Daniẹl 9:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Daniẹl 9:24 ပူးပေါင်းရင်းမြစ်များ

2 Ikun rẹ Ivie 29:24

Irherẹn na de hwe ayen a da vwẹ ebara rayen ze izobo rẹ umwemwu vwẹ enu rẹ agbada, rere a vwọ rhuẹrẹ arhuẹrẹ kẹ Izrẹl, kidie ovie ji iji nẹ izobo rẹ ẹtorhẹ kugbe izobo rẹ umwemwu ọye e ze fiki rẹ Izrẹl ejobi.

Une rẹ Ejiro 2:6

Me vwẹ ovie mẹ mu vwi Zayọn ugbenu ọfuanfon mẹ nure

Une rẹ Ejiro 45:7

Wọ guọnọ ọvwata uvumwemwu tu we oma Fiki rẹ ọtiọye na Ọghẹnẹ rẹ Ọghẹnẹ wẹn na, vwọ vwẹ evwri ghworo uwe evwri rẹ aghọghọ ru wọ vwọ rho nọ otu wẹn,

Aizaya 42:4

Ọ cha bẹ-ẹn eyẹ ke ofu dje-e bẹsiẹ rọ vwẹ ọsoso vwo chivwi akpọ na, erhuru na ejobi ke cha hẹrhẹ urhi rọye.

Aizaya 51:6

Kpare ẹro kpo obo odjuvwu, re wo ni akpọ rọ he obo otọ, kidie idjuvwu na cha ravwiẹn kerẹ ivwirhi akpọ na cha phoriẹn kerẹ ewun, ihwo re dia evun rọye na ki che ghwu kerẹ oro; ẹkẹvuọvo esivwo Mẹ kọ dia bẹdẹ, esivwo Mẹ gbi se vwo oba bẹdẹ-ẹ.

Aizaya 51:8

Kidie eghwọghwọ cha re ayen kerẹ ewun, ihori ke cha re ayen kerẹ ẹton rẹ ogegede; ẹkẹvuọvo esivwo Mẹ kọ dia bẹdẹ, arhọ Mẹ kọ dia kẹ uvwiẹ na ejobi.

Aizaya 56:1

E nẹ Ọrovwohwo tare Yọnrọn ọsoso, re wọ ru ọvwata, kidie nanana esivwo Mẹ cha rhe, ka cha vwẹ esivwo mẹ phia.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Uvwerhe 4:22

Ehwẹ rẹ orukuruku rẹ ovwan, E ọmọtẹ ri Zayọn ọ gbare, o gbi che je ovwan vwo vwẹ imu ọfa-a ẹkẹvuọvo orukuruku wẹn E ọmọtẹ rẹ Idọm, ko hwe ko che rhie imwemwu wẹn phihọ.

Izikiẹl 28:12

Ọmọ rẹ ohwo, teye ugoroviẹ phihọ kẹ ovie ri Taya, re wọ ta kẹ, E nẹ Ọrovwohwo Ọghẹnẹ tare: Wẹ oka rẹ orugba, rọ vọnre vẹ ẹghwanre rọ gbare vẹ erhuvwu.

Izikiẹl 4:5

Kidie mi bru ẹdẹ kẹ wẹ, ujori erha kugbe ujọne gbẹ ihwe, ọ vẹ unu rẹ ikpe rẹ ehwe rayen abavo, ọtiọye wọ je ghwa oghwa rẹ ehwe rẹ uwevwi rẹ Izrẹl kri te.

Izikiẹl 4:6

Ọke wọ de ru enana gba nu, ku wo shevwerhẹ obọ rivẹ, ẹkẹvuọvo ke obọrhe wẹn, ku wọ ghwa oghwa rẹ uwevwi ri Juda, ẹdẹ ujuvẹ mi bru kẹ wẹ, ẹdẹ ọvo ẹgbukpe ọvo.

Livitikọs 25:8

Ovwan mi kere ẹdidjala ighwrẹn rẹ ukpe, ikpe ighwrẹn aku ighwrẹn, rere ẹdidjala ighwrẹn rẹ ukpe na kọye ẹgbukpe ujuvẹ gbe irhiri kọye ọ dia kẹ ovwan.

Livitikọs 8:15

Kọye Mosis de hwe, ọ da reyọ ọbara na, ọ da vwẹ urhiabọ te ighoro rẹ agbada na ejobi riariẹ, o de phorho ẹgua nẹ agbada na, o de ku ọbara na ku obotọ re awọ rẹ agbada na, o de ruo fon ọ da gọ ẹgua ejobi kẹ agbada na.

Zekaraya 4:14

Etiyin ọ da ta, Enana ivẹ na ra vwẹ ori ghworo ri mudia kẹre Ọrovwohwo rẹ akpọ soso na.

Ukeri 14:34

kirobo rẹ uchẹdẹ rẹ ovwan dorhẹ rẹ otọ na krite, ẹdẹ ujuvẹ na, ẹdẹ ọvo ẹgbukpe ọvo, kọye ovwan ghwa oghwa rẹ orukuruku rẹ ovwan, ikpe ujuvẹ, ku wọ riẹn obo rẹ ivuemiovwo mẹ epha.

