Daniẹl 9:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ E Ọrovwohwo, kirobo rẹ uruemu esiri wẹn ejobi epha, gbe si ophu vẹ ivuemiovwo wẹn nẹ orere wẹn Jerusalẹm, ugbenu ọfuanfon wẹn, fikiridie vwẹ ẹkuoma rẹ umwemwu rẹ avwanre vẹ orukuruku rẹ esẹ rẹ avwanre, Jerusalẹm vẹ ihwo wẹn vwo hirhe phihọ ehwẹjẹ vwẹ ohri rẹ ihwo rẹ riariẹ avwanre phihọ.

Daniẹl 9:16 ပူးပေါင်းရင်းမြစ်များ

Nehemaya 9:8

wọwẹ re mrẹ udu rọye nẹ o vwo esegbuyota vwẹ obaro wẹ, wo vẹ ọye da re ọphọ nẹ wọ vwẹ otọ ri Kenan kẹ uvwiẹ rọye, ihwo ri Hẹt, ihwo re Amọr, ihwo ri Pẹrẹz, ihwo ri Jebu, kugbe ihwo ri Girgash; wo ghine ru ive wẹn gba, kidie ọvwata wo ruẹ.

Une rẹ Ejiro 143:1

Nyo ẹrhovwo mẹ, E Ọrovwohwo, kerhọn rẹ orẹ mẹ! Vwẹ evun rẹ ọvwata wẹn nyo, vwe vwẹ evun rẹ ọvwata wẹn!

Une rẹ Ejiro 31:1

Vwẹ evun wẹn, E Ọrovwohwo, me da guọnọ oma esionẹ; wo jẹ oma vo vwẹ-ẹ, vwẹ evun rẹ ọvwata wẹn sivwi uvwe!

Une rẹ Ejiro 41:13

Ebruba kẹ Ọrovwohwo, Ọghẹnẹ re Izrẹl, nẹ bẹdẹ bẹdẹ re te bẹdẹ bẹdẹ! Isẹ kugbe Isẹ.

Une rẹ Ejiro 71:2

Vwẹ evun rẹ ọvwata wẹn sivwi uvwe ru wo yoro uvwe no, rhie erhọn wẹn phihọ kẹ vwẹ rere wo sivwi uvwe!

Une rẹ Ejiro 79:4

Avwanre rhe rhoma hirhe phihọ ehwẹjẹ kẹ irivẹ rẹ avwanre, ophọphọvwe vẹ ohare kẹ otu re riariẹ avwanre phihọ.

Une rẹ Ejiro 85:4

Vwẹ avwanre rhivwi rhe, E Ọghẹnẹ re esivwo rẹ avwanre, re wo se ivuemiovwo wẹn ne avwanre oma!

Une rẹ Ejiro 89:51

re ivwighrẹ wẹn vwọ bọphiẹ, E Ọrovwohwo, rẹ ayen vwọ vwẹ ichiyi rọ ra vwẹ evwri wẹn ghworo na jehwẹ.

Ẹyano 20:5

wo shiguẹ kẹ aye-en yẹrẹ wọ ga aye-en; kidie mẹvwẹ Ọrovwohwo Ọghẹnẹ wẹn mẹvwẹ Ọghẹnẹ rọ rioma, ọ vwẹ imwemwu rẹ esẹ ruru nene emọ, nẹ uvwiẹ rerha re te Ọrẹne rẹ ayen ri mu kpahe ovwẹ;

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 32:31

Orere nana kpare ophu vẹ ivuemiovwo mẹ, nẹ ẹdẹ ra vwọ bọn rhi te nonẹ na, eriyin na ki mi che ghwie nẹ obaro mẹ.

Jerimaya 32:32

Fiki rẹ umiovwo rẹ emọ rẹ Izrẹl vẹ emọ ri Juda ejobi rẹ ayen ruru vwọ nẹrhẹ ovwẹ phihọ ophu–ivie rayen vẹ isun rayen, irherẹn rayen vẹ emraro rayen, ihwo ri Juda vẹ ihwo re dia Jerusalẹm.

Izikiẹl 22:4

Wọ rhe re abe vwẹ oma rẹ ọbara ru wo sun te otọ na, wo de rhe gbe oma wẹn ẹgua vwẹ oma rẹ edjọ ru wọ kare, wọ nẹrhẹ ẹdẹ wẹn gba nure, ikpe re bru kẹ wẹ gbare. Fiki rẹ ọtiọye na ki mi ru we vwo dia oba kẹ ẹgborho na, ehwẹjẹ vwọ kẹ irho na ejobi.

Izikiẹl 5:14

Ọ rọ marho ke me kua wẹ fiotọ ku wọ dia ohwo rẹ ehwẹjẹ vwẹ ohri rẹ ẹgborho na re riariẹ owẹ phihọ na kugbe obaro rẹ ihwo ejobi re wanvrẹn.

Daniẹl 11:45

Kọ cha bọn ighẹn rẹ ovie rọye phihọ ahwa rẹ abadi rode na vẹ ugbenu ọfuanfọn rẹ urinrin na; dede na o che vwo oba, o vwo ohwo ọvuọvo rọ cha uko-o.

Daniẹl 9:20

Ọke re me vwọ ta ota re me vwọ nẹ ẹrhovwo, re me vwọ rhọvwọ umwemwu mẹ vẹ umwemwu rẹ ihwo mẹ Izrẹl, re me rha vwọ re ore mẹ vwẹ obaro rẹ Ọrovwohwo Ọghẹnẹ mẹ, vwọ kẹ ugbenu rẹ Ọghẹnẹ rọ fonro;

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

2 Tẹsalonaika 1:6

rẹ Ọghẹnẹ vwo roro nẹ o fori rere ọ vwẹ oja re ayen otu ri gbe oja kẹ ovwan ria na,

1 Jọn 1:9

Ẹkẹvuọvo avwanre da fan imwemwu rẹ avwanre, ọye hẹ ohwo rẹ uyota vẹ ọsoso, rọ sa vwẹ umwemwu ghovwo ohwo ọ Me rha hworhẹ avwanre nẹ orukuruku rẹ avwanre ejobi.

1 Samuẹl 2:7

Ọrovwohwo ruẹ ohwo phihọ ogbere ọye ji ruẹ phihọ ọdafe; ọ vwẹ ohwo kpotọ ọ je kparọ kpenu.