Daniẹl 9:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Fiki rẹ ọtiọye na, Ọrovwohwo vwọ rhuẹrẹ ukpokpogho na phihọ otọ o de kron nyẹ avwanre kidie Ọrovwohwo Ọghẹnẹ rẹ avwanre ọvwata o ruẹ vwẹ iruo ro ruẹ ejobi, avwanre ji nyo urhuru rọye-e.

Daniẹl 9:14 ပူးပေါင်းရင်းမြစ်များ

2 Ikun rẹ Ivie 12:6

Etiyin isun rẹ Izrẹl kugbe ovie na da vwẹ oma kpotọ ta, Ọrovwohwo na ọvwata.

Ezra 9:15

E Ọrovwohwo Ọghẹnẹ rẹ Izrẹl, wẹwẹ ohwo rẹ ọsoso, kidie a yan jẹ umuku re vabọ na vwo kẹ avwanre kirobo rọ epha nonẹ na. Nighe, avwanre mudia vwẹ obaro wẹn vwẹ evun rẹ abe rẹ avwanre, kidie o vwo ohwo ro se mudia vwẹ obaro wẹn fiki rẹ ọnana-a.

Nehemaya 9:33

Dede na emu re ọsoso wo ruru kpahe obo re phia kẹ avwanre na, kidie emu re esegbuyota wo ruru yẹ emu umwemwu avwanre ruru,

Une rẹ Ejiro 111:7

Iruo rẹ obọ rọye uyota vẹ ọsoso iji rọye ejobi a vwẹ ẹro suọ,

Une rẹ Ejiro 116:5

Ehrọre ọ rẹ Ọrovwohwo, kugbe ọvwata; Ọghẹnẹ rẹ avwanre na nẹ arodọvwẹ.

Une rẹ Ejiro 119:137

Ọvwata wo ruẹ, E Ọrovwohwo, orhiebro wẹn ọ gbare.

Une rẹ Ejiro 51:14

Sivwi vwe nẹ abe re ọbara, E Ọghẹnẹ, wẹ Ọghẹnẹ re esivwo mẹ, ẹrenvwe mẹ ko so ine re esivwo wẹn phia.

Ẹyano 9:27

Etiyin Fero de ji ihwo re se Mosis vẹ Erọn, ọ da ta ke ayen, Mi ru imwemwu vwẹ obọ nana; Ọrovwohwo re re ase, te mẹvwẹ vẹ ihwo mẹ ru chọ .

Jerimaya 12:1

Wọwe ọvwata, E Ọrovwohwo, vwẹ ọke mi de guẹ kẹ wẹ; dede na mi ji gu ẹdjọ mẹ kẹ wẹ. Die sorọ o vwo yovwẹ kẹ oruimwemwu? Die nẹrhẹ ihwo ri gbẹ ozighi vwo yovwẹ?

Jerimaya 31:28

O de rhi te re kirobo me rhẹrẹ ayen vwọ kọrọ ayen vwẹ ayen ghwiọtọ na, vwọ gere ayen she, vwọ ghwọrọ ayen, vwọ ghwẹ umiovwo rhe ayen na, ọtiọye me je cha rhẹrẹ ayen mu ayen vi kọn ayen, eriyin Ọrovwohwo tare.

Jerimaya 4:17

Ayen yan riariẹ phihọ kerẹ ihwo re rhẹrẹ aghwa fikiridie o ru vwe chọ , eriyin Ọrovwohwo tarẹ.

Jerimaya 44:27

Nighe, Me ra rhẹrẹ ayen fiki rẹ umiovwo ọ dianẹ fiki rẹ erhuvwu-u, ihwo ri Juda ejobi re hẹ otọ rẹ Ijipt cha ghwọrọ vwẹ ọ rẹ ọlọkọ vẹ owẹvwe bẹsiẹ rẹ ayen vwo fuere.

Uvwerhe 1:5

Ivwighrẹ rọye keye rha ka enu kẹ o re yovwẹ kẹ ivwighrẹ rọye, fikiridie Ọrovwohwo nẹrhẹ ọ re oja fiki rẹ orukuruku obuebu rọye. E mu emọ rọye kpo ighuvwu vwe aro rẹ ivwighrẹ na.

Izikiẹl 16:43

Fikiridie wọ gbe karohọ ọke-emọ wẹ-ẹn, ẹkẹvuọvo wọ da kpare ophu mẹ vwẹ oma rẹ imu nana ejobi, ọtiọye na, me cha reyọ osa rẹ uruemu wẹn ejobi vwẹ uyovwi wẹn, eriyin Ọrovwohwo Ọghẹnẹ tare. Wọ rha vwẹ ẹbẹban djoko wẹ na vwọ ba ẹgua egbe wẹn na?

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 9:7

Ọvwata, E Ọrovwohwo, obọ wẹn ọ epha, ẹkẹvuọvo vwọ kẹ avwanre ozighi vọn avwanre opharo, kirobo rọ epha vwẹ ẹdọke ri nonẹ, kẹ ihwo ri Juda, vẹ ihwo re dia Jerusalẹm, kugbe Izrẹl ejobi, te e re kẹrẹ vẹ e re hẹ ogboko, vwẹ otọ ejobi ru wọ djẹ ayen ra fiki rẹ ozighi rẹ ayen gbe kpahe owẹ.