Daniẹl 6:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Asakiephana, E ovie, gbe ji urhi na re wo rhe phi odẹ wẹn phihọ ẹbe na, rere e vwo jẹ ẹrhẹriẹ, kirobo rẹ urhi rẹ ihwo ri Mid vẹ Pẹsha re sa rhẹriẹ-ẹ epha.

Daniẹl 6:8 ပူးပေါင်းရင်းမြစ်များ

Ẹsta 1:19

O de je ovie, e gbẹ jo ji urhi, re e rhe sio phihọ irhi rẹ ihwo ri Pẹsha vẹ Media re je kurhẹriẹ, nẹ Vashti gbẹ rhi mudia obaro rẹ ovie Ahasuerus ọfa-a, rere ovie vwẹ edia rọye kẹ aye ọfa ro yovwi nọ.

Ẹsta 3:12

Etiyin e de se isiẹbe rẹ ovie koko vwẹ ẹdẹ ihwerha rẹ emeranvwe rẹsosuọ na, etiyin e de si urhi na kirobo ri Haman tare, e de sio vwo rhe ekakuro rẹ ovie vẹ isun rẹ ubrakpọ na ejobi kugbe emọ rẹ ivie rẹ ihwo na ejobi, kuẹ ubrakpọ ọvuọvo kuẹ isiesi rọye, kuẹ ihwo kuẹ ẹphẹrẹ rayen, e de sio vwẹ odẹ rẹ Ovie Ahasuerus ọ da rha vwẹ isa rẹ ovie tamuo.

Ẹsta 8:10

Isiesi na kẹ odẹ rẹ ovie Ahasuerus e vwo sio a da rha vwẹ isa rẹ ovie tamuo, a da rha vwẹ ẹbe na kẹ ihwo re gua iyesi rẹ ovie, ra ghẹre vwẹ egodo rẹ ovie re vwẹ ayen djẹ yanran.

Ẹsta 8:3

Etiyin Ẹsta da rhoma ta kẹ ovie na; o de she diguẹ vwẹ asan awọ rọye ọ da re vẹ amioviẹ ro ku iroro imiomiovwi ri Heman rẹ ohwo rẹ Agag vẹ ufi rọ kpahe hẹrhẹ ihwo ri Ju na rhẹriẹ.

Ẹsta 8:8

Gbe si obo ri je we ejobi vwọ kpahe ihwo ri Ju na, vwẹ odẹ rẹ ovie na, wọ vwẹ isa rẹ ovie na tamuo; fikiridie urhi ra vwẹ isa rẹ ovie tamu nu a gbe sa pha-a.

Une rẹ Ejiro 94:21

Ayen se oma koko vwọ so erhi rẹ ọvwata, ayen mi brorhiẹn rẹ ughwu hwe ọ rọ fuevun.

Aizaya 10:1

Ekan kẹ ihwo ri ji urhi re orukuruku, kugbe ihwo ri siẹ isiesi rẹ oshenyẹ,

Daniẹl 5:28

PẸRẸS, A ghare uvie wẹn a da vwọ kẹ ihwo ri Mid vi Pẹsha.

Daniẹl 6:12

Etiyin ayen de bi kẹrẹ ayen da rhe ta kẹ ovie na, vwẹ oma rẹ urhi ro ji ri na, E Ovie! Wo phi odẹ wẹn phihọ urhi na, tanẹ, kohwo kohwo rọ nẹ ẹrhovwo kẹ ọghẹnẹ kọghẹnẹ vwẹ ẹdẹ ọgban jọkpa ne kẹ wẹ ọvo, E Ovie nẹ e mu ohwo yena teyọ unu rẹ ikpohrokpo? Ovie da kpahe, Urhi na mudia kokoroko, kirobo re urhi rẹ ihwo ri Mid vẹ Pẹsha, ra sa pha-a.

Daniẹl 6:15

Etiyin eshare na de bru ovie na rhe kirobo rayen ta phihọ jovwo, Wọ me riẹn, E Ovie, nẹw ọnana urhi rẹ ihwo rẹ Mid vẹ Pẹsha, urhi rẹ ovie phi obọ phihọ nu a sa rhẹriẹ-ẹ.

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.