Daniẹl 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ovie na de kperi nẹ a reyọ otu rẹ eboepha na rhe, ihwo ri Kaldia na, kugbe ihwo ri nẹ isio na. Ovie na da ta kẹ evwaghawnre ri Babilọn ohwo kohwo ro se se obo re siri na, ọ da rha fan otọ rọye kẹ vwẹ, ka vwẹ emwa rẹ isene vwọ rhuo, e mi rhe phi ojọnrọn rẹ oro phihọ ohọre rọye, kọ dia ohwo rerha vwẹ uvie na.

Daniẹl 5:7 ပူးပေါင်းရင်းမြစ်များ

Jẹnẹsis 41:8

Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

Ẹsta 3:1

Rẹ enana ejobi vwọ wan nu, Ovie Ahasuerus da kpare Haman ọmọ ri Hamedata rẹ ohwo rẹ Agag kpenu, ọ da vwọ ka obaro kẹ isun re vẹ ọye gba herọ.

Ẹyano 7:11

Etiyin Fero de se aghwaire na kugbe ẹboepha na, ayen otu ri ruẹ egbẹnẹkẹ vwẹ Ijipt na, ayen da je vwẹ abọ rayen ji ru egbẹnẹkẹ ọtiọye rhe.

Isẹ 1:9

kidie ayen omamọ rẹ erhu wo vwo tughẹ uyovwi wẹn, vẹ evwarha ru wọ gba phihọ ohọre.

Solomon 1:10

Egban wẹn pha rhọrọrhọrọ vẹ ekuakua rẹ osẹnvwe wẹn, wọ gba ufi rẹ evwarha rẹ ivie mu ohọre.

Aizaya 47:13

Aghwanre buebu re dje ke we na ghwọrọ owe oma, jẹn ayen nabọ mudia re ayen sivwi uwe, ayen ihwo re ghare idjuvwu na, re tọn ẹro vi re tọn ẹro vi isio re he obenu na, re vwẹ emeranvwe ọkpokpọ mraro die re cha phia kẹ wẹ.

Jerimaya 50:35

Ọlọkọ vwẹ enu rẹ ihwo ri Kaldia, eriyin Ọrovwohwo tare, ji kugbe enu rẹ ihwo ri Babilọn, vwẹ enu rẹ isun vẹ evwaghwanre rọye!

Izikiẹl 16:11

Me da nabọ wene uwe oma djọghrọ, mi de ku ikoro phihọ owẹ abọ, mi de ku ojọrọn phihọ ohọre wẹn.

Daniẹl 1:20

Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye.

Daniẹl 1:4

Ighene ri vwo eka-an, ri vwo erhuvwu vẹ ona, vẹ ẹghwanre ra kẹ erianriẹn, ri vwo ẹruọ rẹ uyono, re je sa ga vwẹ ighẹn rẹ ovie, re rhe yono ayen ibi rẹ ẹbe kugbe epherẹ rẹ ihwo ri Kaldia na.

Daniẹl 2:2

Etiyin ovie na de se otu rẹ egbẹnẹke, idjene, eboepha, kugbe ihwo ri Kaldia ejobi koko rere ayen fa evwerhẹ na kẹ ovie. Etiyin ayen da rhe, ayen de rhi mudia phihọ obaro rẹ ovie na.

Daniẹl 2:27

Daniẹl da kpahe kẹ ovie, o vwo ọvwaghwanre ọvuọvo, eyẹ otu rẹ idjene eyẹ otu rẹ egbẹnẹkẹ eyẹ otu rẹ fan otọ rẹ isio ri se dje emuigbunu nana rẹ ọvie nọre na kẹ-ẹ,

Daniẹl 2:48

Etiyin Ovie na de mu ọghọ rọde vwọ kẹ Daniẹl. O de ji ru ẹse ride buebu vwọ kẹ, o de vwo mu osun ro suẹn unuakpọ ri Babilọn ejobi, kugbe onotu vwẹ enu rẹ evwaghwanre ri Babilọn ejobi.

