Daniẹl 8:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Etiyin ọ de rhi sikerẹ asan ri mi mudia phihọ rọ vwọ rhe re, ọshọ de mu vwẹ mi de she bọvwọn opharo rhuotọ. Ẹkẹvuọvo ọ da ta kẹ vwẹ, Jọ ro wẹ, E Ọmọ rẹ ohwo, nẹ emramrẹ nana ọye ọ rẹ ọke rẹ oba na.

Daniẹl 8:17 ပူးပေါင်းရင်းမြစ်များ

Jẹnẹsis 17:3

Ebram de she bọvwọ opharo rhuotọ, Ọghẹnẹ da ta kẹ,

Izikiẹl 1:28

Kere uhoho rẹ aphoro vwẹ irharheghe vwẹ ẹdẹ rẹ osio, ọtiọye elo rẹ uhoho na epha riariẹ. Ọtiọye ekroma na họhọ urinrin rẹ Ọrovwohwo na. Ọke me vwọ mrẹ, mi de she bọvwọn opharo rhuotọ, mi de nyo urhuru rẹ ohwo ọvo rọ ta ota.

Izikiẹl 2:1

Ọ da ta kẹ vwẹ, Ọmọ rẹ ohwo, Vrẹ mudia, rere me vẹ owẹ ta ota.

Izikiẹl 44:4

Etiyin ọ da vwẹ ovwẹ wan anurhoro rọ hẹ obọhwẹre ọnre vwẹ obaro rẹ uwevwi rẹ ẹga na, mi de ni, nighe, urinrin rẹ Ọrovwohwo na, mi de she bọvwọn opharo rhuotọ.

Izikiẹl 6:2

Ọmọ rẹ ohwo, tọn opharo wẹn vi igbenu rẹ Izrẹl na, ru wọ mraro kpahe ayen,

Daniẹl 10:11

Ọ da ta kẹ vwẹ, E Daniẹl, ohwo re vwo ẹguọnọ kẹ gangan, kerhọn rẹ ota re me ta kẹ wẹ na, mudia kpoma vi, kidie asakiephana e ji vwẹ bru we rhe. Rọ vwọ ta ota nana kẹ vwẹ re, mi de vrẹn mudia ke me phariẹ.

Daniẹl 10:16

Nighe, ohwo ọvo rọ họhọ emọ rẹ ihwo da vwẹ obọ te ẹbẹrumu mẹ, etiyin unu mẹ de rhie, mẹ da vwọ ta ọta. Me da ta ota kẹ ohwo ro mudia vwẹ obaro mẹ, E Ọrovwohwo, fiki rẹ emramrẹ na oma kọ miavwẹ ovwẹ, ogangan gbi rhe vwe-e.

Daniẹl 11:27

Vwọ kẹ ivie ivẹ na, ẹnwẹn rẹ umwemwu ọvo kọye cha vọn ayen evun, ayen cha vwọrọn efian vwẹ enu rẹ imẹjẹ ọvuọvo na, ẹkẹvuọvo o che vwo otọ-ọ; kidie oba na che te vwẹ obọ vwẹ ọke re bruru na.

Daniẹl 11:40

Ọke rẹ obo oba na de te ovie rẹ obuko ọnre na ko che nene họnre, ẹkẹvuọvo ovie rẹ obọhwẹre ọnre kọ cha họrhọ ruọ kerẹ ukori rẹ odju vẹ ekpẹrẹ rẹ ofovwi vẹ ihwo re gua iyesi, vẹ ekọ buebu, ko che te irho buebu ko phi ayen kparobọ ọ me wanvrẹn

Daniẹl 12:13

Ẹkẹvuọvo gba yanran bẹsiẹ rẹ oba na ki te; ku wo che rovwoma, ku wo che mudia phihọ asan ra ghare ke we vwẹ oba rẹ ẹdẹ na.

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Daniẹl 2:46

Etiyin ovie na Nebukadreza, de she bọvwọ opharo rhuotọ, o da vware Daniẹl, ọ da ta nẹ a reyọ izobo vẹ insens vwo ze kẹ.

Daniẹl 7:16

Mi de sikẹrẹ ohwo ọvo vwẹ usun rẹ ihwo ri mudia vwẹ etiyin na me da nọ kpahe uyota rẹ emu nana ejobi. Etiyin ọ da ta kẹ vwẹ, ọ da vwẹ otọ rẹ emu na ejobi vwọ nẹ vwẹ.

Daniẹl 8:15

Ọke rẹ mẹvwẹ, ri Daniẹl vwọ mrẹ emramrẹ nana nu, me da guọnọ otọ rọye riẹn, nighe, emu ọvo de mudia vwẹ obaro mẹ rọ họhọ ohwo rẹ akpọ.

Daniẹl 8:19

O da ta, Nighe, me cha nẹrhẹ wọ riẹn obo re cha phia vwẹ obo oba rẹ ophu na, kidie ọ kpoma phihọ ọke rẹ obo oba re bruphihọ otọ na.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Daniẹl 9:23

Vwẹ ẹtuọphihọ rẹ orẹ wẹn ota ọvo de bru vwẹ rhe, ke me rhere rhe ta kẹ wẹ, fikiridie ivun wẹ vwerherọ gangan; fiki rẹ ọtiọye na roro ota na rere emramrẹ na ro owẹ.

Daniẹl 9:27

Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Matiu 17:8

Rẹ ayen vwọ kpare opharo kpenu, ayen gbe mrẹ ohwo ọfa-a jokpa ri Jesu ọvo.

Ẹvwọphia 1:17

Ọke re me vwọ mrẹ, mi de she teye awọ rọye kerẹ ohwo ro ghwuru. Ẹkẹvuọvo ọ da ghwẹ obọrhe rọye kpahe ovwẹ, tanẹ, Wọ djẹ oshọ-ọ, Mẹvwẹ hẹ ohwo rẹsosuọ kugbe ọ rọ ka oba,

Ẹvwọphia 22:8

Mẹvwẹ ri Jọn hẹ ohwo ro nyori rọ je mrẹ imu nana. Ọke ri mi vwo nyo re me vwọ mrẹ ayen, mi de she diguẹ me da gọ vwẹ asan awọ rẹ amakashe rọ vwẹ ayen nẹ vwẹ na;