Daniẹl 9:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ọke re me vwọ ta ota re me vwọ nẹ ẹrhovwo, re me vwọ rhọvwọ umwemwu mẹ vẹ umwemwu rẹ ihwo mẹ Izrẹl, re me rha vwọ re ore mẹ vwẹ obaro rẹ Ọrovwohwo Ọghẹnẹ mẹ, vwọ kẹ ugbenu rẹ Ọghẹnẹ rọ fonro;

Daniẹl 9:20 ပူးပေါင်းရင်းမြစ်များ

Ezra 10:1

Vwẹ ọke rẹ Ẹzra vwọ nẹ ẹrhovwo rọ vwọ fan efanfan, rọ vwọ viẹ rọ vwọ vwẹ oma ghwiotọ vwẹ evun rẹ uwevwi rẹ Ọghẹnẹ, ọghwẹgbe rode rẹ eshare, eya, kugbe imitete de koko, bro nẹ Izrẹl ejobi rhe; kidie ihwo na viẹre gangan.

Nehemaya 1:6

Jẹn erhọn wẹn nabọ rhie phihọ, rere ẹro wẹn rhie, wo nyo ẹrhovwo rẹ odibo wẹn re me nẹ asakiephana vwẹ obaro wẹn te ason te uvo vwọ ke emọ re Izrẹl idibo wẹn, re me da rhọvwe imwemwu rẹ emọ rẹ Izrẹl rẹ avwanre ru kpahe owẹ. Uyota, mẹvwẹ vẹ uwevwi rẹ ọsẹ me ru imwemwu.

Une rẹ Ejiro 145:18

Ọrovwohwo si kẹre otu ri sere ejobi, ayen ejobi ri sere vwẹ uyota,

Une rẹ Ejiro 32:5

Me rhọvwe imwemwu mẹ kẹ wẹ, mi si orukuruku mẹ nu kẹ wẹ-ẹ, Me tare nẹ, me fan ogbeku mẹ kẹ Ọrovwohwo; Etiyin ku wọ vwẹ abe re umwemwu mẹ ghovwo uvwe.

Aghwoghwo 7:20

Omuẹro o vwo ọvwata ọvuọvo vwẹ akpọ na ro jẹ imwemwu e ruo-o.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Aizaya 58:9

Ọke yena ku wo se, Ọrovwohwo ko nyo, ku wo kperi, kọ ta kẹ wẹ nẹ, Mẹvwẹ na. Ọ da dianẹ we si urhekpe na nẹ uherevie rẹ ovwan urhiabọ ra riẹn, kugbe ota umwemwu ra ta,

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Aizaya 65:24

Tavwe re ayen ki se ki mi nyo, re ayen je vwo ta ota na ki Mi nyo ayen.

Daniẹl 10:12

Etiyin ọ da ta kẹ vwẹ wọ djẹ ọshọ-ọ, Daniẹl, kidie rhanvwẹ ẹdẹ rẹsosuọ ru wọ vwọ vwẹ udu kpahe otọ vwọ kẹ ẹruọ rẹ ọta na wọ ke rha vwẹ oma kpotọ vwẹ obaro rẹ Ọghẹnẹ wẹn na, eta wẹn enyo ayen, ke me rhere fiki rẹ eta wẹn na.

Daniẹl 10:2

Vwẹ ẹdẹ yena Mẹvwẹ, ri Daniẹl de muomaphihọ kerẹ emu rẹ ẹdidjana erha.

Daniẹl 11:45

Kọ cha bọn ighẹn rẹ ovie rọye phihọ ahwa rẹ abadi rode na vẹ ugbenu ọfuanfọn rẹ urinrin na; dede na o che vwo oba, o vwo ohwo ọvuọvo rọ cha uko-o.

Daniẹl 9:16

E Ọrovwohwo, kirobo rẹ uruemu esiri wẹn ejobi epha, gbe si ophu vẹ ivuemiovwo wẹn nẹ orere wẹn Jerusalẹm, ugbenu ọfuanfon wẹn, fikiridie vwẹ ẹkuoma rẹ umwemwu rẹ avwanre vẹ orukuruku rẹ esẹ rẹ avwanre, Jerusalẹm vẹ ihwo wẹn vwo hirhe phihọ ehwẹjẹ vwẹ ohri rẹ ihwo rẹ riariẹ avwanre phihọ.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Iruo rẹ Iyinkọn na 4:31

Ọke rẹ ayen vwọ nẹ ẹrhovwo nu, asan rẹ ayen de koko na de mu kpogho; Erhi Ọfuanfon na da ro ayen ejobi oma ayen de ghwoghwo ota rẹ Ọghẹnẹ na vẹ aroeyivwo.

Ọbe ri Pọl si rhe Ihwo ri Rom 3:23

Kidie ihwo ejobi ru umwemwu o rhe jẹ urinrin rẹ Ọghẹnẹ dia oma rẹ avwanre-e.

Jems 3:2

Kidie avwanre sheri vwẹ oma rẹ emu buebu. Ohwo ro rhe she vwẹ oma rẹ ota-a, yẹ ohwo yena omamọ rẹ ohwo ro se sun oma rọye rhe.

Ẹvwọphia 21:10

Vwẹ obo Erhi na o de mu uvwe yanran kpo obo ugbenu rode ro kpenu, ọ da vwẹ Jerusalẹm orere ọfuanfon na nẹ vwẹ ro wotọ nẹ obọ rẹ Ọghẹnẹ cha vwẹ obo odjuvwu,

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;