Daniẹl 9:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Izrẹl ejobi gbe urhi wẹn ku, ayen bi oma phihọ akakọ, ayen mu ọghọ kẹ urhuru wẹ-ẹn. Te ekan te iyori re duvwuru phihọ urhi ri Mosis odibo rẹ Ọghẹnẹ, keye rhi mu avwanre na, fikiridie avwanre ru umwemwu kpahọ.

Daniẹl 9:11 ပူးပေါင်းရင်းမြစ်များ

Ivie rẹ Ivẹ 18:12

Fikiridie ayen mu ọghọ kẹ urhuru rẹ ota rẹ Ọrovwohwo Ọghẹnẹ rayen na-a, ẹkẹvuọvo ayen da shariẹ ọphọ rọye vrẹn, eriyin ayen je chọ irhi ri Mosis odibo rẹ Ọrovwohwo na ji kẹ ayen; ayen kerhọ-ọn, eyẹ mu ọghọ-ọ.

Ivie rẹ Ivẹ 22:16

Enẹ Ọrovwohwo tare, Nighe, Me cha ghwa umiovwo rhe etinẹ na vẹ ihwo re dia, eta ejobi re ọbe na rẹ ovie ri Juda seri na.

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

Aizaya 43:28

Ọtiọye na Mi de gbe isun rẹ ẹshẹ na ẹgua, Mi de siobọ nẹ Jekọp kẹ ẹghwọrọ Izrẹl vwọ ehwẹjẹ.

Jerimaya 16:11

Etiyin wọ ke vuẹ ayen nẹ: Fikiridie esẹ rẹ ovwan sen vwẹ, eriyin Ọrovwohwo tare, ayen de nene edjọ efa ayen da ga ayen, ayen da vwẹ uyovwi kpotọ kẹ ayen, ayen da sen vwẹ, ayen gbe yọnrọn urhi mẹ-ẹ,

Jerimaya 2:29

Die we vwo gu vwe? Ovwan ejobi mukpahe ovwẹ, Eriyin Ọrovwohwo tare.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Jerimaya 40:3

Ọrovwohwo ruro, o ru obo rọ tare. Fikiridie we ru umwemwu kpahe Ọrovwohwo, we mu ọghọ kẹ urhuru rọye-e, kọye nẹrhẹ emu nana bru ovwan rhire na.

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Jerimaya 44:23

Fikiridie wa tọrhẹ izobo, fikiridie we ru umwemwu kpahe Ọrovwohwo we mu ọghọ kẹ urhuru rẹ Ọrovwohwo eyẹ yan phihọ evun rẹ urhi rọye vẹ iji rọye vẹ iseri rọye-e, ọye umiovwo nana vwo shenyẹ ovwan na, kirobo rọ epha nonẹ na.

Jerimaya 6:19

Nyo, E akpọ, nighe, me herọ ghwa umiovwo rhe ihwo nana re, ekankọn rẹ ayen kọnre kidie ayen kerhọn rẹ eta mẹ-ẹ; ayen sẹro rẹ urhi mẹ-ẹ.

Jerimaya 9:26

Ijipt, Juda, Idọm, emọ rẹ Ammọn, Moab, kugbe otu re dia aton ejobi ri bru akakọ rẹ ẹto rayen, kidie ẹgborho nana yanvwere-e a je yanvwe uwevwi rẹ Izrẹl ejobi vwẹ udu-u.

Daniẹl 9:13

Kirobo re siro phiho urhi ri Mosis, ukpokpogho nana ejobi bru avwanre rhe, rhi te ọke na avwanre ji re yovwunu je siẹn ọgbẹvwẹ kẹ Ọrovwohwo Ọghẹnẹ ra avwanre-e, rẹ avwanre da rhẹriẹ nẹ orukuruku rẹ avwanre, vwọ nabọ kerhọn rẹ uyota wẹ-ẹn.

Daniẹl 9:5

avwanre ru umwemwu kugbe obo re chọre, me ru obo re brare me ji mukpahe owẹ, avwanre yan jẹ irhi wẹn vwo vẹ obo ru wọ tanẹ avwanre ru.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Zekaraya 7:12

Ayen de ru udu rayen gangan kerẹ oragha ayen de rhe nyo urhi vẹ eta rẹ Ọrovwohwo rẹ otuofovwi na rọ wan oma rẹ Erhi rọye vwo ji emraro rẹsosuọ na. Eriyin na ophu rode de nẹ obọ rẹ Ọrovwohwo rẹ otuofovwi na rhe.

Zekaraya 8:13

Kirobo wọ vwọ dia ehwẹjẹ vwe ohri rẹ ẹgborho na, E uwevwi ri Juda vẹ uwevwi rẹ Izrẹl, eriyin mi che sivwi uwe ku wọ dia ebruba. Wọ djẹ oshọ-ọ, ẹkẹvuọvo jẹn abọ wẹn gan.

Urhi Rivẹ 8:20

Ọtiobo rẹ Ọrovwohwo ru ẹgborho na ghwọrọ vwẹ obaro wẹn na ọtiọye wa je ghwọrọ; fikiridie wa rhọvwe kerhọ rẹ urhuru rẹ Ọrovwohwo Ọghẹnẹ rẹ ovwa-an.