Daniẹl 8:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Vwẹ oma rẹ ighoro ọvo vwẹ usun rẹ ighoro ẹne na imighoro ọvo tutuno da tan no rhe, rọ rhe rho gangan kpo obotọ, kpo obaro ọnre, ro kpo obo otọ rẹ urinrin na.

Daniẹl 8:9 ပူးပေါင်းရင်းမြစ်များ

Une rẹ Ejiro 105:24

Ọrovwohwo na da nẹrhẹ ihwo rọye bu gangan, o de ru ayen gan no ivwighrẹ rayen.

Une rẹ Ejiro 48:2

Ugbenu ọfuanfon rọye, rọ kpare vẹ erhuvwu, ọye aghọghọ re akpọ na ejobi, Ugbenu ri Zayọn, rọ hẹ obenu shesheri, Orere rẹ Ovie rode na.

Jerimaya 3:19

Mi de roro nẹ komavọ mi vwo se phi we phihọ ohri rẹ emọ mẹ, re me vwẹ otọ esiri na kẹ ovwan uku ro me yovwi vwẹ irere na ejobi. Ki mi ji roro nẹ ovwan che se vwe, Ọsẹ mẹ, nẹ ovwan gbi che nene uvwe-e

Izikiẹl 20:15

Ọ rọ marho mi de duvwu iyori kẹ ayen vwẹ evun rẹ aghwa nẹ, me gbe reyọ ayen rhe otọ re me vwo kẹ ayen na-a, otọ rọ djẹ ọkẹre vẹ ame-ivie kugbe ọnyọn, otọ ro me yovwi ejobi,

Izikiẹl 20:6

Vwẹ ẹdẹ yena mi de duvwu iyori kẹ ayen nẹ, Me reyọ ayen nẹ otọ rẹ Ijipt rhe otọ re me guọnọ vwọ kẹ ayẹn, otọ rọ djẹ ọkẹre vẹ ame rẹ ivie kugbe ọnyọn, otọ ro me yovwi ejobi.

Daniẹl 11:16

Ẹkẹvuọvo kohwo kohwo ro bruro rhe ejobi ko ru obo ri jere, ohwo ọvuọvo che se mudia vwẹ obaro rọye-e, ko che mudia phihọ otọ rẹ urinrin na, ayen ejobi ke cha dia evun rẹ ogangan rọye.

Daniẹl 11:21

Vwẹ ẹdia rọye orharhe rẹ ohwo che mu ohwo re ji mu ọghọ rẹ ovie kẹ-ẹ; ọ cha rhe ọ cha vuẹ ohwo ọvuọvo-o kọ cha vwẹ unuẹrarọ vwọ reyọ uvie na.

Daniẹl 7:8

Mi de roro kpahẹ ighoro na, nighe, ọvo vwẹ usun rayen da tan rhe, otutuno, tavwe a ke kparẹ ighoro erha rẹ esosuọ na nẹ otọ, nighere, ighoro nana vwẹ ibiẹro re họhọ ibiẹro rẹ ohwo, kugbe unu ro ta ikpita ride.

Zekaraya 7:14

Me da vwẹ odju rẹ ovwre vwo hra ayen ro ohri rẹ ẹgborho rẹ ayen riẹnre-e kọye otọ rẹ ayen nuru da rhe dia ofefe, ọtiọye na ohwo rha yanrhe yankpo vwọ-ọ, otọ esiri na da rhe dia ofefe.