Daniẹl 8:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ukpe rerha rẹ ẹriọ rẹ Bẹlshaza, mẹvwẹ ri Daniẹl da mrẹ emramrẹ vwẹ ọke re me vwọ mrẹ ọ rẹsosuọ na nu.

Daniẹl 8:1 ပူးပေါင်းရင်းမြစ်များ

Izikiẹl 1:1

Vwẹ ukpe rẹ ọgban, vwẹ emeranvwe rẹne, vwẹ ẹdẹ riyori rẹ emeranvwe na, re me vwọ hẹ usun rẹ otu re muru na vwẹ oma rẹ urhie ri Keba, idjuvwu na de rhie phihọ, Me da mrẹ emramrẹ rẹ Ọghẹnẹ.

Daniẹl 1:17

Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

Daniẹl 10:2

Vwẹ ẹdẹ yena Mẹvwẹ, ri Daniẹl de muomaphihọ kerẹ emu rẹ ẹdidjana erha.

Daniẹl 10:7

Mẹvwẹ, ri Daniẹl, ọvo re mrẹ emramrẹ na, kidie ihwo re vẹ ovwẹ gba herọ sa mrẹ emramrẹ na-a, ẹkẹvuọvo kẹ ayen di muẹ phariẹ kpakpakpa, ayen da djẹ re si oma nu.

Daniẹl 11:4

O de rhi vrẹnre, uvie rọye kọ cha guọghọ ka gharọ phihọ igogo ẹne rẹ irharheghe na, ẹkẹvuọvo ọ dia emọ rọye a cha gharọ kẹ-ẹ, yẹrẹ kirobo rẹ ogangan rẹ isuesun rọye epha-a, kidie a cha sanvwẹ uvie rọye reyọ ko che vwọ kẹ ihwo efa.

Daniẹl 7:1

Vwẹ ukpe rẹ ẹsosuo ri Bẹlshaza ovie rẹ Babilọn, Daniẹl da vwerhẹ evwerhẹ ọ da mrẹ emramrẹ ọke ro vwo shevwerhẹ enu rẹ ehwa rọye. Etiyin ọ de si evwerhẹ na phihọ otọ, ọ da rha ta obo re hẹ evun rọye.

Daniẹl 7:15

Vwọ kẹ vwẹ ri Daniẹl, erhi rọ hẹ evun mẹ kọ ro ẹnwan emramrẹ re me mrẹre na ọ da nẹrhẹ oshọ mu vwẹ.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 8:15

Ọke rẹ mẹvwẹ, ri Daniẹl vwọ mrẹ emramrẹ nana nu, me da guọnọ otọ rọye riẹn, nighe, emu ọvo de mudia vwẹ obaro mẹ rọ họhọ ohwo rẹ akpọ.

Daniẹl 8:2

Me da mrẹ vwẹ evun rẹ emramrẹ na; mi vwo ni, kẹ otorho ri Susa mie pha, vwẹ ubrotọ rẹ Elam; me da mrẹ vwẹ evun rẹ emramrẹ na, nẹ oma rẹ urhie rẹ Ulai mie pha.

Daniẹl 9:2

Vwẹ ukpe rẹsosuọ rọ vwọ hẹ ovie, Mẹvwẹ, ri Daniẹl, da rhe mrẹ vughe vwẹ ẹbe na uchukpe, kerẹ ikpe ujorha gbẹ ihwe re wanvrẹn a ke mrẹ oba rẹ ẹguọghọ ri Jerusalẹm, kirobo rẹ ota rẹ Ọrovwohwo ro bru Jerimaya re ọmraro na rhe epha.