Daniẹl 7:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ukpe rẹ ẹsosuo ri Bẹlshaza ovie rẹ Babilọn, Daniẹl da vwerhẹ evwerhẹ ọ da mrẹ emramrẹ ọke ro vwo shevwerhẹ enu rẹ ehwa rọye. Etiyin ọ de si evwerhẹ na phihọ otọ, ọ da rha ta obo re hẹ evun rọye.

Daniẹl 7:1 ပူးပေါင်းရင်းမြစ်များ

Jẹnẹsis 15:1

Rẹ imu nana vwọ wan nu ota rẹ Ọrovwohwo de bru Ebram rhe vwẹ evwerhẹ, Wọ djẹ oshọ-ọ, Ebram, mẹvwẹ ekpọfia wẹn, osa wẹn cha rho gangan.

Jẹnẹsis 46:2

Ọghẹnẹ da ta ota kẹ Izrẹl vwẹ evwerhẹ vwẹ ason, ọ da ta, Jekọp, Jekọp o de nyo nẹ, Mẹvwẹ na.

ỌBE RẸ JOB 4:13

Vwẹ uherevie rẹ iroro rẹ evwerhẹ rẹ ason, rẹ okpovwerhẹ vwo mu ihwo,

Aizaya 30:8

Asakiephana, yanran, re sio phihọ isemeti vwọ kẹ ayen, re wọ tuọn phihọ ọbe, rere ọ vwọ dia vwẹ ọke rọ cha kerẹ iseri bẹdẹ.

Aizaya 8:1

Etiyin Ọrovwohwo da ta kẹ vwẹ nẹ, Reyọ ophapha rode ri wo si phihọ re ihwo ejobi se vughe, Ophapha re Mahashalal-hashbaz.

Jerimaya 23:28

E jẹ ọmraro rọ vwerhẹ evwerhẹ ta evwerhẹ rọye, ẹkẹvuọvo e jẹ ọ ro vwo ota mẹ vwẹ esegbuyota ta. Didi emu odi ve ọka gbe vwo kugbe? eriyin Ọrovwohwo tare.

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

Jerimaya 36:32

Kẹsiẹye Jerimaya ke reyọ ọbe ọfa vwọ kẹ Barọk rẹ osiẹbe na, ọmọ ri Neraya, ọye si eta na ejobi phihọ ọbe ri Jerimaya se kẹ, eta rẹ ọbe rẹ ẹsosuọ ri Jehoiakim ovie ri Juda torhẹre vwẹ erhanre na, e ji phi eghẹre rẹ eta tiọyẹ na efa ba ayen.

Jerimaya 36:4

Jerimaya ki se Barọk ọmọ ri Neraya, Barọk de si eta rẹ Ọrovwohwo rọ ta kẹ Jerimaya na ejobi phihọ ekpirhi rẹ ọbe na vwẹ ọke ri Jerimaya vwo se ayen kẹ.

Izikiẹl 1:1

Vwẹ ukpe rẹ ọgban, vwẹ emeranvwe rẹne, vwẹ ẹdẹ riyori rẹ emeranvwe na, re me vwọ hẹ usun rẹ otu re muru na vwẹ oma rẹ urhie ri Keba, idjuvwu na de rhie phihọ, Me da mrẹ emramrẹ rẹ Ọghẹnẹ.

Izikiẹl 40:2

ọ da reyọ ovwẹ vwẹ emramrẹ rẹ Ọghẹnẹ vwọ rhe otọ rẹ Izrẹl, o de mu vwe te otọ vwẹ enu rẹ ugbenu ro kpenu gangan, rẹ emu ọvo epha kerẹ orere ro hirhe aro ku vwe.

Daniẹl 1:17

Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

Daniẹl 2:1

Vwẹ ukpe rivẹ rẹ eriọ ri Nebukadreza ovie, Ọ da vwerhẹ evwerhẹ, etiyin udu de bro, o de gbune rhọvwọ.

Daniẹl 2:26

Ovie na da ta kẹ Daniẹl, re se odẹ rọye Bẹlteshaza, Wọ sa ta evwerhẹ re me vwerhẹre na kẹ vwẹ, re wọ da je sa fan otọ rọye kẹ vwẹ?

Daniẹl 4:13

Nighe, mi vwo shevwerhẹ ehwa, me da mrẹ emramrẹ vwẹ evun rẹ evwerhẹ mẹ, ọrhẹrotọ ohwo ọfuanfọn, o de wotọ nẹ obo odjivwu rhe.

