Daniẹl 9:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Kirobo re siro phiho urhi ri Mosis, ukpokpogho nana ejobi bru avwanre rhe, rhi te ọke na avwanre ji re yovwunu je siẹn ọgbẹvwẹ kẹ Ọrovwohwo Ọghẹnẹ ra avwanre-e, rẹ avwanre da rhẹriẹ nẹ orukuruku rẹ avwanre, vwọ nabọ kerhọn rẹ uyota wẹ-ẹn.

Daniẹl 9:13 ပူးပေါင်းရင်းမြစ်များ

Ivie rẹ Ivẹ 22:16

Enẹ Ọrovwohwo tare, Nighe, Me cha ghwa umiovwo rhe etinẹ na vẹ ihwo re dia, eta ejobi re ọbe na rẹ ovie ri Juda seri na.

ỌBE RẸ JOB 36:13

Ohwo rọ riẹn Ọghẹnẹ vwẹ udu-u ophu je; ayen se kperẹ se ọchuko vwẹ ọke ra da gba aye-en.

Une rẹ Ejiro 119:18

Rhie ẹro mẹ, rere me vwọ mrẹ imu re igbunu vwe evun rẹ urhi wẹn.

Une rẹ Ejiro 119:27

Ju vwe riẹn otọ rẹ idjerhe rẹ iji wẹn, ki mi roro iruo rẹ igbunu wẹn na.

Une rẹ Ejiro 119:73

Abọ wẹn re ma vwẹ, ri ruona mẹ; ke vwẹ ẹruọ rere mi vwo yono irhi wẹn

Une rẹ Ejiro 85:4

Vwẹ avwanre rhivwi rhe, E Ọghẹnẹ re esivwo rẹ avwanre, re wo se ivuemiovwo wẹn ne avwanre oma!

Aizaya 31:1

Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 42:9

Nighere, imu rẹ awanre na e wanvrẹn nure, imu ekpokpọ keye me vwọ phia na, tavwe re ke re phia, ye me ta ayen kẹ ovwan nure.

Aizaya 43:22

Dede na yi wo gbi se vwe-e, E Jekọp, ẹkẹvuọvo uvwerhi mẹ ko ro we, E Izrẹl.

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Jerimaya 2:30

Mi hwe emọ rẹ ovwan dede na, yẹn ayen vwiro ku obọ rhẹriẹ-ẹ, Ọlọkọ rẹ obọ wẹn hwe emraro wẹn kerẹ okpohrokpo rọ chẹghẹ emu.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Jerimaya 31:18

Mi nyo Ifrem rọ herọ viẹ, We re fa vwẹ, a da je fa vwẹ, kerẹ ọmọ rẹ erhuẹn re je yono; reyọ ovwẹ rhivwi rere a reyọ ovwọ, kidie wẹ hẹ Ọrovwohwo Ọghẹnẹ mẹ.

Jerimaya 44:23

Fikiridie wa tọrhẹ izobo, fikiridie we ru umwemwu kpahe Ọrovwohwo we mu ọghọ kẹ urhuru rẹ Ọrovwohwo eyẹ yan phihọ evun rẹ urhi rọye vẹ iji rọye vẹ iseri rọye-e, ọye umiovwo nana vwo shenyẹ ovwan na, kirobo rọ epha nonẹ na.

Jerimaya 44:27

Nighe, Me ra rhẹrẹ ayen fiki rẹ umiovwo ọ dianẹ fiki rẹ erhuvwu-u, ihwo ri Juda ejobi re hẹ otọ rẹ Ijipt cha ghwọrọ vwẹ ọ rẹ ọlọkọ vẹ owẹvwe bẹsiẹ rẹ ayen vwo fuere.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Uvwerhe 5:21

Sẹ avwanre te oma wẹn E Ọrovwohwo, rere avwanre si kẹre owẹ. Ru ẹdẹ rẹ avwanre ọkpokpọ kerẹ ọke rẹ awanre.

Izikiẹl 16:43

Fikiridie wọ gbe karohọ ọke-emọ wẹ-ẹn, ẹkẹvuọvo wọ da kpare ophu mẹ vwẹ oma rẹ imu nana ejobi, ọtiọye na, me cha reyọ osa rẹ uruemu wẹn ejobi vwẹ uyovwi wẹn, eriyin Ọrovwohwo Ọghẹnẹ tare. Wọ rha vwẹ ẹbẹban djoko wẹ na vwọ ba ẹgua egbe wẹn na?

Daniẹl 9:11

Izrẹl ejobi gbe urhi wẹn ku, ayen bi oma phihọ akakọ, ayen mu ọghọ kẹ urhuru wẹ-ẹn. Te ekan te iyori re duvwuru phihọ urhi ri Mosis odibo rẹ Ọghẹnẹ, keye rhi mu avwanre na, fikiridie avwanre ru umwemwu kpahọ.

Hosia 7:10

Eheri rẹ Izrẹl ọvo se iseri hwe; yẹ ayen ji rhivwi bru Ọrovwohwo Ọghẹnẹ rayen, ayen je guọnọ fiki rẹ enana ejobi-i.

Hosia 7:14

Ukpere rẹ ayen nẹ ubiudu bru vwẹ rhe-e, ẹkẹvuọvo ayen di beroma vwẹ enu rẹ ehwa rayen, fiki rẹ eka vẹ idi kọye ayen vwo mu eta ta, ayen mu kpahe ovwẹ.

Hosia 7:7

Ayen ejobi rhorha kerẹ enyerhanre, ayen guọghọ ihwo ri sun ayen, Ivie rayen ejobi sheri, ayen ọvuọvo rhe kperẹ se vwe-e.

Iyẹnrẹ Esiri ri Luk 24:45

Etiyin o de rhie udu rayen vwo vwo ẹruọ rẹ ẹbe efuanfon na,

Iyẹnrẹ Esiri ri Jọn 10:35

Ọ de se ayen edjọ ihwo rẹ ota rẹ Ọghẹnẹ bru rhe je se miovwi ọbe ọfuanfon na-a.

Iyẹnrẹ Esiri ri Jọn 6:45

E siro phihọ ọbe rẹ emraro na nẹ, Ọghẹnẹ ọvo ko che yono ayen ejobi. Kohwo kohwo ro nyori ro de yono mie Ọsẹ na ko bru uvwe rhe.

Iyẹnrẹ Esiri ri Jọn 8:32

ovwan ke riẹn uyota na, uyota na ko ru ovwan phihọ ọmuvwiẹ.

Ẹfesọs 4:21

A reyerọ phihọ nẹ ovwan nyo kpahọ re de yono ovwan vwọ hẹ evun rọye, uyota na kirobo rọ epha vwẹ evun ri Kristi.

Urhi Rivẹ 29:4

ẹkẹvuọvo rhi te nonẹ na Ọrovwohwo je kẹ ovwan iroro re vwo vughe-e, eyẹ ibiẹro ra vwọ mrẹ-ẹ, eyẹ erhọn re vwo nyo-o.

Jems 1:5

Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.