Daniẹl 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọnana vwọ wan nu me da mrẹ vwẹ evun rẹ emramrẹ vwẹ ason na, nighe, eranvwe rẹ ẹne, omuoshọ ọdjoma ọ jẹ vọn vẹ ogangan, o ji vwo ako rẹ utehru ride; ọ ria o vwirhẹ ibribro ọ da vwẹ awọ chivwi eravwe ri chekọ muotọ. Ọ da fẹnẹ eranvwe ejobi re ka obaro kẹ; ighoro ihwe yi rhere.

Daniẹl 7:7 ပူးပေါင်းရင်းမြစ်များ

2 Samuẹl 22:43

Mi de hwe ayen vworovworo kerẹ iwurhie rẹ otọ, mi de rhe chiyi ayen muoto kerẹ ibehre rẹ urhuvwu.

ỌBE RẸ JOB 41:14

Ono ri se rhiẹ ẹchẹ rẹ opharo rọye? Uguegue riariẹ ibiako rọye phihọ.

Izikiẹl 40:2

ọ da reyọ ovwẹ vwẹ emramrẹ rẹ Ọghẹnẹ vwọ rhe otọ rẹ Izrẹl, o de mu vwe te otọ vwẹ enu rẹ ugbenu ro kpenu gangan, rẹ emu ọvo epha kerẹ orere ro hirhe aro ku vwe.

Daniẹl 2:19

Etiyin a da vwẹ otọ rẹ igbunu na phia kẹ Daniẹl vwẹ evun rẹ emramrẹ vwẹ ason. Etiyin Daniẹl de bruba kẹ Ọghẹnẹ rẹ odjuvwu.

Daniẹl 7:13

Me da mrẹ vwẹ evun rẹ emramrẹ vwẹ ason na, nighe vwẹ egho rẹ irharheghe na, ọvo da rhe kerẹ ọmọ rẹ ohwo, o de bru ohwo rọ herọ nẹ Awanre Rhe na a da vwọ phia vwẹ obaro rọye.

Daniẹl 7:2

Daniẹl da ta, Me da mrẹ emramrẹ vwẹ evun rẹ ason na, nighe, odju ẹne rẹ odjuvwu na ki djuẹ abadi rode na.

Daniẹl 8:10

Ọ da tan rhuarho gangan, rhiri re te irharheghe, otu re isio evo re hẹ obenu na, o de gere ayen she phihọ otọ, o de chiyi ayen muotọ.

Daniẹl 8:22

Vwọ kpahe ighoro re vwirhiri ye, rẹ ighoro ẹne da tan nẹ ẹdia rọye rhe na, uvie ẹne che mu vwẹ ẹgborho roye na rhe, ẹkẹvuọvo ọ dia ogangan rọyẹ-ẹ.

Zekaraya 2:1

Me da kparo me da mrẹ, gbe nighe, ọshare ọvo yọnrọn ufi rẹ ovwanvwọn vwẹ obọ rọye!

Ẹvwọphia 12:3

Oka ọfa da rha phia vwẹ odjuvwu; nighe, Okpodje ọvwara wei, ọ vẹ iyovwi ighwrẹ kugbe ighoro ihwe, kugbe ibiekpẹn ri lo wrowro ighwrẹ re hẹ uyovwi rọye.

Ẹvwọphia 13:1

Me da mrẹ eranvwe ọvo ro yoro nẹ evun rẹ abadi na cha, ọ vẹ ighoro ihwe kugbe iyovwi ighwrẹ, vẹ ibiekpẹn ihwe ri lo wrowro vwẹ enu rẹ ighoro rọye kugbe odẹ rẹ ophọphọvwe ra vwọ tamu iyovwi na.

Ẹvwọphia 17:12

Ighoro ihwe ru wọ mrẹre na eye hẹ ivie ihwe, ra je vwẹ ogangan rẹ ovie kẹ-ẹ, ẹkẹvuọvo a vwẹ ogangan rẹ ivie kẹ ayen unọke ọvo, ji kugbe eranvwe na.

Ẹvwọphia 17:7

Ẹkẹvuọvo amakashe na da ta kẹ vwẹ, Die sorọ ro vwo gbe we unu? Mi che gbe ikun rẹ igbunu rẹ aye na kẹ wẹ, kugbe eranvwe vẹ iyovwi ighwrẹ na kugbe ighoro ihwe na ro mu yan na.

Ẹvwọphia 17:8

Eranvwe ru wọ mrẹre jovwo na, rọ gbe herọ na-a, o che yeri nẹ obo orho rẹ igbẹphẹre na rhe kpo oja ri bẹdẹ na; ihwo re dia akpọ na re ji si edẹ rẹ ayen phihọ ọbe rẹ arhọ na nẹ ẹtuọhọ rẹ akpọ na rhe-e, ko gbe ayen unu rẹ ayen da mrẹ eranvwe na, fikiridie ọ herọ jovwo yọ gbe herọ-ọ yọ je cha rhe.