Daniẹl 7:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² rhiri bẹsiẹ rẹ Ọ rọ herọ bẹdẹ bẹdẹ ke rhe, o de bru orhiẹn kẹ ihwo efuanfon rẹ Ọ ro Me Kpenu ejobi, ọke de rhi te rẹ ihwo efuanfon na rhe reyọ uvie na.

Daniẹl 7:22 ပူးပေါင်းရင်းမြစ်များ

Une rẹ Ejiro 149:5

Jẹn ihwo ri segbuyota ghọghọ vwẹ urinrin, jẹn ayen so une rẹ aghọghọ vwẹ ehwa rayen.

Aizaya 63:4

Kidie ẹdẹ re irhi ẹriọ ọ hẹ udu mẹ, ikpe mẹ rẹ ẹtan hirhe o te nure,

Daniẹl 7:18

Ẹkẹvuọvo ihwo efuanfon rẹ ọ ro Me Kpenu ejobi keye cha reyọ uvie na, kẹ ayen yọnre uvie na rhiri bẹdẹ.

Daniẹl 7:23

Enẹ kọye ọ tare: Vwọ kẹ eranvwe rẹne, uvie rẹne kọ cha dia akpọ na, kọ fẹnẹ uvie ri chekọ ejobi, ko che mu akpọ na ejobi rọ o mi chiyo muotọ, o mi vwirho ibribro.

Matiu 19:28

Jesu da ta kẹ nẹ, Uyota me ta kẹ wẹ, Ovwan ri nene uvwe na, ọke rẹ Ọmọ rẹ ohwo de che tidia vwẹ enu rẹ ekete rẹ urinrin rọye, ovwan ki ji che tidia enu rẹ ekete ihwivẹ na de guẹdjo rẹ Izrẹl.

2 Tẹsalonaika 2:8

Ọke yena ka cha vwẹ onogbozighi na phia, Ọrovwohwo Jesu kọ cha vwẹ ota rẹ unu rọye hwe ghwu kọ ghwọrọ vwẹ omavwọphia kugbe ẹcha rọye.

Ẹvwọphia 1:6

ọ da rhe dẹ uvie kẹ avwanre ọ da vwẹ avwanre ru irherẹn kẹ Ọghẹnẹ Ọsẹ na, kọye a vwẹ urinrin kugbe isuesun kẹ bẹdẹ bẹdẹ. Isẹ.

Ẹvwọphia 20:4

Etiyin me da mrẹ ekete buebu, ayen de tidia ekete na, kẹ etiyin ayen otu ra vwẹ ẹdjọeguo kẹ na de guẹ. Me da mrẹ irhi rẹ ihwo buebu re bru ohọre fiki rẹ iseri rayen kpahe Jesu kugbe ota rẹ Ọghẹnẹ, kugbe ihwo ri jẹ eranvwe na kugbe oma rọye ẹga, re ka oka rọye phihọ arhare-e eyẹ obọ raye-en. Ayen da va rhe, ayen vi Kristi da re ikpe uriori.

Ẹvwọphia 3:21

Ohwo ro phi kparobọ, ke me kẹ ogangan ro vwo tidia ekete mẹ, kirobo ri mi phi kparobọ na re me vẹ Ọsẹ me de tidia ekete rọye na.

Ẹvwọphia 5:10

ọ da vwẹ ayen ru uvie kugbe irherẹn kẹ Ọghẹnẹ rẹ avwanre, kẹ ayen cha re vwẹ akpọ na.