Matiu 1:21

O che vwiẹ ọmọ ku wo se odẹ rọye Jesu, fikiridie ọye che sivwi ihwo rọye nẹ umwemwu.

Matiu 11:13

Kidie irhi na kugbe emraro na herọ rhi te ọke ri Jọn.

Matiu 4:5

Idẹbono de rhe muo kpo orere ọfuanfon na; o de muo kpo okpo rẹ uwevwi rẹ ẹga,

Iyẹnrẹ Esiri ri Mak 1:24

O de kperi phia, die wọ cha vwẹ avwanre ru, wẹ Jesu ri Nazarẹt? Wọ rhere rhe ghwọrọ avwanre? Me riẹn ohwo ru wọ epha Ọfuanfon ọvuọvo rẹ Ọghẹnẹ.

Iyẹnrẹ Esiri ri Luk 1:35

Amakashe na da ta kẹ, Erhi Ọfuanfon na che bru we rhe, ogangan rẹ Ọro Mekpenu na ko che rhurhu uwe; ọtiọye ọmọ ru wo che vwiẹ na ke se ọfuanfon, ọmọ rẹ Ọghẹnẹ.

Iyẹnrẹ Esiri ri Luk 21:22

Kidie enana ẹdẹ rẹ ihriẹriọ, rere obo re siri na vwọ gba.

Iyẹnrẹ Esiri ri Jọn 1:41

Ọye ka mrẹ oniọvo rọye Saimọn, ọ da ta kẹ, Avwanre mrẹ Mesaya na re (otọ rọye Kristi).

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Iruo rẹ Iyinkọn na 3:14

Ẹkẹvuọvo ovwan da siẹn Ọvwata Ọvuọvo na ro Fonro na, ovwan da nọ ekpẹn rẹ ozighẹ rere e siobọ no kẹ ovwan.

Iruo rẹ Iyinkọn na 3:22

Mosis da ta, Ọrovwohwo Ọghẹnẹ na cha vwẹ ọmraro ọvo vwo muẹ kẹ ovwan vwẹ ohri rẹ imoni rẹ ovwan na kirobo rọ vwo vwẹ mu na. Ovwan ke cha kerhọn ri kemu kemu rọ cha ta kẹ ovwan.

Iruo rẹ Iyinkọn na 4:26

Iviẹ rẹ akpọ na ghwẹ oma rẹ ayen koko vwọ suọ, isun rẹ akpọ na si koko, vwọ so Ọrovwohwo kugbe ọ rọ vwẹ evwri ghworo na.

Ọbe ri Pọl si rhe Ihwo ri Rom 5:10

Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Kolose 1:20

Oma rọye a wan rhuẹrẹ emu na ejobi phihọ kẹ oma rọye, ọbara rẹ obọ rọye vwẹ enu rẹ agbagba ọye ọ vwọ rhuẹrẹ emu na ejobi phihọ, te emu rọ hẹ enu rẹ akpọ na, te ọ rọ hẹ obevun rẹ odjuvwu.

Kolose 2:14

Ro vwo phoro irhi re si kpahe ovwan uyovwi re vẹ oma rẹ avwanre shephihọ-ọ na, o de si ayen nẹ idjerhe rẹ avwanre, ọ da ra kanre ayen mu agbagba.

Hibru 10:14

Kidie iye ọvuọvo goi na ọye o vwo ru ihwo na ejobi fon obọvo.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Hibru 7:26

Kidie o fori rere avwanre vwo orherẹn rode ọtiọye, fuanfon, ọ reabe-e, o vwo upe-e, rọ hẹriẹ oma nẹ iruimwemwu, ra kpare kpenu pheneke.

Hibru 9:26

kọye o vwo dje oja na ẹriẹriọ nẹ ẹtuọhọ rẹ akpọ na rhe. Ẹkẹvuọvo kirobo rọ epha na, ọ vwẹ oma rọye gọ iye ẹsiẹvo nure ọ da rhe vwẹ oma phia vwẹ oba rẹ oge na re ọ vwọ ghwẹ imwemwu rẹ ihwo ejobi nu.

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

1 Jọn 3:8

Ohwo ro ru umwemwu hẹ ọmọ rẹ idẹbono; kidie idẹhono hẹ oruimwemwu notọrhe. Fiki rẹ Ọnana ọye Ọmọ rẹ Ọghẹnẹ vwọ rhe rere ọ vwọ mrasan guọghọ iruo rẹ idẹhono.

Ẹvwọphia 14:6

Etiyin me da mrẹ amakashe ọfa rọ rhan vwẹ uherevie rẹ odjuvwu, ọ vẹ iyẹnrẹ esiri ri bẹdẹ na ro ghwoghwo kẹ ayen otu re dia akpọ na, kẹgborho kẹgborho kugbe orua korua kugbe ephẹrẹ kephẹrẹ kugbe ohwo kohwo;

Ẹvwọphia 3:7

Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.