Daniẹl 5:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin ayen da ghwẹ ekuakua rẹ oro vẹ idọnọ efuanfọn na ra ghwẹ nẹ uwevwi rẹ Ọghẹnẹ vwi Jerusalẹm rhe; te ovie na te ehọnvwọre rọye, te eya rọye te esen rọye da vwẹ ayen da udi.

Daniẹl 5:3 ပူးပေါင်းရင်းမြစ်များ

2 Ikun rẹ Ivie 36:18

Ekuakna rẹ uwevwi rẹ Ọghẹnẹ ejobi, te otete te ọrode, efe eghaghare rẹ uwevwi rẹ Ọrovwohwo na, kugbe efe rẹ uwevwi rẹ ovie kugbe isun na ejobi, enana ejobi eyẹ ọ kua kpo Babilọn.

Aizaya 5:14

Fiki rẹ ọtiọye na ushi rhie unu rọye phihọ ọ nabọ rhie phihọ ghworo ikpihwo ri Jerusalẹm kugbe otu rayen ejobi ke ghwọrọ ruọ, ọbibinagba na ejobi kugbe ohwo rẹ oma muẹ.

Jerimaya 50:28

Kerhọn! ayen djẹ vabọ nẹ otọ ri Babilọn, re ghwoghwo ihriẹriọ rẹ Ọrovwohwo Ọghẹnẹ rẹ avwanre na vwi Zayọn, ihriẹriọ fiki rẹ uwevwi rọye.

Daniẹl 5:2

Ọke ri Bẹlshaza vwọ davwẹ udi na ọ da tanẹ e mu ekuakua rẹ oro vẹ iri idono efuanfon ri Nebukadneza, ọsẹ rọye ghwẹ nẹ uwevwi rẹ Ọghẹnẹ vwi Jerusalẹm rhe, nẹ a ghwẹ ayen rhe, rere ovie vẹ ehọnvwọre rọye, te eya rọye vẹ esen rọye vwẹ ayen da udi.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Daniẹl 5:4

Ayen da da udi, ayen de jiri ẹdjọ rẹ oro vẹ idọnọ efuanfọn, ẹrọvwo, utehru, urhe vẹ oragha.

Hosia 2:8

Ọ gbe rha riẹn nẹ omẹvwẹ re vwẹ ọka na, vẹ udi na vẹ ọfigbo na kẹ-ẹ, nẹ mẹvwẹ re je rhaphiẹ idọnọ vẹ oro rọ rhaphiẹ kẹ Baal.

Habakọk 1:11

Etiyin ayen de hwerhe vrẹn kerẹ odju ayen da yan he obaro, ihwo re re abe, rẹ ẹgba rayen hirhe phihọ ọghẹnẹ kẹ ayen.

Malakae 1:12

Ẹkẹvuọvo wo miovwiro siẹ ro wọ da ta nẹ imẹjẹ rẹ Ọrovwohwo na e gbereku kugbe emu re mu kpahọ na ejobi a jẹ ayen fia.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.

Iguẹdjọ 19:1

Vwẹ ọke yena, rẹ Izrẹl rhe vwo ovie-e na, Etiyin ohwo ri Livae ọvo da kua kpo ẹbẹre rẹ orere rẹ ugbenu rẹ Ifrem ọ da jẹn ọnse ọvo vwi Bẹtlẹhẹm ri Juda.