Daniẹl 4:5

Me da vwerhẹ evwerhẹ ro mu vwẹ oshọ, ri mi vwo shevwerhẹ ehwa mẹ, eroro vẹ emramrẹ re kọn ro vwẹ uyovwi da nẹrhẹ oshọ mu vwẹ.

Daniẹl 5:1

Ovie Bẹlshaza de chere emu buebu kẹ ehọnvwọre rọye uriori, ọ da je da udi vwẹ irharo rẹ uriori na.

Daniẹl 5:22

Wẹ rẹ ọmọ rọye, Bẹlshaza, wọ rha vwẹ udu wẹn kpotọ-ọ, dede ju wọ riẹn ọnana ejobi,

Daniẹl 5:30

Ason yena ọvuọvo na e de hwe Bẹlshaza ovie ri Kaldia.

Daniẹl 7:13

Me da mrẹ vwẹ evun rẹ emramrẹ vwẹ ason na, nighe vwẹ egho rẹ irharheghe na, ọvo da rhe kerẹ ọmọ rẹ ohwo, o de bru ohwo rọ herọ nẹ Awanre Rhe na a da vwọ phia vwẹ obaro rọye.

Daniẹl 7:15

Vwọ kẹ vwẹ ri Daniẹl, erhi rọ hẹ evun mẹ kọ ro ẹnwan emramrẹ re me mrẹre na ọ da nẹrhẹ oshọ mu vwẹ.

Daniẹl 7:7

Ọnana vwọ wan nu me da mrẹ vwẹ evun rẹ emramrẹ vwẹ ason na, nighe, eranvwe rẹ ẹne, omuoshọ ọdjoma ọ jẹ vọn vẹ ogangan, o ji vwo ako rẹ utehru ride; ọ ria o vwirhẹ ibribro ọ da vwẹ awọ chivwi eravwe ri chekọ muotọ. Ọ da fẹnẹ eranvwe ejobi re ka obaro kẹ; ighoro ihwe yi rhere.

Daniẹl 8:1

Vwẹ ukpe rerha rẹ ẹriọ rẹ Bẹlshaza, mẹvwẹ ri Daniẹl da mrẹ emramrẹ vwẹ ọke re me vwọ mrẹ ọ rẹsosuọ na nu.

Joẹl 2:28

Rẹ ọke de rhi te vwẹ ukuko rọye re, ki mi che ku erhi mẹ ku ihwo ejobi, te emeshare wẹn te emetẹ wẹn kẹ cha mraro, ememare wẹn ke cha vwerhe evwerhẹ, imighene wẹn ke cha mrẹ emramrẹ.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Habakọk 2:2

Ọrovwohwo da kpahe kẹ vwẹ: Si emramrẹ na, sio phephẹ vwẹ enu rẹ ọbe, rere ohwo rọ djẹ wan se se.

Ukeri 12:6

Etiyin ọ da ta, We nyo eta mẹ: ọ da dianẹ ọmraro uherevie rẹ ovwan, mẹvwẹ rẹ Ọrovwohwo ọye vwẹ oma phia kẹ vwẹ emramrẹ, mi nenire ta ota vwẹ evun rẹ evwerhẹ.

Ọbe ri Pọl si rhe Ihwo ri Rom 15:4

Kidie kemu kemu re si phihọ otọ rhabae rhe, e si ayen phihọ otọ kẹ eyono rẹ avwanre, rere vwẹ erhiori kugbe uchebro ro nẹ ẹbe ọfuanfon na rhe avwanre se vwo iphiẹrohọ.

2 Kọrẹnt 12:1

Me sa yan eyan; yo vwo erere ọvuọvo ra mrẹ vwọ-ọ, ẹkẹvuọvo mi kpo abọ rẹ emramrẹ kugbe ẹvwọphia rẹ Ọrovwohwo na.

Ẹvwọphia 1:19

Asakiephana gbe si obo re wọ mrẹre, obo re herọ vwẹ asakiephana kugbe obo ri che ru vwobọ.

Ẹvwọphia 10:4

Ọke re agbrara ighwrẹ na vwọ van, ki mi muegbe ri mi vwo si, ẹkẹvuọvo mi de nyo urhuru ọvo ro nẹ odjuvwu rhe tanẹ, Ka oka phihọ obo rẹ agbrara ighwrẹ na tare, wo sio phihọ otọ.