ihwo ekpokpọ, a ghwiẹrẹ fiki rẹ ogbeku rẹ ihwo Mẹ.

Aizaya 8:7

fiki rẹ ọtiọye na nighe, Ọrovwohwo cha reyọ ame rẹ Urhie na vwo ku ayen ame rode buebu, ovie rẹ Asiria kugbe urinrin rọye ejobi; ame na ko che phoro igbo na ejobi kugbe egbẹn rayen,

Jerimaya 46:7

Ọna ono, rọ kpara cha kerẹ Nile, kerẹ irhie rẹ ame rọyen vọn cha?

Jerimaya 51:42

Abadi bru Babilọn rhire, ọgbogho rọye rhurhu edo rọye muotọ.

Daniẹl 11:10

Emọ rọye ke cha kpare ofovwi, ayen me ghwẹ unuofovwi buebu koko, ke cha ghwẹ rhe rhe vọn asan ejobi reghe reghe, ayen me rha kpare ofovwi na rhiri re te ogba rọye.

Daniẹl 11:17

O che mu opharo rọye vi rọ da rhe vẹ ogangan rẹ uvie rọye ejobi, ọ cha ghwẹ iroro rẹ ufuoma rhe o mi rhe ru ayen. Ọ cha vwẹ ọmọtẹ rọye vwo eya kẹ rọ vwọ sa guọghọ uvie na, ẹkevuọvọ o che mudia-a eyẹ o fi erere kẹ-ẹ.

Daniẹl 11:22

Otuofovwi na ejobi ke che hwerhe ayen yanran a me guọghọ ayen nu vwẹ irharo rọye, ji te osun rẹ ọphọ na rhe.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 9:27

Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.

Hosia 1:9

Ọrovwohwo da ta, se odẹ rọye Ọdia-ihwo-mẹ-ẹ, fikiridie ovwan dia ihwo mẹ-ẹ, Me je dia Ọghẹnẹ wẹ-en.

Emọs 8:8

Otọ na rhe kpogho vwi fiki rẹ ọnana, kohwo kohwo rọ dia evun rọye de muomaphihọ rẹ ayen ejobi de ku reghe reghe kerẹ Nile, ro de phio rhe phio kpo ro ki divwi, kere Nile rẹ Ijipt?

Emọs 9:5

Ọrovwohwo na, Ọghẹnẹ rẹ otuofovwi na, ohwo rọ vwẹ obọ te akpọ na ọ me wran ihwo re dia evun rọye ejobi mi muoma phihọ, aye ejobi mi ku reghe reghe kerẹ Nile ọ me rha kpọ kerẹ Nile rẹ Ijipt;

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.

Matiu 22:2

Uvie rẹ odjuvwu họhọ ovie ọvo, rọ reyọ aye vwo kẹ ọmọ rọye.

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.

Matiu 23:38

Nighe me yan jẹ uwevwi rẹ ovwan vwo ofefe.

Matiu 24:2

Ẹkẹvuọvo ọ da kpahe ọ da ta kẹ ayen nẹ, Ovwan mrẹ ekuakua nana? uyota me ta kẹ ovwan, Oragha ọvuọvo che mudia vwẹ enu rẹ ohwohwo, re je kporo she-e.

Iyẹnrẹ Esiri ri Mak 13:2

Jesu da ta kẹ, Wọ mrẹ ẹdovwọ ride nana? Oragha ọvuọvo ro che chekọ vwẹ enu rẹ oragha ọfa, re che je kporo she teye otọ herọ-ọ.

Iyẹnrẹ Esiri ri Mak 13:7

Vwẹ ọke rẹ ovwan de che nyo ifovwi kugbe usi rẹ ifovwi, ovwan jẹ udu kpokpo ovwa-an; imu nana cha ka phia tavwe, ẹkẹvuọvo yẹ oba na ji te-e.

Iyẹnrẹ Esiri ri Mak 9:12

Ọ da ta kẹ ayen, Ilaija re ka rhe, ọ mẹ rhe rhuẹrẹ emu na ejobi ru. kemavọ e siro kpahe Ọmọ rẹ ohwo nẹ, Ọ rẹ oja rẹ ẹmu buebu nẹ ayen cha vwọ jehwẹ?

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Iyẹnrẹ Esiri ri Luk 21:6

vwọ kẹ imu nana re wọ mrẹ na, ẹdẹ cha re che vwo jẹ oragha ọvo vwo vwẹ enu rẹ ọfa re che je kporo te otọ-ọ.

Iyẹnrẹ Esiri ri Luk 24:26

O rhe fo rere Kristi re oja rẹ imu nana tavwe ro ki kpo urinrin rọye-e?

Iyẹnrẹ Esiri ri Luk 24:46

ọ da ra kẹ ayen, Enẹ e siro, nẹ Kristi na cha reoja vwẹ ẹdẹ rerha ko vrẹn nẹ ughwu,

Iyẹnrẹ Esiri ri Jọn 14:30

Mi gbi che nene ovwan ta ota buebu ọfa-a, kidie osun rẹ akpọ nana cha re. O vwo ogangan vwẹ enu mẹ-ẹ.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Galesha 3:13

Kristi tan avwanre nẹ ekan rẹ urhi na nure, ekpuyovwi rọye da rhoma rhi hirhe phihọ ekan fiki re avwanre kidie e siro, Ekan kẹ ohwo kohwo ro churu ughwu vwẹ enu rẹ urhe.

1 Pita 2:21

Kidie ọna e se ovwan rhe, fikiridie Kristi re-oja kẹ ovwan, re ovwan vwo no ru, rere ovwan vwẹ ẹro kere.

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;