Daniẹl 8:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọke rẹ mẹvwẹ, ri Daniẹl vwọ mrẹ emramrẹ nana nu, me da guọnọ otọ rọye riẹn, nighe, emu ọvo de mudia vwẹ obaro mẹ rọ họhọ ohwo rẹ akpọ.

Daniẹl 8:15 ပူးပေါင်းရင်းမြစ်များ

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Daniẹl 10:16

Nighe, ohwo ọvo rọ họhọ emọ rẹ ihwo da vwẹ obọ te ẹbẹrumu mẹ, etiyin unu mẹ de rhie, mẹ da vwọ ta ọta. Me da ta ota kẹ ohwo ro mudia vwẹ obaro mẹ, E Ọrovwohwo, fiki rẹ emramrẹ na oma kọ miavwẹ ovwẹ, ogangan gbi rhe vwe-e.

Daniẹl 10:18

Ofa, ọvo ro vwo urhoma kere ohwo da vwẹ obọ te vwe ọ da kẹ vwẹ ogangan.

Daniẹl 10:5

me da kpare ẹro, mi de ni, nighe, ohwo ọvo rọ vwẹ esada rhuo, ra vwẹ oro rẹ Ufaz vwọ mu ehu rọye.

Daniẹl 12:8

Mi nyori, ẹkẹvuọvo yọ ro vwẹ-ẹ. Etiyin me da ta, E Ọrovwovwe, die ri che nẹ evun rẹ eravwọ nana cha?

Daniẹl 7:13

Me da mrẹ vwẹ evun rẹ emramrẹ vwẹ ason na, nighe vwẹ egho rẹ irharheghe na, ọvo da rhe kerẹ ọmọ rẹ ohwo, o de bru ohwo rọ herọ nẹ Awanre Rhe na a da vwọ phia vwẹ obaro rọye.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 8:1

Vwẹ ukpe rerha rẹ ẹriọ rẹ Bẹlshaza, mẹvwẹ ri Daniẹl da mrẹ emramrẹ vwẹ ọke re me vwọ mrẹ ọ rẹsosuọ na nu.

Daniẹl 8:19

O da ta, Nighe, me cha nẹrhẹ wọ riẹn obo re cha phia vwẹ obo oba rẹ ophu na, kidie ọ kpoma phihọ ọke rẹ obo oba re bruphihọ otọ na.

Zekaraya 1:9

Ọye Me da ta, Enana kidie vwo, Ọrovwohwo? Amakashe ro nene uwe ta ota na da ta kẹ vwẹ, mi che dje obo rẹ ayen epha kẹ wẹ.

Matiu 13:36

Ọ da yan jẹ ihwo na vwo, ọ da ro evun rẹ uwevwi; idibo rọye de bro rhe rhe nọ otọ rẹ itẹ na nẹ, Gbe dje otọ rẹ ite rẹ ego na kẹ avwanre.

Matiu 24:15

Ọke rẹ ovwan da rhe mrẹ ukpokpogho rẹ ẹgua, ra tare vwẹ ọbe ri Daniẹl ọmraro na, ro mudia vwẹ asan ọfuanfon na (e jẹn ohwo ro se riẹn otọ rọye),

Matiu 24:30

Kẹsiẹye oka rẹ ẹcha rẹ ọmọ rẹ ohwo ke cha phia vwẹ obo odjuvwu, uvie rẹ akpọ na ejobi ki che muomahọ, kẹ ayen cha mrẹ ọmọ rẹ ohwo rọ cha vwẹ ikoro rẹ obo odjuvwu vẹ urinrin rode.

Iyẹnrẹ Esiri ri Mak 13:14

Re ovwan da ghwa mrẹ emu rẹ ẹguaegbe rọ nẹrhẹ asan vẹn ro mudia vwẹ asan rọ foro-o je jẹn ọ ro se riẹn otọ rọye, gbe jẹn otu re dia obi Judia djẹ kpo enu rẹ igbenu;

Iyẹnrẹ Esiri ri Mak 4:12

re emrẹ ayen mrẹ yẹ ayen se vughe-e, enyo ayen nyo, yẹ ayen sa riẹn otọ rọye-e; ayen de rhe kurhẹriẹ e de rhe vwo ghovwo ayen.

Joshua 5:14

Ọ da ta, Ẹjo, ẹkẹvuọvo kerẹ onotu rẹ ofovwi rẹ Ọrovwohwo me vwo rhe na. Joshua de she bọvwọ opharo rọye rhuotọ, ọ da ga, ọ da ta kẹ, Kidie Ọrovwohwo guọnọre nẹ odibo rọye ru?

Ẹvwọphia 1:13

vwẹ uherevie rẹ igburhukpẹ na ohwo ọvo rọ họhọ ọmọ rẹ ohwo da herọ, ro ku adagba ro te otọ phihọ ọ vwẹ umuamwa rẹ oro vwo mu udu;

Ẹvwọphia 13:18

Kẹ ọna e vwo vughe aghwanre na; e jẹn ohwo ro vwo ẹruọ kere unu rẹ eranvwe na, kidie ọye hẹ unu rẹ ohwo rẹ akpọ, unu rọye hẹ ujori esa kugbe ujorha gbẹ esan.