Daniẹl 8:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Etiyin ẹkpro na da rhe kpare oma rọye kpenu gangan, ẹkẹvuọvo ọke rọ rhe vwọ ganre, ighoro rọye rọde na de rhi vwirhi, asan rẹ ighoro na vwirhi nu na ighoro ẹne efa da tan no rhe ri nẹ igogo rẹ odju ẹne rẹ irharheghe rẹ akpọ na.

Daniẹl 8:8 ပူးပေါင်းရင်းမြစ်များ

2 Ikun rẹ Ivie 26:16

Ẹkẹvuọvo ọke rọ rhe gan re ko rhi phuoma, kọye rhe ghwọrọ. Kidie ọ gbe rha dia omamọ re ohwo kẹ Ọrovwohwo Ọghẹnẹ rọye-e, ọ da ro evun rẹ uwevwi rẹ Ọrovwohwo ra torhẹ insẹns vwe agbada re ugboduma na.

Ẹsta 9:4

Kidie Modekai rhe rho vwẹ uwevwi rẹ ovie na, usi rọye de rhi mu wan ubrakpọ na ejobi, fikiridie ohwo na re se Modekai na rhe gan phihọ.

Jerimaya 49:36

ke me cha reyọ odju ẹne nẹ igogo ẹne rẹ odjuvwu na rhe rhurhu Elam, me me hra ayen kẹ odju na, o rhe vwo ẹgborho ọvuọvo re ihwo ra djẹ nẹ Elam na che jẹ ra-a.

Jerimaya 5:27

Kerẹ obere rọ vọnre vẹ ephran, uwevwi rayen vọnre vẹ ọphiẹvwẹ; kọye ayen da rhe dia ikpihwo ride ri feri,

Izikiẹl 16:7

re wọ rho phihọ kerẹ ekakọn rẹ aghwa. Wo de gro kpenu wọ da rhe rho te ọmọtẹ gbraka, ivie wẹn da kpogho rhe, ẹton wẹn de gro rhe, dede na yo wọ ban phihọ djoko.

Izikiẹl 28:9

Ku wo je tanẹ, mẹvwẹ Ọghẹnẹ, vwẹ irharo rẹ otu ri hwe we na, ye wewe ohwo ghevweghe, wọ dia ọghẹnẹ-ẹ, vwẹ obọ rẹ ihwo re wan we oma na?

Daniẹl 11:4

O de rhi vrẹnre, uvie rọye kọ cha guọghọ ka gharọ phihọ igogo ẹne rẹ irharheghe na, ẹkẹvuọvo ọ dia emọ rọye a cha gharọ kẹ-ẹ, yẹrẹ kirobo rẹ ogangan rẹ isuesun rọye epha-a, kidie a cha sanvwẹ uvie rọye reyọ ko che vwọ kẹ ihwo efa.

Daniẹl 4:31

Ọke rẹ ota na je vwo unu rẹ ovie na, urhuru ọvo de nẹ odjuvwu rhe, E Ovie, Nebukadneza we ọye a ta ota na kẹ; Uvie na vrẹn nẹ obọ wẹn nure.

Daniẹl 5:20

Ẹkẹvuọvo ọke rọ rhi vwo mu udu rọye kpenu rẹ erhi rọye rhe vwọ gan, ko herẹ e de sio nẹ ekete rẹ uvie rọye e de mie urinrin rọye;

Daniẹl 7:2

Daniẹl da ta, Me da mrẹ emramrẹ vwẹ evun rẹ ason na, nighe, odju ẹne rẹ odjuvwu na ki djuẹ abadi rode na.

Daniẹl 7:6

Ọnana vwọ wan nu mi de ni, nighe, ọfa, rọ họhọ edjẹnẹkpo, vẹ ibekpe rẹ ọphran ẹne vwẹ obuko rọye; eranvwe na vẹ uyovwi ẹne, a da vwẹ ogangan rẹ isuesun vwọ kẹ.

Daniẹl 8:22

Vwọ kpahe ighoro re vwirhiri ye, rẹ ighoro ẹne da tan nẹ ẹdia rọye rhe na, uvie ẹne che mu vwẹ ẹgborho roye na rhe, ẹkẹvuọvo ọ dia ogangan rọyẹ-ẹ.

Daniẹl 8:5

Ri mi vwo roro re, nighe, ẹkpro ọvo da bẹre wan abọ rẹ akpọ ro chekọ rhe, ọ vwẹ obọ te otọ-ọ; ẹkprọ na vwo ighoro ọvo gheregbe vwẹ uvwre rẹ ibiẹro rọye ivẹ na.

Daniẹl 8:7

Me da mrẹ obo ro rhi bi kẹrẹ egbo na. Ophu de muo kpahọ, o de dje egbo na o de vwirhi ighoro rọye ivẹ na nu; egbo na rhe vwo ogangan ro se vwo mudia vwẹ obaro rọye-e, ẹkẹvuọvọ o muro teye otọ ọ da ro obenu rọye chiyi; o rhe vwo ohwo ọvuọvo ro se sivwi egbo na nẹ ogangan rọye-e.

Matiu 24:31

Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.

Iyẹnrẹ Esiri ri Mak 13:27

Etiyin ko che ji emakashe na, re koko otu ra jẹreyọ na nẹ igogo ẹne rẹ akpọ na rhe nẹ oba rẹ akpọ na re rẹ oba rẹ odjuvwu.

Urhi Rivẹ 31:20

Kidie Me vwọ reyọ ayen rhe otọ rẹ djẹ ọkẹre vẹ ameivie vẹ ọnyọn na, ọ ri mi veri nẹ Me vwọ kẹ esẹ rayen, ayen rere evun vwọ vọn ayen oma da ro ayen, kẹ ayen che nene edjọ ayen ke ga ayen, re ayen da sen vwẹ miovwo ọphọ mẹ.

Ẹvwọphia 7:1

Rẹ ọna vwọ wan nu me da mrẹ emakashe ẹne ri mudia phihọ igogo ẹne rẹ akpọ na, re yọnrọn ọgan rẹ odju ẹne rẹ akpọ na, rere odju vwo je djuo vwe enu rẹ akpọ na eyẹ abadi eyẹ urhe kurhe.