Daniẹl 6:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin itidiaga na vẹ isun na da guọnọ idjerhe rẹ ayen vwọ gbeje Daniẹl vwẹ ẹkuoma rẹ uvie na; ẹkẹvuọvo ayen mrẹ idjerhe ọvuọvo rẹ ayen vwo gbeje-e, yẹrẹ emu re ekan ọvuọvo-o, fikiridie ohwo rẹ uyota o ruẹ, a mrẹ oruchọ yẹrẹ emu rẹ ekan ọvuọvo vwẹ oma rọye-e.

Daniẹl 6:4 ပူးပေါင်းရင်းမြစ်များ

Jẹnẹsis 41:38

Fero da ta kẹ idibo rọye nẹ, Ke avwanre sa mrẹ ohwo ọtiọnana, re erhi rẹ Ọghẹnẹ rheri?

Jẹnẹsis 43:18

Oshọ de mu ihwo na fiki robo ra vwọ reyọ ayen rhe obo uwevwi ri Josẹf, ayen da ta, Fiki rẹ igho na, ra rhoma kru phihọ ibo kẹ avwanre dẹvo na, ọye a vwọ reyọ avwanre rhe uwevwi na, rere ayen guọnọ obo rẹ ayen ru mu avwanre, re ayen vwẹ avwanre ru eviẹn re ayen mrasa gborho ekẹtẹkẹtẹ rẹ avwanre.

Isẹ 29:27

Ohwo ọbrabra hẹ ẹgua kẹ ọvwata, ẹkẹvuọvo ohwo rẹ idjerhe rọye phiọnre je hẹ ẹgua kẹ ohwo umwemwu.

Aghwoghwo 4:4

Etiyin me da mrẹ nẹ owian vẹ ona vwẹ iruo, omẹriọ ra ria kpahe ọrivẹ rẹ ohwo o nẹcha. Ọnana rhe je hẹ odiodi kugbe odju re nene họnra.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Jerimaya 18:23

Ẹkẹvuọvo E Ọrovwohwo, wọwẹ re riẹn iroro rẹ ayen vwọ guọnọ ovwẹ hwe. Wọ vwẹ orukuruku rayen vwo ghovwo aye-en, wo ji phoro umwemwu rayen nẹ obaro wẹ-ẹ. Jẹn ayen she ghwiotọ vwẹ obaro wẹn, ru ayen gangan vwẹ ọke rẹ ophu wẹn na.

Jerimaya 20:10

Kidie mi nyo ophiọrọ buebu. Imuọshọ ọ hẹ asan ejobi! phọphọ! Jẹn avwanre phọphọ! emamọ rẹ igbeyan mẹ ejobi tarọ rẹ ayen vwọ rhẹrẹ eshe mẹ. Ọkeọvo ya cha phiẹ, avwanre ki che phiọ kparobọ rẹ avwanre de ruo keri.

Jerimaya 29:7

Ẹkẹvuọvo wa guọnọ erhuvwu rẹ orere ri mi ji ovwan de kpo ighuvwu na, ovwan mia rẹ Ọrovwohwo kẹ, kidie erhuvwu rọye ovwan de vwo erhuvwu.

Daniẹl 3:8

Etiyin ihwo ri Kaldia evo da rhe obaro rhe vwẹ ihwighwu gborho ihwo ri Ju na.

Daniẹl 5:12

Fikiridie erhi esiri, erianriẹn, vẹ ọhọ ra vwọ fan otọ rẹ evwerhẹ, kugbe ido, kugbe ohwo rọ sa fan otọ rẹ emu ọbẹnbẹn obọ ri Daniẹl a da mrẹ, ohwo rẹ ovie se nẹ Bẹlteshaza. Asakiehana, je re se Daniẹl rhe, kọ cha fan otọ rọye.

Daniẹl 6:22

Ọghẹnẹ mẹ ji amakashe rọye rhi rhurhu inu rẹ ikpohrokpọ na, ayen gbe sa wanvwoma-a, fikiridie me re abe vwẹ obaro rọye-e, ọtiọye rhe ji te obaro wẹ, E ovie, mi ru obo re chọre-e.

