Daniẹl 7:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 7:28 ပူးပေါင်းရင်းမြစ်များ

Jẹnẹsis 37:10

Ẹkẹvuọvo rọ vwọ ta kẹ ọsẹ rọye vẹ imoni rọye, ọsẹ rọye da ghwọ kuo, ọ da ta kẹ, Ọnana didi oka rẹ evwerhẹ wọ vwerhẹre na? Ko mẹvwẹ te oni wẹn kugbe imoni wẹn cha ghene vwẹ uyovwi te otọ ke wẹ?

Jẹnẹsis 37:11

Imoni rọye ke rioma kpahọ, ẹkẹvuọvo ọsẹ rọye de phi eta na vwọ evun.

Daniẹl 10:16

Nighe, ohwo ọvo rọ họhọ emọ rẹ ihwo da vwẹ obọ te ẹbẹrumu mẹ, etiyin unu mẹ de rhie, mẹ da vwọ ta ọta. Me da ta ota kẹ ohwo ro mudia vwẹ obaro mẹ, E Ọrovwohwo, fiki rẹ emramrẹ na oma kọ miavwẹ ovwẹ, ogangan gbi rhe vwe-e.

Daniẹl 10:8

Ọtiọye na kẹ mẹvwẹ ọvọ ro chekọ na re mrẹ emramrẹ rode na, ogangan ọvuọvo gbi rhe vwe-e, oma mẹ ro ruaro jovwo da rhẹriẹ miomiovwi, mi gbi vwo ogangan ọvuọvo-o.

Daniẹl 11:27

Vwọ kẹ ivie ivẹ na, ẹnwẹn rẹ umwemwu ọvo kọye cha vọn ayen evun, ayen cha vwọrọn efian vwẹ enu rẹ imẹjẹ ọvuọvo na, ẹkẹvuọvo o che vwo otọ-ọ; kidie oba na che te vwẹ obọ vwẹ ọke re bruru na.

Daniẹl 12:13

Ẹkẹvuọvo gba yanran bẹsiẹ rẹ oba na ki te; ku wo che rovwoma, ku wo che mudia phihọ asan ra ghare ke we vwẹ oba rẹ ẹdẹ na.

Daniẹl 12:9

Ọ da ta, Yanran kpo asan wọ ra, Daniẹl, kidie erhurhu eta na e de rhe kọ ayen gbe bẹsiẹ rẹ ọke rẹ oba na vwọ te.

Daniẹl 4:16

Jẹn iroro rọye rhẹriẹ nẹ ọ rẹ ohwo, wo rhe jẹn a vwẹ iroro rẹ eranvwe kẹ, wo rhe jẹn ẹgbukpe ighwrẹn wan wẹn tavwe.

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 5:6

Etiyin oma rẹ ovie na da rhẹriẹ, iroro rọye da dje oshọ muo; abọ vẹ awọ rọye ke ghwrọghrọ, Igbo rọye ki gbe luelue.

Daniẹl 7:15

Vwọ kẹ vwẹ ri Daniẹl, erhi rọ hẹ evun mẹ kọ ro ẹnwan emramrẹ re me mrẹre na ọ da nẹrhẹ oshọ mu vwẹ.

Daniẹl 8:1

Vwẹ ukpe rerha rẹ ẹriọ rẹ Bẹlshaza, mẹvwẹ ri Daniẹl da mrẹ emramrẹ vwẹ ọke re me vwọ mrẹ ọ rẹsosuọ na nu.

Daniẹl 8:17

Etiyin ọ de rhi sikerẹ asan ri mi mudia phihọ rọ vwọ rhe re, ọshọ de mu vwẹ mi de she bọvwọn opharo rhuotọ. Ẹkẹvuọvo ọ da ta kẹ vwẹ, Jọ ro wẹ, E Ọmọ rẹ ohwo, nẹ emramrẹ nana ọye ọ rẹ ọke rẹ oba na.

Daniẹl 8:19

O da ta, Nighe, me cha nẹrhẹ wọ riẹn obo re cha phia vwẹ obo oba rẹ ophu na, kidie ọ kpoma phihọ ọke rẹ obo oba re bruphihọ otọ na.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Iyẹnrẹ Esiri ri Mak 9:15

Rẹ otu na vwọ mrẹ, o de gbe ayen unu gangan, ayen da dje bro re yere.

Iyẹnrẹ Esiri ri Luk 2:19

Ẹkẹvuọvo Meri de phi eta nana ra ta kẹ na vwọ hẹ vun.

Iyẹnrẹ Esiri ri Luk 2:51

Ọ vẹ ayen da yanran kpo Nazarẹt, ọ da vwẹ oma kpotọ kẹ ayen; oni rọye de phi eta nana vwọ hẹ evun.

Iyẹnrẹ Esiri ri Luk 9:44

Gbe jẹn eta nana kporo ro ovwan erhọn; kidie e che mu Ọmọ rẹ ohwo phihọ abọ rẹ ihwo.