Daniẹl 2:6

Ẹkẹvuọvo ovwan da fan otọ rẹ evwerhẹ na kẹ vwẹ, ko wa mrẹ ẹse te esa vẹ ọrho rode vwẹ obọ mẹ. Vwẹ ọtiọye na wa gba fan otọ rẹ evwerhẹ na kẹ vwẹ.

Daniẹl 4:14

O de kperi gangan tanẹ, She urhe na teye otọ re wọ nyavwe eghọn rọye kufia, hrọre ẹbe rọye nu, re wọ je hra emamọ rọye, jẹn eranvwe na djẹ nẹ otọ rọye, re ephran na rhan nẹ eghọn rọye.

Daniẹl 5:11

Ohwo ọvo herọ vwẹ evun rẹ uvie wẹn na ro vwo erhi rẹ eghẹnẹ efuanfon na. Vwẹ ọke rẹ ọsẹ wẹn, orẹmrẹ vẹ ọhọ vẹ aghwanre, kerẹ aghwanre rẹ eghẹnẹ na, obọ rọye a da mrẹ. Ovie na Nebukadreza ọsẹ wẹn, de vwo ru onotu kẹ otu ri ruẹ egbẹnẹkẹ, otu rẹ idjene, otu ihwo ri Kaldia kugbe otu rẹ ihwo ri nẹ isio.

Daniẹl 5:15

Asakiephana evwaghwanre vẹ otu rẹ idjene na, e se ayen rhe obaro mẹ rere ayen se obo re siri na, re ayen rha fan otọ rọye kẹ vwẹ; ẹkẹvuọvo ayen sa fan otọ rẹ ota na-a.

Daniẹl 5:16

Ẹkẹvuọvo mi nyori nẹ wọ sa fan otọ rẹ emu kugbe obo re bẹn kẹ ohwo ejobi. Asakiephana wo de se se obo re siri na wọ da rha fan otọ rọye kẹ vwẹ, ka vwẹ amwa rẹ isene vwo rhuo we, e mi rhe ku ọjọnrọn rẹ oro phihọ ohọre wẹn, ku wọ cha dia ohwo rerha ro suẹn vwẹ uvie na.

Daniẹl 5:29

Etiyin Bẹlshaza de ji urhi, a vwẹ emwa rẹ isene vwo rhuo Danẹl, e de ku ejọnrọn rẹ oro phihọ ohọre rọye, e de rhe ghwoghwo kpahọ nẹ, ọ gba dia osun rerha ro suẹn vwẹ uvie na.

Ukeri 22:17

Kidie mi ghinẹ bru ọghọ phihọ owẹ oma, kemu kemu ejobi ru wọ tanẹ mi ru ọye mi ru; yanrhe, wo rhi duvwu iyori hwe ihwo nana kẹ vwẹ.

Ukeri 22:7

Etiyin ekpako ri Moab vi Midian de vrẹn vẹ igho ra vwọ bọ epha vwẹ obọ rẹ ayen, ayen de te asan ri Balaam, ayen ke vuẹ ovuẹ ri Balak.

Ukeri 24:11

Asakiephana gba dje kpo; me tare jovwo neẹ, mi bru ọghọ phihọ owẹ oma, ẹkẹvuọvo Ọrovwohwo de si ọghọ na nu wẹ oma.

1 Samuẹl 17:25

Ihwo rẹ Izrẹl da ta, Wọ mrẹ ohwo nana ro bru avwanre rhe na? Uyota ọ rhere rhi gbobọ se Izrẹl; ohwo ro hwere, ovie kọ ghwẹ ẹfe buebu kẹ, kọ vwẹ ọmọtẹ rọye vwọ kẹ rọvwọ, kọ ru uwevwi rẹ ọsẹ rọye dia ọmuvwiẹ vwẹ Izrẹl na.