Matiu 26:4

Aye da jẹ iroro kugbe obo rẹ ayen sa vwẹ aghwanre mu Jesu rere ayen hwe.

Matiu 27:18

Kidie ọ riẹnre nẹ omaẹriọ ayen vwo muo rhe.

Iyẹnrẹ Esiri ri Luk 20:20

Ọtiọye na kẹ ayen rhẹrẹ, ayen de ji ọrhẹ, re vwẹ oma nẹ nẹ ayen ihwo rẹ uyota, rere ayen mrasan vwẹ obọ rọ tare yọnrọn, rere ayen vwo muo rhe otu ri vwo ogangan rẹ orhiebro vwẹ otọ rẹ osun na.

Iyẹnrẹ Esiri ri Luk 20:26

Ayen gbe sa vwẹ obọ rọ tare vwẹ irharo rẹ ihwo na vwo muo-o; ẹkẹvuọvo rẹ ẹkpahọ rọye vwo gbe ayen unu ayen de rhurhu unu.

Iyẹnrẹ Esiri ri Luk 22:2

Ilori rẹ irherẹn kugbe isiẹbe na ke guọnọ obo rẹ ayen ru hwe ghwu; kidie oshọ rẹ ihwo na mu ayen.

Iyẹnrẹ Esiri ri Jọn 19:4

Pailet da rhoma ro otafe, ọ da ta kẹ ayen, Nighe, me reyọ vwo rhe ovwan, rere ovwan vwọ riẹn nẹ me mrẹ oruchọ ọvuọvo vwẹ oma rọye-e.

2 Kọrẹnt 11:12

Obo ri mi ruẹ na ọye mi ji ru, rere ayen otu re vwẹ iruo rẹ ayen ruru vwọ yan eyan na vwọ mre vughe nẹ obo rẹ ayen ruẹ vẹ ọ rẹ avwanre dia abọvo-o.

Filipae 2:15

rere we vwo jẹ abe ẹriọ rere we vwo jẹ ẹgua evwo, emọ rẹ Ọghẹnẹ ri vwo eka-an vwẹ uherevie rẹ uvwiẹ ogugunu chọchọ na, ohri rẹ ayen ovwan da la kerẹ urhukpẹ vwẹ akpọ na,

1 Timoti 5:14

Ọtiọye na me guọnọre nẹ eyanku rẹ uphophẹ na rhoma kpo orọvwe, re ayen vwie ẹmọ, re ayen sẹro rẹ uwevwi rayen, rere e vwo je se unwe phihọ ayen.

Taitọs 2:8

Nabọ jẹ ephẹrẹ wẹn gba yoyovwi, rere ihwo vwo jẹ uyono wẹn ẹharhọ; rere ihwo re rhẹrẹ ota wẹn jovwo oma vwọ vo ayen, rere ayen jẹ ota ọbrabra ẹta kpahe avwanre.

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

1 Pita 3:16

jẹ evun wẹn fon, rere, ọke ra da harhe owẹ, ayen otu re harhe uruemu esiri ru wo ru kẹ Kristi oma vwọ vo ayen.

Iguẹdjọ 14:4

Ọsẹ vẹ oni rọye gbe riẹn nẹ obọ rẹ Ọrovwohwo ọye emu na nurhe-e; fikiridie ọ guọnọ idjerhe ro vwo nene Filistia na họnre Kidie ihwo ri Filistia vwẹ ogangan sun Izrẹl vwẹ ọke yena.

1 Samuẹl 12:4

Ayen da ra, Wọ je ghwa avwanre re-e eyẹ shenyẹ avwanre-e eyẹ wọ reyọ emu mie ohwo ọvuọvo-o.

1 Samuẹl 18:14

Devid de phi kparobọ vwẹ ofovwi rọ rare ejobi; kidie Ọrovwohwo vẹ ọye herọ.

1 Samuẹl 22:14

Ahimẹlẹk da kpahe kẹ ovie na, Kono vwẹ usun rẹ idibo wẹn na re dia ọvwata kerẹ Devid, rẹ ọgọ rẹ ovie, kugbe onotu rẹ ihwo re rhẹrẹ owẹ, ra vwẹ ọghọ kẹ vwe uwevwi wẹn?