Daniẹl 8:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ O da ta, Nighe, me cha nẹrhẹ wọ riẹn obo re cha phia vwẹ obo oba rẹ ophu na, kidie ọ kpoma phihọ ọke rẹ obo oba re bruphihọ otọ na.

Daniẹl 8:19 ပူးပေါင်းရင်းမြစ်များ

Une rẹ Ejiro 102:13

Wo vrẹn re wọ rẹ ehrọre ri Zayọn; o te ọke re vwo ni ẹroesiri kẹ; ọke re bruru na gbare.

Daniẹl 11:27

Vwọ kẹ ivie ivẹ na, ẹnwẹn rẹ umwemwu ọvo kọye cha vọn ayen evun, ayen cha vwọrọn efian vwẹ enu rẹ imẹjẹ ọvuọvo na, ẹkẹvuọvo o che vwo otọ-ọ; kidie oba na che te vwẹ obọ vwẹ ọke re bruru na.

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Daniẹl 8:23

Vwẹ oba rẹ isuesun rayen re, ọke rẹ igburhi na de rhi ru te asan rẹ ukoko rayen da vọn re; ovie ro yivwaro rọ sa fan otọ rẹ ido, ko che muẹ.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Iyẹnrẹ Esiri ri Luk 21:23

E kperi eghwo vwọ kẹ otu ri vwo ọmọ kugbe otu re vwẹ evie kẹ vwẹ ẹdẹ yena! Kidie uvwerhe rode cha dia enu rẹ akpọ na ivuemiovwo kọ cha dia kẹ ihwo nana;

Ẹvwọphia 1:1

Ọbe rẹ ẹvwọphia ri Jesu Kristi, rẹ Ọghẹnẹ vwọ kẹ nẹ o vwọ phia kẹ odibo rọye vwọ kpahe obo re cha phia nanana; o de ji amakashe rọye bru Jọn odibo rọye ra rere o re dje imu na ejobi kẹ,

Ẹvwọphia 10:7

ẹkẹvuọvo vwẹ ẹdẹ rẹ amakashe righwrẹ na de che hworo oware, igbunu rẹ Ọghẹnẹ, kirobo ro ghwoghwo kẹ idibo rọye emraro na, ke che ruo gba.

Ẹvwọphia 11:18

Ẹgborho na re do, ẹkẹvuọvo ophu wẹn da tua, ọke re vwo guẹdjọ rẹ irivwi te re, ra vwọ hwa osa kẹ idibo wẹn, emraro na kugbe ihwo efuanfon na, kugbe ayen otu re djẹ oshọ rẹ odẹ wẹn, te itete te iride, ra vwọ ghwọrọ oghwọrọ rẹ akpọ na.

Ẹvwọphia 15:1

Me da mrẹ oka ọfa vwẹ obo odjivwu, oka rhuarho ro gbunu, emakashe ighwrẹ vẹ ọtiokọ ighwrẹ, ena re ka oba, kidie ena je hẹ oba rẹ ophu rẹ Ọghẹnẹ.

Ẹvwọphia 17:17

kidie Ọghẹnẹ phiro phihọ udu rayen rere ayen vwo ru iroro rọye kọye ayen vwọ dia iroro ọvo rẹ ayen vwọ vwẹ ogangan rẹ ovie rayen vwọ kẹ eranvwe na, bẹsiẹ rẹ ota rẹ Ọghẹnẹ vwọ gba.