Daniẹl 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin irhiabọ rẹ obọ rẹ ohwo ọvo da vwẹ oma phia o de si isiesi phihọ oma rẹ igbẹhe rẹ ighẹn rẹ ovie, ro hirhe opharo ku asan re muẹ urhukpẹ kpahe vwẹ uwevwi rẹ ovie na, ovie da mrẹ obo na ro vwo siẹ na.

Daniẹl 5:5 ပူးပေါင်းရင်းမြစ်များ

ỌBE RẸ JOB 20:5

nẹ aghọghọ rẹ ohwo umwemwu pha krẹkrẹ, nẹ aghọghọ rẹ ohwo rọ riẹn Ọghẹnẹ-ẹ tọ-ọn?

Isẹ 29:1

Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

Jerimaya 50:43

Ovie ri Babilọn nyo usi rayen, abọ rọye de she ghwrọghọ, ophu de muo, odjadja kerẹ ọ rẹ aye rọ chuẹ uvwiẹ.

Daniẹl 4:31

Ọke rẹ ota na je vwo unu rẹ ovie na, urhuru ọvo de nẹ odjuvwu rhe, E Ovie, Nebukadneza we ọye a ta ota na kẹ; Uvie na vrẹn nẹ obọ wẹn nure.

Daniẹl 4:33

Siẹvuọvọ na ota na da ghwa sẹ kẹ Nebukadneza. A da djẹ nẹ ohri rẹ ihwo, kọ ria odi kerẹ erhuẹn, oma rọye da rhe kpọrhọ vwẹ irho ro nẹ obo odjuvwu rhe, ẹton rọye de rhi gro kerẹ iphoro rẹ ugo, ififawọ vẹ ififabọ rọye ke epha kerẹ ififawọ rẹ ephran.

Daniẹl 5:15

Asakiephana evwaghwanre vẹ otu rẹ idjene na, e se ayen rhe obaro mẹ rere ayen se obo re siri na, re ayen rha fan otọ rọye kẹ vwẹ; ẹkẹvuọvo ayen sa fan otọ rẹ ota na-a.

Daniẹl 5:4

Ayen da da udi, ayen de jiri ẹdjọ rẹ oro vẹ idọnọ efuanfọn, ẹrọvwo, utehru, urhe vẹ oragha.

Daniẹl 5:6

Etiyin oma rẹ ovie na da rhẹriẹ, iroro rọye da dje oshọ muo; abọ vẹ awọ rọye ke ghwrọghrọ, Igbo rọye ki gbe luelue.

Daniẹl 5:8

Etiyin evwaghwanre rẹ ovie na ejobi da rhe, ẹkẹvuọvo ayen se se obo re siri na, yẹrẹ sa fan otọ rọye kẹ ovie-e.

Kolose 2:14

Ro vwo phoro irhi re si kpahe ovwan uyovwi re vẹ oma rẹ avwanre shephihọ-ọ na, o de si ayen nẹ idjerhe rẹ avwanre, ọ da ra kanre ayen mu agbagba.