Daniẹl 7:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Vwọ kẹ vwẹ ri Daniẹl, erhi rọ hẹ evun mẹ kọ ro ẹnwan emramrẹ re me mrẹre na ọ da nẹrhẹ oshọ mu vwẹ.

Daniẹl 7:15 ပူးပေါင်းရင်းမြစ်များ

Jẹnẹsis 41:8

Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

Jerimaya 17:16

Me gba wẹ nẹ wọ vwẹ umiovwo rhe-e, eyẹ me je guọnọ ẹdẹ rẹ ẹghwọrọ-ọ, wẹ re riẹnre obo ri nẹ ẹbẹre-unu mẹ rhe e hẹ obaro wẹn.

Daniẹl 10:16

Nighe, ohwo ọvo rọ họhọ emọ rẹ ihwo da vwẹ obọ te ẹbẹrumu mẹ, etiyin unu mẹ de rhie, mẹ da vwọ ta ọta. Me da ta ota kẹ ohwo ro mudia vwẹ obaro mẹ, E Ọrovwohwo, fiki rẹ emramrẹ na oma kọ miavwẹ ovwẹ, ogangan gbi rhe vwe-e.

Daniẹl 2:1

Vwẹ ukpe rivẹ rẹ eriọ ri Nebukadreza ovie, Ọ da vwerhẹ evwerhẹ, etiyin udu de bro, o de gbune rhọvwọ.

Daniẹl 2:3

Etiyin ovie da ta kẹ ayen, Me vwerhẹ evwerhẹ udu ko bru vwẹ me vwọ riẹn otọ rẹ evwerhẹ na.

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 4:5

Me da vwerhẹ evwerhẹ ro mu vwẹ oshọ, ri mi vwo shevwerhẹ ehwa mẹ, eroro vẹ emramrẹ re kọn ro vwẹ uyovwi da nẹrhẹ oshọ mu vwẹ.

Daniẹl 7:1

Vwẹ ukpe rẹ ẹsosuo ri Bẹlshaza ovie rẹ Babilọn, Daniẹl da vwerhẹ evwerhẹ ọ da mrẹ emramrẹ ọke ro vwo shevwerhẹ enu rẹ ehwa rọye. Etiyin ọ de si evwerhẹ na phihọ otọ, ọ da rha ta obo re hẹ evun rọye.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 8:2

Me da mrẹ vwẹ evun rẹ emramrẹ na; mi vwo ni, kẹ otorho ri Susa mie pha, vwẹ ubrotọ rẹ Elam; me da mrẹ vwẹ evun rẹ emramrẹ na, nẹ oma rẹ urhie rẹ Ulai mie pha.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Habakọk 3:16

Mi vwo nyo, oma me kọ phariẹ, ẹbẹrunu mẹ ko muẹ phariẹ; ibeku mẹ ki di muẹ gbo, awọ mẹ ki di muẹ phariẹ. Mi mudia gbiẹi herhẹ ẹdẹ rẹ ukpokpogho che vwo she vwa ihwo re kparẹ ofovwi bru avwanre rhe.

2 Pita 1:14

Re me vwọ riẹn nẹ ọke ri mi che vwo ku ughoma nana phihọ otọ si kẹre re, kirobọ rẹ Ọrovwavwanre Jesu Kristi vwerọ nẹ vwẹ.