Daniẹl 6:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Ọ sẹro o ji sivwẹ, O ruẹ eka vẹ igbunu vwẹ odjuvwu vẹ akpọ na, Ohwo ro sivwi Daniẹl nẹ ogangan rẹ ikpohrokpo na.

Daniẹl 6:27 ပူးပေါင်းရင်းမြစ်များ

ỌBE RẸ JOB 36:15

O sivwẹ ihwo re hẹ ukpokpogho nẹ ojaẹriọ rayen, ọ da vwẹ ọbẹvwẹ rhiẹ erhọn rayen.

Une rẹ Ejiro 145:13

Uvie wẹn ọye uvie ri rhiri bẹdẹ, kugbe isuesun wẹn kọ tọn nẹ uvwiẹ re te uvwiẹ ejobi. Ọrovwohwo ohwo rẹ uyota vwẹ eta rọye ejobi, kugbe ehrọre vwẹ uruemu rọye ejobi.

Une rẹ Ejiro 18:48

ro sivwi uvwe nẹ obọ rẹ ivwighrẹ mẹ; e, ọye kpare ovwẹ kpenu nọ ukọn mẹ, wẹ ri sivwi uvwe ne obọ re ihwo ri gbe ozighi.

Une rẹ Ejiro 18:50

Ọ nẹrhẹ ovie rọye nẹ udjẹ rode, o de dje ẹguọnọ rọye ro je rhẹriẹ kẹ ọ rọ vwẹ evwri ghworo, kẹ Devid kugbe uvwiẹ rọye bẹdẹ

Une rẹ Ejiro 32:7

Wẹ asan odjahọ mẹ, Wẹ ri sivwi vwe nẹ ukpokpogho, wẹ re reyọ esivwo vwo rhuo vwe yariẹ.

Une rẹ Ejiro 35:17

Mavọ okrite, E Ọrovwohwo, ru wọ fọ ghiẹi te? Sivwi vwe nẹ ẹrhaphiẹ rayen, arhọ mẹ nẹ obọ rẹ ikpohrokpo!

Une rẹ Ejiro 97:10

Ọrovwohwo guọnọ ihwo ri tuoma re umwemwu; ọ serọ rẹ arhọ re ihwo efuanfon rọye; o sivwi ayen nẹ obọ re ihwo umwemwu.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Daniẹl 4:31

Ọke rẹ ota na je vwo unu rẹ ovie na, urhuru ọvo de nẹ odjuvwu rhe, E Ovie, Nebukadneza we ọye a ta ota na kẹ; Uvie na vrẹn nẹ obọ wẹn nure.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?

Daniẹl 6:20

Ọke ro rhi vwo sikẹre ẹmwa na ri Daniẹl epha, ọ da vwẹ urhuru rẹ uvwerhe kperi se Daniẹl E Daniẹl, ọdibo rẹ Ọghẹnẹ ro je ghwo na, kẹ Ọghẹnẹ wẹn ru wọ ga kọke kọke na se sivwi uwe nẹ abo rẹ Ikpohrokpo na?

Iyẹnrẹ Esiri ri Jọn 4:48

Jesu da ta kẹ, Jokpa nẹ wọ mrẹ oka kugbe igbunu-u wo che segbuyota-a.

Iruo rẹ Iyinkọn na 4:30

rere wọ riẹn obọ wẹn vwo sivwi, rere eka vẹ igbunu vwọ wan odẹ rẹ odibo ọfuanfon wẹn Jesu phia.

Hibru 2:4

Yẹ Ọghẹnẹ ji se oseri vwẹ eka vẹ igbunu kugbe emuigbunu sansan kugbe okẹ rẹ Erhi Ọfuanfon na ghare kẹ ihwo kirobo rẹ ọhọre robọ rọye epha.

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?