Daniẹl 8:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Etiyin mi de nyo ohwo ọfuanfon ọvo rọ ta ota kẹ ohwo ọfuanfon ọfa nẹ, Ọkevọ emramrẹ ra mrẹ kpahe izobo ẹtorhẹ rẹ kọke kọke na krite, ẹguegbe rọ nẹrhẹ asan kua fiotọ, kugbe ẹshẹ na ra cha guọghọ vẹ otu na re che chiyi muoto?

Daniẹl 8:13 ပူးပေါင်းရင်းမြစ်များ

Une rẹ Ejiro 74:10

Mavọ o krite, E Ọghẹnẹ, re ivwighrẹ vwọ jehwẹ te? ọvweghre na kọ va ku odẹ wẹn bẹdẹ?

Une rẹ Ejiro 74:9

Avwanre mrẹ ekan re avwanre-e, ọmraro ọvuọvo gbe herọ-ọ, o gbi vwo ohwo vwe ohri re avwanre na rọ riẹn obo ro krite-e.

Une rẹ Ejiro 79:5

Mavọ o krite, E Ọrovwohwo? Rẹ ivun vwo miovwo uwe bẹdẹ? Ophu rẹ omẹriọ wẹn kọ ton kerẹ erhanre?

Aizaya 28:18

Etiyin na ọphọ ro wọ vẹ ughwu rere na ya chọre, obọ echuro wẹn vẹ ushi na gbi mudia-a; vwẹ ọke rẹ ọtieko rode na da cha wan vrẹn kọ cha teyọ owẹ she.

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Aizaya 63:18

Ihwo efuanfon wẹn vwo ẹshẹ wẹn na ọmọke, ivwighrẹ rẹ avwanre de chiyo wan.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Jerimaya 12:10

Isuigegede guọghọ ogba ri vain mẹ ayen chiyi ẹkẹn mẹ muotọ, ẹkẹn oyoyovwi mẹ na hirhe phihọ aghwa ofefe.

Daniẹl 11:31

Ihwo rẹ ofovwi rọye ke cha vwẹ oma phia ki che gbe uwevwi rẹ Ọghẹnẹ na ẹgua vẹ ọgba na, kọ reyọ izobo rẹ ẹtorhẹ re kọke kọke na no. Kẹ ayen cha vwẹ imu rẹ ẹgua re guọghọ asan na vwo muẹ.

Daniẹl 12:11

Nẹ ọke ra cha vwọ reyọ izobo rẹ ẹtorhẹ rẹ kọke kọke na yanran, rẹ ẹguegbe rọ nẹrhẹ asan kua fiọtọ re che vwo muo viẹ, ko dia ẹdẹ uriori gbe ujori ivẹ gbe ujọne gbẹ ihwe.

Daniẹl 12:8

Mi nyori, ẹkẹvuọvo yọ ro vwẹ-ẹ. Etiyin me da ta, E Ọrovwovwe, die ri che nẹ evun rẹ eravwọ nana cha?

Daniẹl 4:10

Obo me mrẹre vwẹ ọke ri mi vwo shevwerhẹ ehwa na ke ena. Nighe, me da mrẹ urhe ọvo vwẹ uherevie rẹ akpọ na, ugrọgrọ rọye kpenu gangan.

Daniẹl 4:13

Nighe, mi vwo shevwerhẹ ehwa, me da mrẹ emramrẹ vwẹ evun rẹ evwerhẹ mẹ, ọrhẹrotọ ohwo ọfuanfọn, o de wotọ nẹ obo odjivwu rhe.

Daniẹl 4:23

Rẹ ovie rha rhe vwọ mrẹ ọrhẹrotọ, ohwo ọfuanfon ro nẹ obo odjuvwu cha, rọ tanẹ, she urhe na teye otọ re wọ rha guọghọ, ẹkẹvuọvo yan jẹ uchuku rẹ awọ rọye vwo vwẹ evun rẹ otọ na, wọ rha vwẹ ọghrọrọ rẹ utehru vẹ ẹrovwo vwọ gba, vwẹ evun rẹ odi ebọba rẹ aghwa na, wọ rhe jẹn irho rẹ odjuvwu rho kuo, wọ rha ghare ẹkẹn rọye vẹ eranvwe re ria vwẹ aghwa kugbe; bẹsiẹ rẹ ẹgbukpe ighwrẹ vwọ wan vrẹn.

Daniẹl 7:16

Mi de sikẹrẹ ohwo ọvo vwẹ usun rẹ ihwo ri mudia vwẹ etiyin na me da nọ kpahe uyota rẹ emu nana ejobi. Etiyin ọ da ta kẹ vwẹ, ọ da vwẹ otọ rẹ emu na ejobi vwọ nẹ vwẹ.

Daniẹl 7:23

Enẹ kọye ọ tare: Vwọ kẹ eranvwe rẹne, uvie rẹne kọ cha dia akpọ na, kọ fẹnẹ uvie ri chekọ ejobi, ko che mu akpọ na ejobi rọ o mi chiyo muotọ, o mi vwirho ibribro.

