Daniẹl 6:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọke ri Daniẹl vwọ riẹn nẹ e si odẹ phihọ ọbe na nure, ọ da yanran kpo uwevwi rọye asan ro phi evakpo phihọ vwẹ uvun rẹ egedege rọye ro rhie phihọ rọ hirhe opharo ku Jerusalẹm, o de shiguẹ asierha ẹdọke, o da nẹ ẹrhovwo ọ da kpẹvwẹ Ọghẹnẹ rọye, kirobo rọ ruẹ jovwo.

Daniẹl 6:10 ပူးပေါင်းရင်းမြစ်များ

1 Ivie 8:30

Re wọ rha kerhọn rẹ orẹ rẹ odibo wẹn kugbe ihwo wẹn Izrẹl, siẹ rẹ ayen da nẹ ẹrhovwo vwẹ etinẹ na; uyota, nyo vwẹ obo odjuvwu vwẹ asan wọ dia; wo de nyo, gbe vwo ghovwo.

1 Ivie 8:38

kẹrhovwo kẹrhovwo, korẹ korẹ rẹ ohwo ọvo nẹre eyẹ ihwo rẹ Izrẹl ejobi, rẹ ohwo ọvuọvo da riẹn ukpokpogho rọ hẹ udu rọye rẹ da riẹn abọ rọye hirhe ku uwevwi nana;

1 Ivie 8:44

Ọ da dianẹ ihwo wẹn kpare ofovwi vwọ so ivwighrẹ rayen, kidjerhe kidjerhe ri wo ji ayen wan ejobi, ayen da nẹ ẹrhovwo kẹ Ọrovwori vwo kpahe orere rẹ wo jẹreyọ na kugbe uwevwi nana re me bọnre kẹ odẹ wẹn na,

1 Ivie 8:54

Asakiephana ri Solomọn vwọ nẹ ẹrhovwo rọye ejobi kugbe orẹ rọye kẹ Ọrovwohwo nu, o de vrẹn nẹ obaro rẹ agbada rẹ Ọrovwohwo na, ro shiguẹ bẹrabọ sa odjuvwu phihọ;

2 Ikun rẹ Ivie 6:13

Solomọn duvwu ohwarha rẹ ẹrovwo ugrogro rọye kubit iyori, ohẹhẹre rọye kubit iyori, o de rhe kpenu kubit erha, o de muo phihọ ọguan na; o de mudia phihọ enu rọye. Etiyin o de diguẹ te otọ vwẹ irharo rẹ ọghwẹgbe rẹ ihwo rẹ Izrẹl, ọ da bẹre abọ sa odjuvwu;

2 Ikun rẹ Ivie 6:38

Ọ da dianẹ ayen kurhẹriẹ vwẹ iroro rayen ejobi vẹ udu rayen ejobi vwẹ evun rẹ otọ rẹ ayen da hẹ ighuvwu na, re mu ayen ra ighuvwu na, rẹ ayen de hirhe opharo ku otọ rayen na da nẹ ẹrhovwo, otọ ru wọ kẹ esẹ rayen na, orere ru wọ jẹreyọ na, kugbe uwevwi re me bọn kẹ odẹ wẹn na,

Ezra 9:5

Vwẹ ọke rẹ izobo rẹ ovwọnvwọn na vwo te nu, Mi de vrẹn nẹ evun rẹ owẹvwe echiro mẹ, iwun kugbe ukpo mẹ re bẹre ejobi, mi de she diguẹ me da riẹn abọ mẹ kẹ Ọrovwohwo rẹ Ọghẹnẹ mẹ,

Nehemaya 6:11

Me da ta, ohwo kere omẹvwẹ na dje? Kono kerẹ omẹvwẹ na sa yanran kpo evun rẹ uwevwi re ẹga ra dia? Me cha ra-a.

Une rẹ Ejiro 34:1

Mi bruphihọ kẹ Ọrovwohwo vwẹ ọke ejobi, ejiro rọye dia unu mẹ kọke kọke.

