Daniẹl 7:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Daniẹl 7:25 ပူးပေါင်းရင်းမြစ်များ

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Daniẹl 11:28

Kọ che rhivwi rhe otọ rọye vẹ eyere buebu, ẹkẹvuọvo udu rọye kọ che mu kpahe ọphọ ọfuanfon na. Ko che ru obo ri jere ro de hirhe kpo otọ rọye.

Daniẹl 12:7

Ohwo na rọ vwẹ esada rhuo na rọ hẹ obenu rẹ ame rẹ urhie na, da kpare obọrhe rọye vẹ obọhwẹre rọye kpenu; Mi de nyo obo rọ vwẹ ọ rọ herọ bẹdẹ na vwo duvwu iyori, tanẹ ọ dia ọke ọvo, ọke ivẹ kugbe ubrọ rẹ ọke, vẹ ọke rẹ ẹguọghọ rẹ ogangan rẹ ihwo efuanfon na vwo te oba, eravwọ nana ejobi che ru gba.

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 3:26

Etiyin Nebukadreza de bi kẹrẹ anurhoro rẹ ogidi erhanre na epha ọ da ta, Shadrak, Meshak, vẹ Abẹdnigo , idibo rẹ Ọghẹnẹ ro me kpenu ejobi, wa yan phia, re wa yanrhe etinẹ. Etiyin Shadrak, Meshak vẹ Abẹdnigo da yan nẹ evun rẹ erhanre na rhe.

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:2

Me mrẹ re nẹ oyovwi kẹ vwẹ mi vwo dje eka vẹ igbunu rẹ Ọghẹnẹ ro me kpenu ejobi ru kẹ vwẹ

Daniẹl 4:25

nẹ, a cha djẹ we nẹ ohri rẹ ihwo, wọ vẹ eranvwe rẹ aghwa kọye gba cha dia, ke che ru we vwọ re odi kerẹ erhuẹn, oma wẹ kọ kpọrhọ vẹ irho ro nẹ obo odjuvwu cha, ẹgbukpe ighwrẹ kọ wan wẹn vrẹn bẹsiẹ wọvwọ riẹn nẹ ọ rọ Me Kpenu ejobi ri suẹn uvie rẹ ihwo, nẹ ọ vwọ kẹ ohwo ro jere.

Daniẹl 4:32

Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Daniẹl 7:18

Ẹkẹvuọvo ihwo efuanfon rẹ ọ ro Me Kpenu ejobi keye cha reyọ uvie na, kẹ ayen yọnre uvie na rhiri bẹdẹ.

Daniẹl 7:20

Vwọ kpahe ighoro ihwe re hẹ uyovwi rọye, vẹ ighoro efa ri yoro phia, re sua eshe kẹ ighoro erha vwẹ obaro rọye, ighoro vwẹ ibiẹro kugbe unu rọ vwọ ta ikpeta ride, re je rho nọ otu rọye.

Daniẹl 7:8

Mi de roro kpahẹ ighoro na, nighe, ọvo vwẹ usun rayen da tan rhe, otutuno, tavwe a ke kparẹ ighoro erha rẹ esosuọ na nẹ otọ, nighere, ighoro nana vwẹ ibiẹro re họhọ ibiẹro rẹ ohwo, kugbe unu ro ta ikpita ride.

Daniẹl 8:11

O de mu oma rọye kpenu, tobọ re te asan rẹ Osun rẹ otu rẹ obenu na epha na; izobo ra torhẹ kẹ kọke kọke na ọ da reyọ mie, asan eshẹ rọye na e de kporo te otọ.

Daniẹl 8:14

Ọ da ta kẹ, ovwọnvwọn vẹ irhiọke uriori ivẹ kugbe ujori erha; kẹsiẹye a ke cha rhoma ma ẹshẹ na phihọ ẹdia ro shephihọ kẹ.

Daniẹl 8:9

Vwẹ oma rẹ ighoro ọvo vwẹ usun rẹ ighoro ẹne na imighoro ọvo tutuno da tan no rhe, rọ rhe rho gangan kpo obotọ, kpo obaro ọnre, ro kpo obo otọ rẹ urinrin na.

Daniẹl 9:27

Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.

Hosia 7:16

Ayen rhivwi bru Baal ayen họhọ umurhabọ ro brakpẹn, a cha vwẹ ọlọkọ hwe isun rayen, fiki rẹ arueyivwo rọ vọn unu rayen. Ọna kọ dia ehwẹjẹ kẹ ayen vwẹ otọ rẹ Ijipt.

2 Tẹsalonaika 2:3

We jẹ ohwo ọvuọvo phiẹn ovwan vwẹ idjerhe kidjerhe-e; kidie ẹdẹ yena ji te-e, jokpa nẹ ọ ro muẹ kpahe ihwo na ka rhe tavwe, ra da vwẹ onogbozighi na phia, kugbe ọmọ rẹ ughwru na,

2 Tẹsalonaika 2:4

ro muẹ oma kpenu ro muẹ kpahe koghẹre koghẹre rẹ ẹdjọ eyẹ obo ra gọ ejobi, ukuko rọye ọ da rhe vẹn phihọ agbara vwẹ evun rẹ uwevwi rẹ Ọghẹnẹ, ro ghwoghwo nẹ ekpuyovwi rọye hẹ Ọghẹnẹ.

2 Tẹsalonaika 2:8

Ọke yena ka cha vwẹ onogbozighi na phia, Ọrovwohwo Jesu kọ cha vwẹ ota rẹ unu rọye hwe ghwu kọ ghwọrọ vwẹ omavwọphia kugbe ẹcha rọye.

Ẹvwọphia 12:14

Ẹkẹvuọvo a da vwẹ ibekpe ivẹ rẹ ugo rhuarho vwọ kẹ rere ọ vwọ rhan jẹ ọrọdekọ na vwo ro evun rẹ aghwa, vwo kpo asan ra da ghẹrẹ vwẹ ọmọke, kugbe ọke, kugbe ubro rẹ ọke.

Ẹvwọphia 12:6

aye na da djẹ ro aghwa, kpo asan rẹ Ọghẹnẹ rhuẹrẹ vwọ hẹ otọ kẹ, kẹ etiyin a da ghẹrẹ vwẹ ẹdẹ uriori kugbe uri kugbe ujorha.

Ẹvwọphia 14:12

Kẹ etinẹ a da mrẹ odiri rẹ ihwo efuanfon na vugbe, ayen otu re yọnre irhi rẹ Ọghẹnẹ kugbe esegbuyota ri Jesu.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Ẹvwọphia 17:6

Me da mrẹ aye na, rẹ ọbara rẹ ihwo efuanfon muẹ kerẹ udi kugbe ọbara rẹ ihwo re hweri fiki ri Jesu. Ọke re me vwọ mrẹ o de gbe vwe unu gangan.

Ẹvwọphia 18:24

A da rhe mrẹ ọbara rẹ emraro na kugbe ihwo efuanfon na vwẹ evun wẹn kugbe ayen otu re hweri vwẹ akpọ na.