Daniẹl 6:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Etiyin ayen de bi kẹrẹ ayen da rhe ta kẹ ovie na, vwẹ oma rẹ urhi ro ji ri na, E Ovie! Wo phi odẹ wẹn phihọ urhi na, tanẹ, kohwo kohwo rọ nẹ ẹrhovwo kẹ ọghẹnẹ kọghẹnẹ vwẹ ẹdẹ ọgban jọkpa ne kẹ wẹ ọvo, E Ovie nẹ e mu ohwo yena teyọ unu rẹ ikpohrokpo? Ovie da kpahe, Urhi na mudia kokoroko, kirobo re urhi rẹ ihwo ri Mid vẹ Pẹsha, ra sa pha-a.

Daniẹl 6:12 ပူးပေါင်းရင်းမြစ်များ

Ẹsta 1:19

O de je ovie, e gbẹ jo ji urhi, re e rhe sio phihọ irhi rẹ ihwo ri Pẹsha vẹ Media re je kurhẹriẹ, nẹ Vashti gbẹ rhi mudia obaro rẹ ovie Ahasuerus ọfa-a, rere ovie vwẹ edia rọye kẹ aye ọfa ro yovwi nọ.

Daniẹl 6:15

Etiyin eshare na de bru ovie na rhe kirobo rayen ta phihọ jovwo, Wọ me riẹn, E Ovie, nẹw ọnana urhi rẹ ihwo rẹ Mid vẹ Pẹsha, urhi rẹ ovie phi obọ phihọ nu a sa rhẹriẹ-ẹ.

Daniẹl 6:8

Asakiephana, E ovie, gbe ji urhi na re wo rhe phi odẹ wẹn phihọ ẹbe na, rere e vwo jẹ ẹrhẹriẹ, kirobo rẹ urhi rẹ ihwo ri Mid vẹ Pẹsha re sa rhẹriẹ-ẹ epha.

Iruo rẹ Iyinkọn na 16:19

Ẹkẹvuọvo ọke rẹ inini rọye vwọ mrẹ nẹ idjerhe rẹ efe rayen gberi, ayen de shabọ phihọ Pọl kugbe Sailas e de kpono ayen rhe afieki vwo rhe isun na;

Iruo rẹ Iyinkọn na 16:24

Ra vwọ vuẹ ọnana nu, ọ da vwẹ igoni kanre ayen awọ phihọ obo ẹtan rẹ uwodi na.