Daniẹl 8:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me da mrẹ egbo na rọ djẹ kpo obọhwẹre vẹ obenu vẹ obotọ rẹ akpọ na, o vwo eranvwe ọvuọvo ro se sivwi ohwo nẹ ogangan rọye-e, obo ri jere ọye o ruẹ, o de mu oma rọye kpenu.

Daniẹl 8:4 ပူးပေါင်းရင်းမြစ်များ

1 Ivie 22:11

Zẹdikaya ọmọ ri Chenaanah de duvwu lghoro rẹ utehru kẹ oma rọye, ọ da ta, E nẹ Ọrovwohwo tare, Ighoro nana we che vwo dje ihwo ri Siria bẹsiẹ rẹ ayen vwọ ghwọrọ.

ỌBE RẸ JOB 10:7

Yu wọ riẹnre nẹ me re abe-e, ye ohwo ọvuọvo herọ rọ se sivwe nẹ abọ wẹ-ẹ?

Une rẹ Ejiro 44:5

Vwẹ ogangan wẹn me vwo gere ivwighrẹ she; vwẹ odẹ wẹn me vwo chiyi ihwo ri hwe avwanre muotọ.

Une rẹ Ejiro 50:22

Gba ka oka phihọ ọna, ovwan otu rẹ Ọghẹnẹ chọẹro Me da rhe bẹre ovwan, a cha mrẹ ohwo ọvuọvo rọ chọ ochọ re ovwa-an

Une rẹ Ejiro 7:2

ọ dia ọtiọye-e ayen da rha chẹghẹ ovwẹ kerẹ okpohrokpo, ayen kpono uvwe yanran, yẹ ohwo herọ ro sivwi uvwe-e.

Izikiẹl 34:21

Fikiridie wọ vwẹ ẹfẹn biẹ, wọ vwẹ igabọ biẹ, wọ ghwa vwẹ ighoro wẹn dje e re pha mwẹmwẹ na, bẹsiẹ wọ vwọ hra ayen kufia.

Daniẹl 11:16

Ẹkẹvuọvo kohwo kohwo ro bruro rhe ejobi ko ru obo ri jere, ohwo ọvuọvo che se mudia vwẹ obaro rọye-e, ko che mudia phihọ otọ rẹ urinrin na, ayen ejobi ke cha dia evun rẹ ogangan rọye.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 5:19

Ọ da rho gangan, ihwo ejobi, ẹgborho vẹ ephẹrẹ vwọ phariẹ djẹ oshọ vwẹ obaro rọye; ohwo ro jere ọye o hwe, ọ rọ jere ọ mi jovwo nẹ ọ dia akpọ, o ro jere o mi vwo kpenu, o ro rhe je o mi vwo kpotọ.

Daniẹl 5:30

Ason yena ọvuọvo na e de hwe Bẹlshaza ovie ri Kaldia.

Daniẹl 7:5

Gbe nighe, eranvwe ọfa, ọrivẹ rọ pha kerẹ okorhi. A da kpare ẹbẹre ọvo kpenu; ọ vwẹ ibiedada erha vwọ hwa akọ; a da ta kẹ, Vrẹn, re wọ re uvwo buebu.

Daniẹl 8:7

Me da mrẹ obo ro rhi bi kẹrẹ egbo na. Ophu de muo kpahọ, o de dje egbo na o de vwirhi ighoro rọye ivẹ na nu; egbo na rhe vwo ogangan ro se vwo mudia vwẹ obaro rọye-e, ẹkẹvuọvọ o muro teye otọ ọ da ro obenu rọye chiyi; o rhe vwo ohwo ọvuọvo ro se sivwi egbo na nẹ ogangan rọye-e.

Maika 5:8

Umuku ri Jekọp ro chekọ ke cha dia ohri rẹ ẹgborho na, vwẹ ohri rẹ ihwo buebu, kerẹ okpohrokpo vwẹ ohri rẹ eranvwe rẹ aghwa, kerẹ upene rẹ okpohrokpo vwẹ ohri rẹ ekru rẹ igegede, ọ da dianẹ ẹ wanvrẹn, ko chiyi ayen muotọ ọ me chẹghẹ kẹnẹ kẹnẹ, o rhe vwo ohwo ro sivwo-o.

Urhi Rivẹ 33:17

Erhuẹn re otuvwiẹ rọye vwo ẹgba, ighoro rọye kerẹ ighoro rẹ erhuẹn rọ djoma; kọ cha vwẹ ayen djẹ ihwo na, djẹ ayen ejobi, kpo oba rẹ akpọ na, ọtiọye uriori ihwe rẹ Ifrem epha, ọtiọye je uriori ri Manasse.