Daniẹl 8:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Vwẹ oba rẹ isuesun rayen re, ọke rẹ igburhi na de rhi ru te asan rẹ ukoko rayen da vọn re; ovie ro yivwaro rọ sa fan otọ rẹ ido, ko che muẹ.

Daniẹl 8:23 ပူးပေါင်းရင်းမြစ်များ

Jẹnẹsis 15:16

Vwẹ orua rẹ ẹne kẹsiẹye aye ki che rhivwi rhe, fikiridie orukuruku rẹ ihwo rẹ Amọr je gba-a.

Isẹ 1:6

rẹ itẹ vẹ isẹ vwọ ruọ kugbe eta vẹ ido rẹ evwẹghwanre.

Izikiẹl 38:16

ku wọ cha vwọ so ihwo mẹ Izrẹl, kerẹsiẹ rẹ ẹgho e de rhurhu otọ na. Vwẹ ẹdẹ rọ ka uku na ke me cha reyọ owẹ vwọ so otọ mẹ na, rere ẹgborho na vwọ riẹn vwẹ, vwẹ ọke re me da wan oma wẹ, E Gọg, vwo dje asẹ rẹ ẹfuọn mẹ kẹ ayen mrẹ.

Izikiẹl 38:8

Ẹdẹ buebu da wan nu ku wọ cha ghwẹ koko gbidi, vwẹ ikpe re cha vwẹ obaro na ku wọ ra vwẹ ofovwi vwọ so otọ na re si nẹ obọ rẹ ofovwi na, otọ rẹ ihwo da rhe ghwẹ koko nẹ ẹgborho buebu rhe rhi koko vwẹ igbenu rẹ Izrẹl, ra kua jovwo rhabae; ihwo ra ghwẹ nẹ ẹgborho na rhe. Asakiephana egbemọphẹ kọye ayen epha, ayen ejobi re kpae.

Daniẹl 10:14

Me da rhe rere wo vwo vwo ọhọ rẹ obo rẹ cha phia kẹ ihwo wẹn vwẹ ẹdẹ rọ ka oba na. Kidie emramrẹ na vwonẹ ọ herọ vwọ kẹ ẹdẹ rọ cha vwẹ obaro.

Daniẹl 11:21

Vwẹ ẹdia rọye orharhe rẹ ohwo che mu ohwo re ji mu ọghọ rẹ ovie kẹ-ẹ; ọ cha rhe ọ cha vuẹ ohwo ọvuọvo-o kọ cha vwẹ unuẹrarọ vwọ reyọ uvie na.

Daniẹl 11:24

Kpregede na, ọ cha rhe ubrete rọ me fe vwẹ otọ na; ko che ru obo rẹ esẹ roye, yerẹ esẹ rẹ esẹ roye ji ru dẹvo-o, kọ vẹn ayen gborhọ ayen, ekuakua rẹ ugborho, kugbe ekuakua ejobi. Asan rọ ma gan ejobi ọ cha vwẹ ona reyọ ayen, ẹkẹvuọvo ọmọke krẹn.

Daniẹl 7:11

Mi de ni ayen fiki rẹ edo rẹ eta ride re mra nẹ ighoro na cha. Ri mi vwo ni re, e de hwe eranvwe na, a da guọghọ oma rọye nu, e de muo phihọ erhanre nẹ ọ ton.

Daniẹl 7:20

Vwọ kpahe ighoro ihwe re hẹ uyovwi rọye, vẹ ighoro efa ri yoro phia, re sua eshe kẹ ighoro erha vwẹ obaro rọye, ighoro vwẹ ibiẹro kugbe unu rọ vwọ ta ikpeta ride, re je rho nọ otu rọye.

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Daniẹl 7:8

Mi de roro kpahẹ ighoro na, nighe, ọvo vwẹ usun rayen da tan rhe, otutuno, tavwe a ke kparẹ ighoro erha rẹ esosuọ na nẹ otọ, nighere, ighoro nana vwẹ ibiẹro re họhọ ibiẹro rẹ ohwo, kugbe unu ro ta ikpita ride.

Daniẹl 8:22

Vwọ kpahe ighoro re vwirhiri ye, rẹ ighoro ẹne da tan nẹ ẹdia rọye rhe na, uvie ẹne che mu vwẹ ẹgborho roye na rhe, ẹkẹvuọvo ọ dia ogangan rọyẹ-ẹ.

Daniẹl 8:24

Ogangan rọye kọ cha rho, kọ cha guọghọ eguọghọ ro muoshọ, kemu kemu ro ruru ejobi ko shephihọ kẹ, kọ guọghọ eshare vẹ ẹgba kugbe ihwo efuanfon na.

Daniẹl 8:25

Vwẹ oma rẹ aghwanre ro ruẹ efian ko che yovwi vwẹ obọ rọye, kọ cha vwẹ ọhọrobọ rọye vwọ kpare oma rọye kpenu. O cha vwẹ ovuẹ rhe rọ ke guọghọ ihwo buebu-u, ọ cha tobọ mu kpahe Ọmọ rẹ ivie na; ẹkẹvuọvo, o dia obọ rẹ ohwo rẹ akpọ a cha vwọ guọghọ-ọ.

Ukeri 24:24

Ẹkẹvuọvo ekọ che nẹ Kitim cha ke cha họnre Asshur kugbe Eber; ekpuyovwi rọye ka guọghọ rhe.

Matiu 23:32

Ovwan gbe ru kirobo rẹ esẹ rẹ ovwan ruru.

Urhi Rivẹ 28:50

ẹgborho ro si opharo phihọ, ro nẹ aro rẹ ọkpako-o ọ je kerhọn rẹ egheie-e

1 Tẹsalonaika 2:16

Ayen da dje avwanre nẹ a gbe ta ota kẹ otu ri Keferi-i ayen da rha rhọ–ọtiọye na kọke kọke kọye ukoko rẹ umwemwu rayen vwọ vọn. Ẹkẹvuọvo ophu rẹ Ọghẹnẹ rhe tua kpahe ayen vwẹ ukuko na re.

1 Timoti 4:1

Asakiephana Erhi na tare phẹphẹ nẹ ukuko rẹ akpọ na vwobọ ihwo buebu che she nẹ esegbuyota na rẹ ayen da cha kerhọn rẹ erhi rẹ ophiẹvwe kugbe uyono rẹ efian rẹ idẹbono,

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.