Une rẹ Ejiro 5:7

Ẹkẹvuọvo vwẹ obuebu rẹ ẹguọnọ wẹn ro je rhẹriẹ na ke me ro uwevwi wẹn, ke me ga vwẹ evun rẹ uwevwi ọfuanfon wẹn na vwe evun re oshọ wẹn.

Une rẹ Ejiro 55:17

Ovwọnvwọn kugbe irhiọke kugbe oghẹruvo Me nẹ iyẹnrẹn mẹ kugbe enuebro mẹ, ko nyo urhuru mẹ.

Une rẹ Ejiro 86:3

Wọwẹ ọye Ọghẹnẹ mẹ; ni aruẹdọ mẹ, E Ọrovwohwo, kidie wẹwẹ mi kperẹ se vwẹ ẹdẹ na ejobi.

Une rẹ Ejiro 95:6

E yanrhe, e jẹn avwanre ga re e shiguẹ ke, jẹn avwanre shiguẹ vwe obaro re Ọrovwohwo, O rọ ma avwanre!

Daniẹl 6:13

Etiyln ayen da kpahẹ Vwẹ obaro rẹ ovie na, tanẹ, Daniẹl ohwo ọvo Vwọ usun rẹ ihwo re mu nẹ luda rhẹ na, ọ davwerhọn wẹ-en, E Ovie, eyẹ urhi ru wọ phi ode wẹn phihọ na-a, ẹkẹvuọvo ọ je nẹ ẹrhọvwo rọye asiarha ẹdọke.

Daniẹl 9:4

Me da nẹ ẹrhovwo kẹ Ọrovwohwo Ọghẹnẹ mẹ me da rhọvwe umwemwu mẹ tanẹ, E Ọrovwohwo Ọghẹnẹ rode ro muoshọ, rọ yọnre ọphọ vẹ ẹguọnọ ro jẹ rhẹriẹ kẹ ihwo re guọnerọ re da rha yọnre irhi rọye,

Jona 2:4

Etiyin me da ta a kpare ovwẹ kufia nẹ obaro wẹn, Komavọ me rhoma sa kpare opharo vwo ni uwevwi ọfuanfon wẹn na?

Iyẹnrẹ Esiri ri Mak 3:3

Ọ da ta kẹ ohwo rẹ obọ rọye ghwuru na, Vrẹn mudia vwẹ uherevie.

Iyẹnrẹ Esiri ri Luk 14:26

Ọ da dianẹ ohwo bru uvwe rhe ro sa sen ọsẹ robọ rọye kugbe oni kugbe aye kugbe emọ kugbe iniọvo rẹ eshare vẹ emetẹ-ẹ, tobọ arhọ rọye dede-e, ọ sa dia odibo mẹ-ẹ.

Iyẹnrẹ Esiri ri Luk 22:41

O de tephe kẹ ayen emerha, o de shiguẹ ọ da nẹ ẹrhovwo,

Iruo rẹ Iyinkọn na 10:9

Ẹdẹ rivẹ rẹ ayen vwọ yanran kẹ amasan rẹ ayen che vwo te orere na, Pita da yanran kpo obenu rẹ uwevwi ra nẹ erhuvwu, kerẹ emu rẹ unọke esan.

Iruo rẹ Iyinkọn na 2:15

Ihwo nana da udi-i, kirobo rẹ ovwan roro na ọnana irhioke vwobọ;

Iruo rẹ Iyinkọn na 20:24

Ẹkẹvuọvo mi se arhọ mẹ gbe emuọvo-o eyẹ kọ ghare kẹ oma mẹ-ẹ, ọ da dianẹ me sa yan oyan mẹ na kugbe odibo egbo re me reyọ miẹ Ọrovwohwo Jesu, re mi vwo se oseri kẹ iyẹnrẹ esiri rẹ ẹserọphẹ rẹ Ọghẹnẹ.

Iruo rẹ Iyinkọn na 20:36

Rọ vwọ ta ọtiọye nu, o de shiguẹ ọ vẹ ayen ejobi da nẹ ẹrhovwo.

