Daniẹl 7:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Daniẹl da ta, Me da mrẹ emramrẹ vwẹ evun rẹ ason na, nighe, odju ẹne rẹ odjuvwu na ki djuẹ abadi rode na.

Daniẹl 7:2 ပူးပေါင်းရင်းမြစ်များ

Aizaya 17:12

E, agbranran rẹ otu buebu na, ayen van kerẹ ohọre rẹ obo abadi! E, ekuvwie rẹ irere na, ayen kuvwie kerẹ edo rẹ Abadi!

Jerimaya 49:36

ke me cha reyọ odju ẹne nẹ igogo ẹne rẹ odjuvwu na rhe rhurhu Elam, me me hra ayen kẹ odju na, o rhe vwo ẹgborho ọvuọvo re ihwo ra djẹ nẹ Elam na che jẹ ra-a.

Jerimaya 51:42

Abadi bru Babilọn rhire, ọgbogho rọye rhurhu edo rọye muotọ.

Daniẹl 11:4

O de rhi vrẹnre, uvie rọye kọ cha guọghọ ka gharọ phihọ igogo ẹne rẹ irharheghe na, ẹkẹvuọvo ọ dia emọ rọye a cha gharọ kẹ-ẹ, yẹrẹ kirobo rẹ ogangan rẹ isuesun rọye epha-a, kidie a cha sanvwẹ uvie rọye reyọ ko che vwọ kẹ ihwo efa.

Daniẹl 2:19

Etiyin a da vwẹ otọ rẹ igbunu na phia kẹ Daniẹl vwẹ evun rẹ emramrẹ vwẹ ason. Etiyin Daniẹl de bruba kẹ Ọghẹnẹ rẹ odjuvwu.

Daniẹl 7:13

Me da mrẹ vwẹ evun rẹ emramrẹ vwẹ ason na, nighe vwẹ egho rẹ irharheghe na, ọvo da rhe kerẹ ọmọ rẹ ohwo, o de bru ohwo rọ herọ nẹ Awanre Rhe na a da vwọ phia vwẹ obaro rọye.

Daniẹl 7:7

Ọnana vwọ wan nu me da mrẹ vwẹ evun rẹ emramrẹ vwẹ ason na, nighe, eranvwe rẹ ẹne, omuoshọ ọdjoma ọ jẹ vọn vẹ ogangan, o ji vwo ako rẹ utehru ride; ọ ria o vwirhẹ ibribro ọ da vwẹ awọ chivwi eravwe ri chekọ muotọ. Ọ da fẹnẹ eranvwe ejobi re ka obaro kẹ; ighoro ihwe yi rhere.

Daniẹl 8:2

Me da mrẹ vwẹ evun rẹ emramrẹ na; mi vwo ni, kẹ otorho ri Susa mie pha, vwẹ ubrotọ rẹ Elam; me da mrẹ vwẹ evun rẹ emramrẹ na, nẹ oma rẹ urhie rẹ Ulai mie pha.

Daniẹl 8:8

Etiyin ẹkpro na da rhe kpare oma rọye kpenu gangan, ẹkẹvuọvo ọke rọ rhe vwọ ganre, ighoro rọye rọde na de rhi vwirhi, asan rẹ ighoro na vwirhi nu na ighoro ẹne efa da tan no rhe ri nẹ igogo rẹ odju ẹne rẹ irharheghe rẹ akpọ na.

Zekaraya 6:5

Amakashe na da kpahe kẹ vwẹ, Enana yanran kpo igogo ẹne rẹ akpọ na, siẹrẹ ayen da vwẹ oma rayen nẹ vwẹ obaro rẹ Ọrovwohwo rẹ akpọ na ejobi nu.

Matiu 24:31

Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.

Ẹvwọphia 17:15

Ọ da ta kẹ vwẹ, Ame na re wọ mrẹre na, vwẹ asan rẹ igberadja na tidia na, ayen hẹ ihwo kugbe urogho kugbe ẹgborho kugbe ephẹrẹ.

Ẹvwọphia 7:1

Rẹ ọna vwọ wan nu me da mrẹ emakashe ẹne ri mudia phihọ igogo ẹne rẹ akpọ na, re yọnrọn ọgan rẹ odju ẹne rẹ akpọ na, rere odju vwo je djuo vwe enu rẹ akpọ na eyẹ abadi eyẹ urhe kurhe.