Daniẹl 7:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Vwọ kpahe ighoro ihwe re hẹ uyovwi rọye, vẹ ighoro efa ri yoro phia, re sua eshe kẹ ighoro erha vwẹ obaro rọye, ighoro vwẹ ibiẹro kugbe unu rọ vwọ ta ikpeta ride, re je rho nọ otu rọye.

Daniẹl 7:20 ပူးပေါင်းရင်းမြစ်များ

Daniẹl 7:11

Mi de ni ayen fiki rẹ edo rẹ eta ride re mra nẹ ighoro na cha. Ri mi vwo ni re, e de hwe eranvwe na, a da guọghọ oma rọye nu, e de muo phihọ erhanre nẹ ọ ton.

Daniẹl 7:19

Etiyin me da guọnọ uyota riẹn kpahe eranvwe rẹne na, rọ fẹnẹ iri chekọ na ejobi, omuoshọ gangan, ọ vẹ ako rẹ utehru vẹ ififabọ rẹ ẹrovwo, ọ ria nẹ ọ me rha guọghọ ibribro, o mi rhe chiyi i ri chekọ muotọ.

Daniẹl 7:21

Ri mi vwo no re, ighoro na vẹ ihwo efuanfon ki phiẹ ofovwi, ọ da gan nọ ayen,

Daniẹl 7:23

Enẹ kọye ọ tare: Vwọ kẹ eranvwe rẹne, uvie rẹne kọ cha dia akpọ na, kọ fẹnẹ uvie ri chekọ ejobi, ko che mu akpọ na ejobi rọ o mi chiyo muotọ, o mi vwirho ibribro.

Daniẹl 7:7

Ọnana vwọ wan nu me da mrẹ vwẹ evun rẹ emramrẹ vwẹ ason na, nighe, eranvwe rẹ ẹne, omuoshọ ọdjoma ọ jẹ vọn vẹ ogangan, o ji vwo ako rẹ utehru ride; ọ ria o vwirhẹ ibribro ọ da vwẹ awọ chivwi eravwe ri chekọ muotọ. Ọ da fẹnẹ eranvwe ejobi re ka obaro kẹ; ighoro ihwe yi rhere.

Daniẹl 7:8

Mi de roro kpahẹ ighoro na, nighe, ọvo vwẹ usun rayen da tan rhe, otutuno, tavwe a ke kparẹ ighoro erha rẹ esosuọ na nẹ otọ, nighere, ighoro nana vwẹ ibiẹro re họhọ ibiẹro rẹ ohwo, kugbe unu ro ta ikpita ride.

Ẹvwọphia 12:3

Oka ọfa da rha phia vwẹ odjuvwu; nighe, Okpodje ọvwara wei, ọ vẹ iyovwi ighwrẹ kugbe ighoro ihwe, kugbe ibiekpẹn ri lo wrowro ighwrẹ re hẹ uyovwi rọye.