Daniẹl 9:27

Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.

Zekaraya 1:19

Me da ta ke amakashe ro nene uvwe ta ota na, Enana kidie vwo? Ọ da kpahe kẹ vwẹ, Enana ighoro re hra Juda, Izrẹl, kugbe Jerusalẹm na.

Zekaraya 14:5

Iyara rẹ igbenu Mẹ ki gbe, kidie iyara rẹ igbenu ki te akakọ rọye, wa cha djẹ kirobo rẹ ovwan djẹre vwẹ ọke re otọ vwo kpogho vwẹ ọke rẹ Uzzaya vwọ he ovie ri Juda. Etiyin Ọrovwohwo Ọghẹnẹ kọ cha rhe, otu efuanfon na ejobi ki tue nene rhe.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Matiu 24:15

Ọke rẹ ovwan da rhe mrẹ ukpokpogho rẹ ẹgua, ra tare vwẹ ọbe ri Daniẹl ọmraro na, ro mudia vwẹ asan ọfuanfon na (e jẹn ohwo ro se riẹn otọ rọye),

Iyẹnrẹ Esiri ri Mak 13:14

Re ovwan da ghwa mrẹ emu rẹ ẹguaegbe rọ nẹrhẹ asan vẹn ro mudia vwẹ asan rọ foro-o je jẹn ọ ro se riẹn otọ rọye, gbe jẹn otu re dia obi Judia djẹ kpo enu rẹ igbenu;

Iyẹnrẹ Esiri ri Luk 10:22

Ọsẹ mẹ vwẹ emu na ejobi kẹ vwẹ; yẹ ohwo ọvuọvo riẹn ọmọ na-a jokpa rẹ Ọsẹ na, eyẹ ohwo ọvuọvo riẹn Ọsẹ na-a jokpa rẹ ọmọ na kugbe ohwo rẹ ọmọ na vwe rọ phia kẹ.

Iyẹnrẹ Esiri ri Luk 21:20

Ẹkẹvuọvo ọke wọ da mrẹ Jerusalẹm rẹ otuofovwi gba riariẹ phihọ, etiyin gba ghwa riẹn nẹ ọke rẹ ẹkua fiotọ rọye si kẹre re.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Iyẹnrẹ Esiri ri Jọn 1:18

Ohwo ọvuọvo je mrẹ Ọghẹnẹ na dẹvo-o; Ọmọ ọvuọvo na, rọ hẹ agada rẹ Ọsẹ na, ọye re nẹrhẹ a riẹn.

Urhi Rivẹ 33:2

Ọ da ta, Ọrovwohwo nẹ Sinae rhe, ọ da bẹre mu avwanre vwi Sia; o lo nẹ ugbenu ri Peran rhe, o nẹ obọ rẹ ihwo efuanfon uriori ihwe rhe, vẹ erhanre rọ la vwẹ obọrhe rọye.

1 Tẹsalonaika 3:13

kọye ovwan vwọ dia fuanfon vwẹ obaro rẹ Ọsẹ na, rere udu rẹ ovwan vwọ ghwaotọ re wa vwọ rease vwẹ ẹdẹ rẹ ẹcha rẹ Ọrovwavwanre Jesu vẹ emakashe rọye.

Hibru 10:29

Ki bro ehwe ọbrabra we rori nẹ e hwe ohwo na ro ni Ọmọ rẹ Ọghẹnẹ na saka, ro de rhe gbe ọbara rẹ ọphọ na ra vwọ hworhẹ fon na ẹgua, rọ da rha kpare ophu rẹ Erhi rẹ ẹserọphẹ na?

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.

Ọbe ri Jud 1:14

Ihwo nana kọye Inọk ohwo righwrẹ nẹ uvwiẹ rẹ Adam rhe mraro kpahe, tanẹ Nighe, Ọrovwohwo cha rhe vẹ usun rẹ ihwo efuanfon rọye uri vware uri,

Ẹvwọphia 11:2

ẹkẹvuọvo wọ vwavwe ọguan rọ hẹ obo otafe rẹ uwevwi rẹ ẹga na-a, yan jovwo, kidie e siobọ no kẹ ẹgborho na, ayen ki chiyi orere ọfuanfon na muotọ emeranvwe ujuvẹ gbẹ ivẹ.

Ẹvwọphia 6:10

ayen da van kperi tanẹ, E Ọrovwohwo Osun, ọfuanfon kugbe uyota, mavọ o krite wo ki rhi guẹdjọ kugbe re wọ ke rhe reihri rẹ ọbara rẹ avwanre vwẹ obọ rẹ ihwo re dia enu rẹ akpọ na?

Iguẹdjọ 13:18

Amakashe rẹ Ọrovwohwo na da ta kẹ nẹ, Die sorọ wọ vwọ nọ ekpẹn rẹ odẹ mẹ, yo wẹ mrẹ nẹ igbunu?