Iruo rẹ Iyinkọn na 21:5

Ọkẹ rẹ ẹdẹ rẹ avwanre vwọ gba vwẹ etiyin nu, avwanre vrẹnri me de mu oyan rẹ avwanre phihọ; ayen ejobi, vẹ eya vẹ emọ, de sun avwanre rhiri rhi te ughere rẹ orere na; me vwo shiguẹ vwẹ erhuru na avwanre da nẹ ẹrhovwo yere ohwohwo kẹ ẹdẹ ọfa.

Iruo rẹ Iyinkọn na 3:1

Ọke ọvo ri Pita vẹ Jọn vwọ yanran kpo uwevwi rẹ ẹga na vwẹ ọke rẹ ẹrhovwo, vwẹ unọke rirhiri na.

Iruo rẹ Iyinkọn na 4:29

Asakiephana Ọrovwohwo, gbe ni eguegue rayen, rere wọ kẹ idibo wẹn aroeyivwo vwo ghwoghwo ota na,

Iruo rẹ Iyinkọn na 5:20

Ovwan yanran re mudia phihọ evun rẹ uwevwi rẹ ẹga na rere ovwan re ghwoghwo ota rẹ Arhọ na kẹ ihwo ejobi.

Iruo rẹ Iyinkọn na 5:29

Ẹkẹvuọvo Pita kugbe otu rẹ iyinkọn na da kpahe nẹ, Avwanre se mu ọghọ kẹ Ọghẹnẹ nọ ihwo rẹ akpọ.

Iruo rẹ Iyinkọn na 7:60

Ọ de diguẹ ọ da van kperi nẹ Ọrovwohwo, wo kere umwemwu nana ba kẹ aye-en. Ọke rọ vwọ ta ọnana nu, ọ da vwerhẹ.

Iruo rẹ Iyinkọn na 9:40

Ẹkẹvuọvo Pita da djẹ ayen ro otafe o de diguẹ ọ da nẹ ẹrhovwo; ro vwo hirhe opharo ku orivwi na ọ da ta, Tabita, vrẹn. O de rhiẹ ẹro rọye, ọke rọ vwọ mrẹ Pita o de vrẹn tidia.

Ẹfesọs 3:14

Fiki rẹ ọnana mi vwo diguẹ kẹ Ọsẹ na,

Filipae 1:14

Buebu vwẹ imoni na da rhe vwẹ ẹro so Ọrovwohwo na fiki rẹ uwodi re me pha, ayen de rhi yivwaro phihọ vwọ ta ota rẹ Ọghẹnẹ na.

Filipae 1:20

Rẹ ọ vwọ dia obo re me hẹrhẹ vẹ iphiẹrohọ na oma gbe rha vo o vwẹ kaka-a, ẹkẹvuọvo vwẹ evun rẹ aroeyivwo vwẹ ọke ejọbi ka sa vwẹ ọghọ kẹ Kristi vwẹ oma mẹ, owenẹ ọ dia ughwu eyẹ arhọ.

Filipae 4:6

Wa ro ẹnwan rẹ emuọvo-o, ẹkẹvuọvo vwi kemu kemu orẹ kugbe oyare kugbe ẹkpẹvwẹ ta ọdavwẹ wẹn kẹ Ọghẹnẹ.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

Hibru 13:15

E gbe jẹn avwanre wan oma rọye gọ iye rẹ ejiro kẹ Ọghẹnẹ kọke kọke, kọye hẹ, ẹbẹrunu rẹ avwanre re vwo jiri odẹ rọye.

Hibru 4:16

E gbe jẹ avwanre sikẹre ekete rẹ ẹserọphe na vẹ ẹroẹvwọsuọ, rere avwanre mrẹ arodọvwẹ reyọ kugbe ẹserọphẹ rọ cha avwanre uko vwẹ ọke rẹ ọbẹnvwẹ.

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.

Ẹvwọphia 2:13

Me riẹn asan re wọ dia, asan rẹ ekete rẹ idẹbono epha; wọ da yọnrọn odẹ mẹ kokoroko wọ sa sen esegbuyota mẹ-ẹ marho kẹ ọke rẹ Antipas oseri mẹ na, ro se vwe gbuyota na, re hweri vwẹ ohri rẹ ovwan na, vwẹ asan rẹ Idẹbono dia na.