Daniẹl 7:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Mi vwo no, a da ghan ekete phihọ etiyin ọvo rọ herọ nẹ awanre rhe de tidia; ewun rọye kọ fuan popo kerẹ imicho, ẹton rọ hẹ uyovwi rọye kọ epha kerẹ oruru, ekete rọye, kerẹ erhanre rọ la gidigidi idjugẹ rọye kerẹ erhanre rọ la.

Daniẹl 7:9 ပူးပေါင်းရင်းမြစ်များ

1 Ivie 22:19

Maikaya da ta, Vwẹ ọtiọye na gbe nyo ota rẹ Ọrovwohwo: Me mrẹ Ọrovwohwo ro tidia vwẹ enu rẹ ekete rọye, otu rẹ odjuvwu ejobi de mudia kẹrẹ vwẹ obọrhe vẹ obọhwẹre rọye;

2 Ikun rẹ Ivie 18:18

Makaiya da ta, Fiki rẹ ọtiọye na gbe nyo ota rẹ Ọrovwohwo na; me mrẹ Ọrovwohwo na ro tidia vwẹ enu rẹ ekete rọye, otu rẹ obo odjuvwu na ejobi de mudia vwẹ obọrhe rọye vẹ obọhwẹre rọye;

Une rẹ Ejiro 45:8

adagba wẹn ejobi re gbo ọnrhẹn rẹ ugboduma vẹ egẹ kugbe adjija Nẹ evun rẹ ọguan rẹ akoeni rhe isorogun da kẹ wẹ aghọghọ,

Une rẹ Ejiro 90:2

Tavwe rẹ igbenu na ke rhe tan phia, eyẹ tavwe wọ ke rhe mama otọ na vẹ akpọ na, nẹ irhiri re duvwu irhiri wọwẹ ọye Ọghẹnẹ

Une rẹ Ejiro 93:2

ekete wẹn a tọnrọ phihọ ne awanre rhe, wọ herọ rhiri bẹdẹ.

Aizaya 6:1

Vwẹ ukpe rẹ Ovie Uzaya ghwuru na me da mrẹ Ọrovwohwo ro tidia phihọ enu re ekete, ro kpenu gogorogo, ejọjọ rẹ ewun rọye da vọn ọgua na.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Jerimaya 49:38

ke me cha vwẹ ekete mẹ viẹ vwẹ Elam, ke me guọghọ ivie vẹ isun rayen, eriyin Ọrovwohwo tare.

Izikiẹl 1:26

Vwẹ obenu rẹ Irharheghe na vwẹ obenu rẹ iyovwi rayen emu ọvo da herọ rọ họhọ ekete, ra mrẹ kere ubioragha ro lo, ro tidia vwẹ obenu rẹ emu rọ họhọ ekete na ovọ da herọ rọ họhọ ekroma rẹ ohwo.

Daniẹl 7:13

Me da mrẹ vwẹ evun rẹ emramrẹ vwẹ ason na, nighe vwẹ egho rẹ irharheghe na, ọvo da rhe kerẹ ọmọ rẹ ohwo, o de bru ohwo rọ herọ nẹ Awanre Rhe na a da vwọ phia vwẹ obaro rọye.

Daniẹl 7:22

rhiri bẹsiẹ rẹ Ọ rọ herọ bẹdẹ bẹdẹ ke rhe, o de bru orhiẹn kẹ ihwo efuanfon rẹ Ọ ro Me Kpenu ejobi, ọke de rhi te rẹ ihwo efuanfon na rhe reyọ uvie na.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Habakọk 1:12

Ọ dia owẹ re herọ rhiri bẹdẹ, E Ọrovwohwo Ọghẹnẹ mẹ, Ọfuanfọn Ọvuọvo mẹ na? Avwanre che ghwu-u, E Ọrovwohwo, wẹ re vwẹ ayen mu kerẹ ẹdjọeguo; Wẹ, E Oragha, wẹ re vwẹ ayen mu vwọ kẹ efafa.

Matiu 17:2

O de wene oma vwẹ irharo rẹ ayen; opharo rọye ko lo wrowro kerẹ ọnre, iwun rọye da rhe fon kerẹ oze.

Matiu 28:3

Oma rọye ko lo kerẹsiẹ rẹ enu a nyavwaro, ewun rọye kọ fuan toto kerẹ iphughẹ rẹ odja.

Iyẹnrẹ Esiri ri Mak 9:3

Iwun rọye ki lo wrowro, fuanfon gangan; ọtiọye na o se vwo ohwo rọ fọnrhọn emwa fon eriyin vwẹ akpọ na-a.

Iruo rẹ Iyinkọn na 2:30

Ọmraro o ruẹ, ọ riẹnre nẹ. Ọghẹnẹ ji vẹ kẹ nẹ vwẹ uvwiẹ rọye na a da cha reyọ ohwo ọvo vwo tidia ekete rọye na.

Iruo rẹ Iyinkọn na 2:33

Eriyin na a da kparọ kpenu vwẹ obọrhe rẹ Ọghẹnẹ Ọsẹ na ro ji ru ive rẹ Erhi Ọfuanfon na kẹ, kọye o ji kuẹ avwanre rẹ ovwan mrẹ na re ovwan ji nyo na.

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

1 Timoti 6:16

ọvuọvo ro je ghwo na rọ dja vwẹ evun rẹ orẹẹmrẹ re yivwẹ siẹ kẹrẹ-ẹ, rẹ akpọ je mrẹ dẹvo-o eye sa mrẹ-ẹ. Ọye a vwẹ ọghọ kugbe isuesun ri bẹdẹ kẹ. Isẹ.

1 Jọn 1:5

Ovuẹ nana rọ vuẹ avwanre na kọye avwanre ghwoghwo kẹ ovwan na, nẹ Ọghẹnẹ hẹ urhukpẹ kaka emebri ọvuọvo rhere-e.

Ẹvwọphia 1:14

uyovwi rọye vẹ ẹto rọye ke fuan tototo kerẹ oruru, kerẹ imicho; ẹro rọye ke vwara kerẹ ẹkoerhanre,

Ẹvwọphia 19:18

re ovwan re ivwo rẹ ivie, ivwo rẹ inotu, ivwo rẹ egba ride, ivwo rẹ esi kugbe otu re gua, ivwo rẹ ihwo ejobi, te eviẹn te imuvwiẹ, te ihwo ride vẹ itete.

Ẹvwọphia 20:4

Etiyin me da mrẹ ekete buebu, ayen de tidia ekete na, kẹ etiyin ayen otu ra vwẹ ẹdjọeguo kẹ na de guẹ. Me da mrẹ irhi rẹ ihwo buebu re bru ohọre fiki rẹ iseri rayen kpahe Jesu kugbe ota rẹ Ọghẹnẹ, kugbe ihwo ri jẹ eranvwe na kugbe oma rọye ẹga, re ka oka rọye phihọ arhare-e eyẹ obọ raye-en. Ayen da va rhe, ayen vi Kristi da re ikpe uriori.

Ẹvwọphia 4:2

Siẹvuọvo na me da hẹ evun rẹ Erhi na, mi vwo ni, ekete ọvo de mudia vwẹ obo odjuvwu, ohwo ọvo de tidia vwẹ enu rẹ ekete na!