Daniẹl 7:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọkẹre rẹ erhanre da djẹ rhe o de nẹ obaro rọye rhe; uriori vwarẹ uriori re ga, uriori ihwe kugbe uriori ihwe mudia vwẹ obaro rọye; ẹguare da gba re vwọ guẹdjọ e de rhie ẹbe na phihọ.

Daniẹl 7:10 ပူးပေါင်းရင်းမြစ်များ

1 Ivie 22:19

Maikaya da ta, Vwẹ ọtiọye na gbe nyo ota rẹ Ọrovwohwo: Me mrẹ Ọrovwohwo ro tidia vwẹ enu rẹ ekete rọye, otu rẹ odjuvwu ejobi de mudia kẹrẹ vwẹ obọrhe vẹ obọhwẹre rọye;

2 Ikun rẹ Ivie 18:18

Makaiya da ta, Fiki rẹ ọtiọye na gbe nyo ota rẹ Ọrovwohwo na; me mrẹ Ọrovwohwo na ro tidia vwẹ enu rẹ ekete rọye, otu rẹ obo odjuvwu na ejobi de mudia vwẹ obọrhe rọye vẹ obọhwẹre rọye;

ỌBE RẸ JOB 25:3

E se kerẹ unuofovwi rọye? Ono urhukpẹ rọye je lo muo?

Une rẹ Ejiro 103:21

Bruphihọ kẹ Ọrovwohwo, otuofovwi rọye ejobi, otu ri gbe odibo kẹ ri ru ẹguọnọ rọye!

Une rẹ Ejiro 18:8

Ivwirhi de bru nẹ umwe rọye rhe, erhanre rọ torhẹ de nẹ unu rọye rhe. imwerhanre weiwei de nẹ oma rọye rhe.

Une rẹ Ejiro 50:3

Ọghẹnẹ rẹ avwanre cha rhe, ọ cha fọ-ọ, erhanre cha la nene cha, aphopho rode che dju riariẹ phihọ.

Une rẹ Ejiro 68:17

Vẹ ekpẹrẹ rẹ ofovwi ride, uriori ihwe akuava, uriori kpahe uriori, Ọrovwohwo na de nẹ Sinae rhe rhe ro edia ọfuanfon na.

Aizaya 30:27

Nighe, odẹ rẹ Ọrovwohwo che ne ogboko rhe, ọtorhẹ vẹ ophu rọye, vwe evun rẹ ọkpan rẹ ivwirhi, ẹbẹrunu rọye vọnre vẹ ophu, ẹrenvwe kerẹ ẹkuerhanre rọ torhẹ;

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Daniẹl 12:1

Ọke yena Maikẹl ko che vrẹn rhe, osun rode na re vwo mu vwẹ enu rẹ ihwo wẹn. Ọke rẹ ukpokpogho ko che te, oghẹre ra je mrẹ dẹvo-o nẹ ọke rẹ ẹgborho na vwọ mama rhiri rhi te ọke na, ẹkẹvuọvo vwẹ ọke yena ihwo wẹn ke che sivwi ayen, kohwo kohwo ra mrẹ odẹ rọye vwẹ ọbe na.

Daniẹl 7:22

rhiri bẹsiẹ rẹ Ọ rọ herọ bẹdẹ bẹdẹ ke rhe, o de bru orhiẹn kẹ ihwo efuanfon rẹ Ọ ro Me Kpenu ejobi, ọke de rhi te rẹ ihwo efuanfon na rhe reyọ uvie na.

Daniẹl 7:26

Ẹkẹvuọvo ẹguare na ko tidia guẹdjọ, ka cha reyọ isuesun rọye mie, ka ghwọrọ a me guọghọ kufia re te oba.

Zekaraya 14:5

Iyara rẹ igbenu Mẹ ki gbe, kidie iyara rẹ igbenu ki te akakọ rọye, wa cha djẹ kirobo rẹ ovwan djẹre vwẹ ọke re otọ vwo kpogho vwẹ ọke rẹ Uzzaya vwọ he ovie ri Juda. Etiyin Ọrovwohwo Ọghẹnẹ kọ cha rhe, otu efuanfon na ejobi ki tue nene rhe.

Matiu 25:31

Ẹkẹvuọvo ọke rẹ Ọmọ rẹ ohwo da cha rhe vwẹ urinrin, vẹ emakashe rọye, kọ che tidia vwẹ ekete rẹ urinrin rọye.

Urhi Rivẹ 33:2

Ọ da ta, Ọrovwohwo nẹ Sinae rhe, ọ da bẹre mu avwanre vwi Sia; o lo nẹ ugbenu ri Peran rhe, o nẹ obọ rẹ ihwo efuanfon uriori ihwe rhe, vẹ erhanre rọ la vwẹ obọrhe rọye.

Hibru 1:14

Ayen ejobi dia irhi ri gbe odibo re ji rhe rhe gẹ ga, fiki rẹ ayen otu ri che vwo esivwo na?

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

Ọbe ri Jud 1:14

Ihwo nana kọye Inọk ohwo righwrẹ nẹ uvwiẹ rẹ Adam rhe mraro kpahe, tanẹ Nighe, Ọrovwohwo cha rhe vẹ usun rẹ ihwo efuanfon rọye uri vware uri,

Ẹvwọphia 11:18

Ẹgborho na re do, ẹkẹvuọvo ophu wẹn da tua, ọke re vwo guẹdjọ rẹ irivwi te re, ra vwọ hwa osa kẹ idibo wẹn, emraro na kugbe ihwo efuanfon na, kugbe ayen otu re djẹ oshọ rẹ odẹ wẹn, te itete te iride, ra vwọ ghwọrọ oghwọrọ rẹ akpọ na.

Ẹvwọphia 5:11

Mi vwo ni, mi de nyo urhuru rẹ emakashe buebu re riariẹ ekete na phihọ kugbe eranvwe na kugbe ekpako na, unu rayen oduduru vware oduduru kugbe uriori vware uriori,